RUHAGOYACU.com

Amahirwe yo kuba Argentine yajya mu gikombe cy’Isi arayoyoka umunsi ku munsi, Messi yatangiye ibihano

Mu gihe gutsinda Chile mu cyumweru gishize byari byagaruriye icyizere cy’uko bashobora kwisanga mu makipe abona itike yo gukina igikombe cy’isi cya 2018 biboroheye, ikipe y’igihugu ya Argentine yongeye kwisanga ahagoranye nyuma yo gutsindirwa muri Bolivia ibitego 2-0.

Ni umukino Argentine yakinnye idafite rutahizamu akaba na kapiteni wayo, Lionel Messi wahanwe habura amasaha atandatu ngo uyu mukino ube, aho yahagaritswe imikino ine na FIFA nyuma yo gutuka umusifuzi wo ku ruhande, Michael Van Gasse mu mukino batsinzemo Chile igitego 1-0 tariki ya 23 uku kwezi.

FIFA yahanishije kandi Messi amande y’ibihumbi 10,000 by’amadolari y’Amerika nk’uko bitenganywa n’ingingo ya 57 y’amategeko y’isihyirahamwe ry’umupira w’amaguru ku Isi.

Bolivia yatsinze Argentine ibitego 2-0, kuri Juan Carlos Arce watsinze ku munota wa 31, ndetse n’igitego cya Marcelo Moreno nyuma y’iminota irindwi bavuye kuruhuka.

Gutsindwa uyu mukino kuri Argentine, bivuze ko kuri ubu ifite amanota 22 mu mikino 14 ndetse itari mu makipe ahita ahabwa itike y’igikombe cy’isi hano ku mugabane wa Amerika y’Epfo, ni nyuma y’intsinzi ya Chile (3-1 batsinda Venezuela) ndetse na Colombia (2-0 batsindira Ecuador iwabo).

Argentine izakina imikino itaha, irimo itatu bazakina badafite Lionel Messi, aho bazaba basabwa kwitwara neza kugira ngo baze mu makipe ane ya mbere.

Indi mikino yabaye muri CONMEBOL:

  • Bolivia 2 - 0 Argentina
  • Ecuador 0 - 2 Colombia
  • Chile 3 - 1 Venezuela
  • Brazil 3 - 0 Paraguay
  • Peru 2 - 1 Uruguay
JPEG - 46.8 kb
Edgardo Bauza utoza Argentine byamugoye kwakira ibyo yabonaga

Argentine irasabwa ibirenze idafite Messi mu mikino itatu iri imbereArgentine irasabwa ibirenze idafite Messi mu mikino itatu iri imbere
Bolivia bishimira igitego cyabo cya 2Bolivia bishimira igitego cyabo cya 2

Brazil yo ibyo kujya mu gikombe cy'isi, birasa n'ibyarangiyeBrazil yo ibyo kujya mu gikombe cy’isi, birasa n’ibyarangiye
Juan Carlos Arce na Marcelo Moreno bishimira ibitegoJuan Carlos Arce na Marcelo Moreno bishimira ibitego
Angel Correa agerageza gucenga ArceAngel Correa agerageza gucenga Arce
Angel Di Maria ntiyabyumvaga!Angel Di Maria ntiyabyumvaga!

Byari ibyishimo bikomeye kuri Bolivia iri mu myanya ya nyumaByari ibyishimo bikomeye kuri Bolivia iri mu myanya ya nyuma

Edgardo Bauza utoza Argentine byamugoye kwakira ibyo yabonagaEdgardo Bauza utoza Argentine byamugoye kwakira ibyo yabonaga

JPEG - 65.4 kb
Messi yabwiwe ko yahagaritswe habura amasaha make ngo umukino utangire
Map : Ahabanza  \  Ahandi

Ibitekerezo byatanzwe kuri iy'inkuru

  1. Arthur Marvil Iteriteka

    Kuya 1-04-2017 saa 08:43'

    ata messi nta argentine!!!nik bir x?biragoye kwumv k ikipe yagez mur final mugikombe c’isi gheruka yobura itique kbx

  2. Aime Franck Bayubahe

    Kuya 30-03-2017 saa 09:50'

    Je Ndavyumva Nk’indotoko Argentine Yobula Mugikombe Cy’isi.Ese Linel Andre Messi Niwe Mukinnyi Argentine Igyendako?

  3. Patrick ogden

    Kuya 29-03-2017 saa 12:43'

    Bagizwe na messi bra messi ntacyizere bifitiye , Argentina biragoye kuyibura mugikombe cyisi kbs


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru