RUHAGOYACU.com

U Bwongereza bwanyagiye Espagne bwegukana igikombe cy’Isi U-17

Nyuma y’amezi ane ikipe yabo y’abatarengeje imyaka 20 yegukanye igikombe cy’Isi igikuye muri Korera, ikipe y’igihugu y’Abatarengeje imyaka 17 y’Ubwongereza nayo yegukanye igikombe cy’Isi cyaberaga mu Buhinde inyagiye Espagne ibitego 5-2 ku mukino wa nyuma.

Ubwongereza bwatunguranye bwishyura ibitego 2-0 bwabanje gutsindwa mbere yo kwinjiza ibindi bitego bitatu, umukino urangira ari 5-2 i Kolkota kuri Salt Lake Stadium mu Buhinde.

Ubwongereza bwegukanye igikombe cy'Isi U-17 nyuma y'amezi 4 batwaye icya U-20Ubwongereza bwegukanye igikombe cy’Isi U-17 nyuma y’amezi 4 batwaye icya U-20

Ni ku nshuro ya mbere iyi kipe y’Abongereza yari irenze imikino ya 1/4 muri iri rushanwa, ihita ikora nk’ibyo bakuru bayo batarengeje imyaka 20 bakoze muri Kamena uyu mwaka begukana igikombe cy’Isi nabo.

Sergio Gomez ukinira Barcelone yari yafunguye amazamu ku ruhande rwa Espagne, ayitsindira ibitego 2-0 ku munota wa 10 n’uwa 31 mbere y’uko abasore ba Steve Cooper bagaruka mu mukino, aho Rhian Brewster yishyuyemo igitego kimwe n’umutwe, habura umunota umwe mbere y’uko bajya kuruhuka.

Sergio Gomez yatsinze Abongereza ibitego 2 mu minota 30 ya mbereSergio Gomez yatsinze Abongereza ibitego 2 mu minota 30 ya mbere
Espagne bishimira intsinzi hakiri kare....Espagne bishimira intsinzi hakiri kare....

Mu minota ya mbere y’igice cya kabiri, Morgan Gibbs White yishyuriye Ubwongereza ku mupira wari uvuye kuri Steven Sessegnon, maze ubwo haburaga iminota 20 ngo umukino urangire Phil Foden ahesha Ubwongereza kuyobora umukino mbere y’uko Marc Guehi ashimangira intsinzi.

Phil Foden uva mu ikipe ya Manchester City yashyize iherezo ku nzozi z’abanya-Espagne mu minota ya nyuma y’umukino, abatsinda igitego cya gatanu ku munota wa 88.

Gibbs White atsinda igitego cyahesheje Abongereza kunganya 2-2 ku munota wa 58 w'umukinoGibbs White atsinda igitego cyahesheje Abongereza kunganya 2-2 ku munota wa 58 w’umukino
Phil Foden yigaragaje muri rushanwa n'ubundi yatsinze 2, ... ava muri Manchester City nawe!Phil Foden yigaragaje muri rushanwa n’ubundi yatsinze 2, ... ava muri Manchester City nawe!
Myugariro wa Chelsea Marc Guehi yatsinze igitego gishimangira intsinziMyugariro wa Chelsea Marc Guehi yatsinze igitego gishimangira intsinzi

Rhian Brewster w’Umwongereza yabaye rutahizamu w’irushanwa n’ibitego 8, umunyezamu wa Brazil; Gabriel Brazao aba uw’irushanwa mu gihe umukinnyi waryo yabaye umwongereza Phil Foden.

Rhian Brewster watsinze 8 yahawe urukweto rwa zahabu, Gabriel Brazao wa Brazil ahabwa glooves za zahabu mu gihe Phil Foden yabaye umukinnyi w'irushanwaRhian Brewster watsinze 8 yahawe urukweto rwa zahabu, Gabriel Brazao wa Brazil ahabwa glooves za zahabu mu gihe Phil Foden yabaye umukinnyi w’irushanwa

Ubwongereza: Anderson (Man City); Sessegnon (Fulham), Guehi (Chelsea), Latibeaudiere (Man City), Panzo (Chelsea); McEachran (Chelsea), Oakley-Booth (Tottenham); Foden (Man City), Gibbs White (Wolves), Hudson-Odoi (Chelsea); Brewster (Liverpool)

Espagne: Fernandez (Malaga); Jaume (Barcelona), Chust (Real Madrid), Guillamon (Valencia), Miranda (Barcelona); Blanco (Real Madrid), Moukhliss (Real Madrid); Gelabert (Real Madrid), Gomez (Barcelona), Torres (Valencia); Ruiz (Barcelona)

Map : Ahabanza  \  Ahandi

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru