RUHAGOYACU.com

Chelsea yanyagiye Arsenal, Milan AC yandagaza bikomeye Bayern Munich

Ikipe ya Arsenal ishoje urugendo rw’ibyumweru bibiri yagiriraga ku mugabane wa Asia, inyagirwa na Chelsea ibitego 3-0 birimo ibitego bibiri bya Michy Batshuayi.

Wari umukino wa nyuma wa Arsenal mu Bushinwa, nyuma yo gutsindira kuri penaliti ikipe ya Bayern Munich kuwa Gatatu, aho kuri Bird’s Nest Stadium y’i Beijing bahahuriga na Chelsea FC y’umutoza Antonio Conte.

Aya makipe yombi akaba yahuye mu gihe mu byumweru bibiri azongera guhurira mu mukino ubanziriza shampiyona y’u Bwongereza, tariki ya 6 z’ukwezi gutaha muri FA Community Shield

Arsenal yatangiye ihererekanya neza, ibona uburyo butandukanye burimo ubw’abakinnyi bakiri bato, mu gihe Chelsea yo yasimbuje hakiri kare ubwo Padro yagonganaga na Ospina, agasimburwa na Boga.

Pedro yagonganye na Ospina hakiri karePedro yagonganye na Ospina hakiri kare

Habura iminota itanu gusa ngo amakipe yombi ajye mu karuhuko, Chelsea yafunguye amazamu ku gitego cyatsinzwe na Willian ku munota wa 40, mu gihe kandi nyuma y’iminota ibiri, Cohen Bramall yugariye nabi maze N’Golo Kante yihera umupira Michy Batshuayi watsinze igitego cya kabiri cya Chelsea.

Nyuma y’iminota ine bavuye mu karuhuko, Alex Oxlade-Chamberlain yaniniwe guhagarika Marcos Alonso wahaye umupira Batshuayi atsinda igitego cya gatatu, mu gihe kandi amahirwe yabonetse ku ruhande rwa Arsenal ku munota wa 59, abakinnyi barimo Giroud batigeze babubyaza umusaruro.

Batshuayi yagoye cyane ikipe ya ArsenalBatshuayi yagoye cyane ikipe ya Arsenal
Umusifuzi Fi Mung arebera ubwo Fabregas yari ahanganye na Granit XhakaUmusifuzi Fi Mung arebera ubwo Fabregas yari ahanganye na Granit Xhaka

Chelsea: Courtois (Caballero); Azpilicueta (Scott), David Luiz (Christensen), Cahill (Clarke-Salter), Moses (Tomori), Kante (Pasalic), Fabregas (Baker), Alonso (Remy); Willian, Batshuayi, Pedro (Boga).

Arsenal: Ospina, Maitland-Niles (Elneny), Mertesacker (Koscielny), Monreal (Kolasinac), Oxlade-Chamberlain, Ramsey, Xhaka (Coquelin), Bramall (Welbeck), Ozil, Iwobi, Lacazette (Giroud).

Mu yindi mikino ya gicuti yabaye, Milan AC yihanije ikipe ya Bayern Munich iyinyagira ibitego 4-0.

Franck Yannick Kessie yafunguye amazamu ku munota wa 14, Patrick Cutrone atsinda igitego cya kabiri ku munota wa 25 mu gihe ubwo haburaga iminota ibri ngo amakipe yombi ajye kuruhuka Patrick Cutrone yongeyemo igitego cya gatatu, naho Hakan Calhanoglu atsinda agashinguracumu ku munota wa 85.

West Bromwich Albion yatsinzwe 2-0 na Crystal Palace, Liverpool itsnda Leicester City ibitego 2-1 ku mukino wa nyuma wa Premier League Asia Trophy wabereye kuri Hong Kong Stadium.

Islam Slimani yafunguye amazamu ku munota wa 12 w’umukino, ariko Mohamed Sallah yishyura iki gitego ku munota wa 20 mbere y’uko Philippe Coutinho atsinda igitego cya kabiri ku munota wa 44, umukino urangira ntazindi mpinduka zibaye.

Map : Ahabanza  \  Ahandi

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru