RUHAGOYACU.com

Mamelodi Sundowns yari ihagarariye umugabane w’Afurika mu gikombe cy’Isi cy’amakipe yasezerewe rugikubita

Ikipe ya Mamelodi Sundwons yari ihagarariye umugabane wa Afurika mu gikombe cy’Isi cy’amakipe kiri kubera mu Buyapani, yaraye isezerewe ku mukino wa mbere, aho yatsinzwe na Kashima Antlers yo mu Buyapani ibitego 2-0.

Muri uyu mukino wabereye kuri Suita City Stadium, Sundwons babonye amahirwe yo gutsinda kuri Khama Billiat na Keagan Dolly ariko ntibayabyaza umusaruro.

Nyuma yo kunganya igice cya mbere, 0-0, Endo yatsindiye Kashima igitego cya mbere ku munota wa 63 ku ishoti ritabashije kugarurwa n’umuzamu Denis Onyango mbere yuko kandi Mu Kanazak ashimangira intsinzi ya 2-0 ku munota wa 87 w’umukino.

Mu wundi mukino, Club America yatsinze Jeonbuk 2-1, bivuze ko Sundwons bazakina na Jeonbuk Hyundai yo muri Korea bahatanira umwanya wa 5 n’uwa 6 kuwa Gatatu tariki 14 uku kwezi.

Muri 1/2, Atlético Nacional izakina na Kashima Antlers kuwa Gatatu mu gihe Real Madrid izakina na Club America kuwa Kane tariki ya 15 Ukuboza 2016.

Map : Ahabanza  \  Ahandi

Ibitekerezo byatanzwe kuri iy'inkuru

  1. Peter

    Kuya 7-01-2017 saa 13:56'

    Ronaldo Ntasanzwe Arikwemeza Isi Peeee !!!!!! Nakomerezaho


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru