RUHAGOYACU.com

Conf Cup: Portugal yatunguwe na Mexique, Cameroun itsindwa na Chile

Ku munsi wa kabiri w’imikino y’igikombe mpuzamagibane yari yakomeje kuri iki Cyumweru, ikipe y’igihugu ya Portugal yabuze intsinzi ku munota wa nyuma, inganya na Mexique mu gihe Cameroun ihagarariye umugabane wa Afurika, yatsinzwe na Chile ibitego 2-0.

Mu mukino wabanje, mu itsinda rya mbere, Portugal yahuye na Mexique, kuri Kazan Arena, umukino urangira amakipe yombi anganyije ibitego 2-2.

Ricardo Quaresma yafunguye amazamu ku ruhande rwa Portugal ku munota wa 25, igitego cyishyuwe na Javier Hernandez ’Chicharito’ nyuma y’iminota irindwi gusa, amakipe yombi ajya mu karuhuko, anganya igitego 1-1.

Habura iminota itanu gusa, ngo umukino urangire; Portugal babonye igitego cyashoboraga kubahesha intsinzi, ku munota wa 86, gitsinzwe na Cedric Soares, ariko ku burangare bw’abakina inyuma ba Portugal, Hector Moreno abatsindana umutwe wavuyemo igitego cyo kwishyura ku ruhande rwa Mexique, ku munota wa 90 w’umukino, birangira banganyije ibitego 2-2.

Portugal bayishyuye umukino ugiye kurangiraPortugal bayishyuye umukino ugiye kurangira

Muri iri tsinda rya mbere, Uburusiya buyoboye n’amanota 3, Mexique na Portugal bafite inota rimwe naho New Zealand ifite ubusa n’umwe w’ibitego 2.

Umukino wakurikiyeho, wo mu itsinda B; Cameroun ihagarariye uugabane wa Afurika nyuma yo kwegukana CAN 2017 yabereye muri Gabon itsinze Misiri ibitego 2-1 ku mukino wa nyuma, yatsinzwe na Chile ibitego 2-0.

Kuri Otkrytiye Arena; Arturo Vidal na Eduardo Vargas batsinze ibitego byombi byabonetse mu minota 10 ya nyuma y’umukino, ku munota wa 82 n’uwa 90, bituma Cameroun itakaza umukino.

Vidal yafunguye amazamu n'umutweVidal yafunguye amazamu n’umutwe
Ku mupira wa Sanchez, Chile yatsinze igitego cya kabiri umukino ugiye kurangiraKu mupira wa Sanchez, Chile yatsinze igitego cya kabiri umukino ugiye kurangira

Mbere gato y’uko amakipe yombi ajya mu karuhuko, Eduardo Vargas yari yafunguye amazamu ku ruhande rwa Chile; igitego cyanzwe n’umusifuzi nyuma yo kwifashisha amashusho (VAR- Video assistance Refeering) bagasanga habayemo kurarira. Ibi, byanabaye mu mukino wabanje ku gitego gifungura amazamu cyatsinzwe na Pepe, ku ruhande rwa Portugal, bakacyanga.

Vargas yatsinze igitego kitavuzweho rumwe.....Vargas yatsinze igitego kitavuzweho rumwe.....
Video system yanzura ko habayemo kurariraVideo system yanzura ko habayemo kurarira

Kuri uyu wa Mbere,hateganyijwe umukino umwe wo mu itsinda B, aho Australia n’Ubudage, barakina saa 17:00.

Map : Ahabanza  \  Ahandi

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru