RUHAGOYACU.com

Chelsea itsinzwe na Bayern Munich mu mukino wa mbere kuri Morata

Imbere y’abasaga ibihumbi 48,500 muri Singapore, Bayern Munich iheruka gutsindwa na Milan AC ibitego 4-0, yabashije gutsinda Chelsea ibitego 3-2 mu mukino wa mbere kuri rutahizamu Alvaro Morata.

Bayern Munich yafunguye amazamu hakiri kare, ku ishoti rya Rafinha, yatsinze ku munota wa gatandatu gusa w’umukino.

Nyuma y’iminota itanu, Thomas Muller wari udafite umufashe, yatsindiye igitego cya kabiri mu rubuga rw’amahina rw’ikipe ya Chelsea mbere yo gutsinda igitego cya gatatu ku ishoti rikomeye ryo muri metero nka 25 ku munota wa 26.

Rafinha yatsinze igitego cya mbere cya Bayern MunichRafinha yatsinze igitego cya mbere cya Bayern Munich
Muller ntiyoroheye ChelseaMuller ntiyoroheye Chelsea

Chelsea yabonye igitego cya mbere cyo kwishyura mu minota y’inyongera y’igice cya mbere, igitego cyatsinzwe na Marcos Alonso, amakipe yombi ajya mu kauhuko ari ibitego 3-1.

Mu gice cya kabiri, umutoza Antonio Conte wa Chelsea yahinduye ikipe, ashyiramo abakinnyi batandukanye, aba barimo na rutahizamu mushya Alvaro Morata uherutse kugurwa muri Real Madrid.

Morata yakinnye umukino wa mbere muri ChelseaMorata yakinnye umukino wa mbere muri Chelsea
N'golo Kante ahanganye na RodriguezN’golo Kante ahanganye na Rodriguez

Chelsea yakinnye ishaka kwishyura ibitego yatsinzwe, yabashije kwishyuramo igitego kimwe, ubwo ku munota wa 85, Michy Batshuayi witwaye neza mu mukino batsinzemo Arsenal kuwa Gatandatu, yatsindaga igitego cya kabiri.


CHELSEA (3-4-3):
Courtois (Eduardo 76); Azpilicueta, Christensen (Luiz 64), Cahill ; Moses , Kante, Fabregas (Pasilic 86), Alonso (Tomori 76); Willian, Batshuayi (Baker 86), Boga (Morata 64, )

BAYERN (4-2-3-1): Starke (Fruchtl 46); Rafinha (Gotze 64), Martinez, Hummels , Friedl ; Tolisso (Pantovic 64), Sanches ; Muller (Wintzheimer 80), James , Ribery (Dorsch 80); Lewandowski (Coman 46).

Stade yabereyeho umukino muri SingaporeStade yabereyeho umukino muri Singapore

Map : Ahabanza  \  Ahandi

Ibitekerezo byatanzwe kuri iy'inkuru

  1. BARCA

    Kuya 31-07-2017 saa 01:50'

    ARIKO UBWO MUYOBEWE YUKO BARCA YATWAYE IGIKOMBE NA REAL IKABA IYANYUMA MUBIVUGEHO NKUKO MUJYA MUTUBWIRA IBYA REAL NTI MUKAVANGURE MUBE ABANYA MWUGA Cg MUTUBWIRE TUZABAVEHO MURAKOZE


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru