RUHAGOYACU.com

Ronaldo yatsindiye Portugal, Ubwumvikane buke busoza umukino wa Mexico na New Zealand

Ku munsi wa Kane w’igikombe mpuzamigabane kiri kubera mu gihugu cy’u Burusiya, ikipe y’igihugu ya Portugal ibifashijwemo na kapiteni wayo, Cristiano Ronaldo yagaruye icyizere cyo kurenga amatsinda, ni nyuma yo gutsinda u Burisiya igitego 1-0.

Kuri uyu wa Gatatu hakinwaga imikino yo mu itsinda rya mbere, aho mu mukino wabanje, ku munota wa 8 gusa w’umukino, igitego cya Cristiano Ronaldo n’umutwe, cyari gihagije ngo Portugal ibone intsinzi imbere y’iki gihugu kizakira igikombe cy’Isi mu mwaka utaha wa 2018.




Ronaldo asoma ku gahanga umwana w'umukobwa, mu bahereje abakinnyi mu kibuga, mbere yo kumuha jacket yeRonaldo asoma ku gahanga umwana w’umukobwa, mu bahereje abakinnyi mu kibuga, mbere yo kumuha jacket ye

Kuri Otkrytiye Arena, Portugal yabonye uburyo bwinshi butandukanye muri uyu mukino, burimo uburenga butatu kuri Cristiano Ronaldo ndetse n’umutwe wa Bernardo Silva, ariko bagorwa cyane n’umuzamu Igor Akinfeev w’u Burusiya.

Igitego rukumbi Ronaldo yatsinze muri uyu mukino, cyari icya 13 atsindiye Portugal mu mikino 8 iheruka, mu gihe kandi yuzuzaga ibitego 74 mu ikipe y’igihugu, iyi yatsinzwe umukino umwe muri 22 iheruka gukina.



Portugal yatsinze u Burusiya 1-0Portugal yatsinze u Burusiya 1-0

Mu mukino wakurikiyeho, muri iri tsinda rya mbere, Mexique yaturutse inyuma, itsinda New Zealnd ibitego 2-1.

Chris Wood yafashije New Zealand gufungura amazamu mu gice cya mbere, habura iminota itatu ngo amakipe yombi ajye kuruhuka, ariko icyizere cyo gutsinda umukino wa mbere muri 11 bamaze gukina muri iki gikombe mpuzamigabane, cyaje kuyoyoka ku munota wa 54, ubwo Mexique yishyurirwaga na Raul Jimenez.

Mexique n’ubundi byagaragariraga amaso ko irusha cyane ikipe ya New Zealnd yaje kubona igitego cy’intsinzi ku munota wa 73, iki cyatsinzwe na Oribe Peralta hari mbere y’uko mu minota isoza umukino, haba ibisa n’imvururu ubwo Diego Reyes wa Mexique yakururaga Michael Boxall, uyu na we agakinira nabo Hector Herrera wa Mexique wari umutwaye umupira maze n’abandi babyivangamo kugeza umusifuzi ukomoka hano muri Afurika, muri Gambia, Bakary Gassama yifashije uburyo bw’amashusho maze aha amakarita y’umuhondo abakinnyi batatu batangije izi mvururu.


Abakinnyib'impande zombi bashyamiranyeAbakinnyib’impande zombi bashyamiranye
Umusifuzi Gassama yifashishije VAR atanga amakarita atatu y'umuhondoUmusifuzi Gassama yifashishije VAR atanga amakarita atatu y’umuhondo

Mexique na Portugal ziyoboye itsinda rya mbere n’amanota 4, zombi zizigamye igitego kimwe, U Burisiya bufite amanota 3 mu gihe New Zealand ifite ubusa. Ku munsi usoza amatsinda, Portugal izakina na New Zealand, u Burusiya bukine na Mexique.

Kuri uyu wa Kane, iyi mikino irakomeza, aho Cameroun irakina na Australia saa 17:00 naho undi mukino wo mu itsinda B, uhuze u Budage na Chile saa 20:00.

Map : Ahabanza  \  Ahandi

Ibitekerezo byatanzwe kuri iy'inkuru

  1. RAZAQ

    Kuya 24-06-2017 saa 14:59'

    Nubundi natanze comenti Yanjye nzineza yuko Cr7 atabasha gusoma ikinyarwanda bivuze ngo siwe nabwiraga ahubwo nabwiraga abasoma Cg bazi ikinyarwanda nkawe ubwawe nubwobwose nanenze ariko wowe nta Gihamya wampaye ahubwo Ubyimba umunwa uvuga ubusa Ariko sibitangaje ndabona wiyise tiko Wakabaye wanshyizeho TIKU Kuko ndabona ushobora kuba ufitanye isano nabagore Batikura

  2. tiko

    Kuya 23-06-2017 saa 08:25'

    Naba nawe atanze jacket inamugeraho none wowe utanze urugambo rutazanamugeraho!

  3. RAZAQ

    Kuya 22-06-2017 saa 23:02'

    UBURYARYA.COM Abandi batanga Ama Euro € wowe ugatanga Ijakete koko wavutse mubutindi ndabyemeye musinyire Akantu gafatika ureke kutubenshya nababandi bvuga ngo Ufasha Abakene Exemple nibayiduhese


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru