RUHAGOYACU.com

Ese koko Lionel Messi na Argentine bashobora kubura mu gikombe cy’Isi cya 2018?

Gutsindwa na Brazil ibitego 3-0 mu mukino wabaye kuwa Kane w’iki Cyumweru, byashyize mu kaga gakomeye ikipe y’igihugu ya Argentine mu rugendo rwo gushaka itike y’igikombe cy’Isi cya 2018 kizabera mu Burusiya.

Kuri ubu, Argentine ni iya gatandatu mu bihugu bya Amerika y’amajyepfo (CONMEBOL) nyuma yo gutsindirwa mu mujyi wa Belo Horizonte 3-0 mu gihe hasigaye imikino irindwi gusa.

Brazil ya Neymar yatsinze Argentine 3-0 kuwa Kane w'iki CyumweruBrazil ya Neymar yatsinze Argentine 3-0 kuwa Kane w’iki Cyumweru
Messi na bagenzi be barakomerewe....Messi na bagenzi be barakomerewe....

Argentine imerewe ite?

Magingo aya, ikipe y’igihugu ya Argentine iri inyuma inota rimwe ku mwanya bagarukiraho bafata amakipe azajya mu gikombe cy’Isi muri Amerika y’amajyepfo.

Ukurikije uko iyi kipe yitwara ubusanzwe, birashobora ko yakwikura aha hantu, ariko na none biragoye ugendeye ku mikino iheruka dore ko yatsinzwe itatu mu gihe yo yabashije gutsinda ine.

Gusubira inyuma ku rutonde kwa Argentine byaje nyuma yaho ikipe y’igihugu ya Bolivia ikinishije Nelson David Cabrera w’imyaka 33 bakina na Chile.

Nelson David Cabrera (5) yatumye Chile ihabwa amanota atatu, iza imbere ya ArgentineNelson David Cabrera (5) yatumye Chile ihabwa amanota atatu, iza imbere ya Argentine

Uyu mugabo wakiniye Cerro Porteno yavukiye muri Paraguay ndetse ayikinira mu mukino wa gicuti mu 2007. Nyuma yo kubona ubwenegihugu bwa Bolivia, yarayikiniye, ibi ntibyashimisha FIFA, bituma afatwa nk’umukinnyi utari wemerewe gukina imikino yabahuje na Peru na Chilem ibihugu byombi bihabwa amanota atatu ndetse Chile ijya ku mwanya wa gatanu imbere ya Argentine, mu gihe yari yanganyije na Bolivia.

Messi afite ubushobozi bwo gucungura igihugu cye?

Kuba abenshi bagaruka kuri Lionel Messi, akenshi ni ukumushyiraho igitutu gikomeye dore ko nta gikombe aratwara mu ikipe y’igihugu nubwo azwi nk’umukinnyi w’igihangange ku Isi, ariko ntiyashaka ibitego mu ikipe ngo anayobore ubwugarizi.

Birasaba ko umutoza Edgardo Bazua ashaka uburyo ba myugariro be yabahagarika neza, ikipe igakorera hamwe mbere yo gushaka gukina buri umwe ku buhanga bwe nk’uko twabibonye kuri Portugal muri Euro 2016, yewe n’igihe bari badafite Cristiano Ronaldo wavunitse ku mukino wa nyuma.

Uretse Messi, ubwugarizi bwa Argentine buracyemangwaUretse Messi, ubwugarizi bwa Argentine buracyemangwa
Umutoza Edgardo Bazua na we ntacirwa akari urutegaUmutoza Edgardo Bazua na we ntacirwa akari urutega

Imikino Argentine imaze gukina

  • 8 Ukwakira 2015: 2-0 v Ecuador (baratsinzwe)
  • 13 Ukwakira 2015: 0-0 v Paraguay (baranganyije)
  • 13 Ugushyingo 2015: 1-1 v Brazil (baranganyije)
  • 17 Ugushyingo 2015: 1-0 v Colombia (baratsinze)
  • 24 Werurwe 2016: 2-1 v Chile (baratsinze)
  • 29 Werurwe 2016: 2-0 v Bolivia (baratsinze)
  • 1 Nzeli 2016: 1-0 v Uruguay (baratsinze)
  • 6 Nzeli 2016: 2-2 v Venezuela (baranganyije)
  • 6 Ukwakira 2016: 2-2 v Peru (baranganyije)
  • 11 Ukwakira 2016: 0-1 v Paraguay (baratsinzwe)
  • 10 Ugushyingo 2016: 3-0 v Brazil (baratsinzwe)

Brazil iri ku isonga, Argentine iri inyuma y'amakipe 5 abona itikeBrazil iri ku isonga, Argentine iri inyuma y’amakipe 5 abona itike

Ni iki cyabaye ubwo baheruka kwisanga mu bihe nk’Ibi?

Ubwo Argentine yari mu bihe nk’ibi mu 2008, uwari umutoza Alfio Basile yareguye, bitabaza Diego Maradona, ndetse babasha kuhikura babona itike iberekeza mu gikombe cy’isi cya 2010 cyabereye muri Afurika y’Epfo, aho babanje gutsinda imikino itatu, batsindwa na Bolovia, baba aba gatanu, ariko babasha gutsinda imikino ibiri yari isigaye, bibahesha umwanya mu gikombe cy’Isi.

Maradone yishimira intsinzi ya 1-0 imbere ya Peru, byatumye ajyana Argentine muri Afurika y'Epfo mu 2010Maradone yishimira intsinzi ya 1-0 imbere ya Peru, byatumye ajyana Argentine muri Afurika y’Epfo mu 2010

Map : Ahabanza  \  Ahandi

Ibitekerezo byatanzwe kuri iy'inkuru

  1. RAZAQ

    Kuya 13-11-2016 saa 00:58'

    Nubwo bigoye kubigeraho ariko Leo Messi Imana izamufasha babone amanota abajyana Mu cyisi2018.Nkuko nabazi ubusesenguzi babivuga Ntago Messi Akina hose nko muri. Defence , Attaque, Muzamu,Icyo gihe 11 B’argantina Bakwicara rero.Narebye Zabareta ,Othamendi Muri defanse ndumirwa gusa.Attaque Aguerro na Gonzalo Higuen ntago Biyumvamo MESSI.Abakinyi babura Messi bagatsindwa nkabadahari Iyini CONMEBOL Ntago ari EURO Wangu nta nigiceri Gikoreshwa kumahirwe .Gusa Abifuza kutabona Messi muri World Cup ubwo bazi icyo yababuza kugeraho abaye arimo gukina muriryo Rushanwa.Ariko nushaka kwishima ifuze ibihanganjye byose bihahurire WORLD CUP 2018


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru