RUHAGOYACU.com

Umusifuzi yibeshye Ubudage butsinda Cameroun, Portugal na Chili muri 1/2

Mu gikombe mpuzamigabane gikomeje kubera mu gihugu cy’u Burusiya, ikipe y’igihugu y’u Budage n’iya Chile ziyongereye kuri Portugal na Mexique mu makipe ane azakina 1/2.

Kuri iki Cyumweru hasozwaga imikino yo mu itsinda B, aho u Budage bwihereranye Cameroun y’abakinnyi 10, buyitsinda ibitego 3-1.

Muri uyu mukino, Kerem Demirbay yashyize imbere u Budage ku munota wa 48, afungura amazamu, hari mbere y’uko Ernest Mabouka ahabwa ikarita itukura ku munota wa 64.

Timo Werner yatsindiye Abadage ibindi bitego bibiri; ku munota wa 67 n’uwa 82, mu gihe Vincent Aboubakar yatsinze igitego rukumbi cya Cameroun ku munota wa 79.

Abakinnyi b'u Budage bishimira igitegoAbakinnyi b’u Budage bishimira igitego
Sebastian Siani ahanganye n'umukinnyi w'u BudageSebastian Siani ahanganye n’umukinnyi w’u Budage

Ni umukino Ubudage bwabonyemo amahirwe menshi, arimo uburyo bwa Joshua Kimichi ku mupira wa Marvin Platternhardt, ubwa Timo Werner na Kimmichi kandi bagowe na Fabrice Ondoa ku munota wa 53, mu gihe kandi Andre-Frank Zambo Anguissa wa Cameroun na we yabonye umupira we ukurwamo na Marc-Andre Ter Stegen.

Muri uyu mukino, umusifuzi yahaye ikarita itukura Sebastian Siani ubwo Ernest Mabouka yari akoreye ikosa ku mukinnyi w’u Budage, ariko nyuma yo kwitabaza amashusho, asanga koko Mabouka ari we ugomba kujya hanze.

Umusifuzi yahannye Siani mu mwanya wa Mabouka wakiniye nabi UmudageUmusifuzi yahannye Siani mu mwanya wa Mabouka wakiniye nabi Umudage
Siani ntiyiyumvishaga uburyo ashowe mu kibugaSiani ntiyiyumvishaga uburyo ashowe mu kibuga
Hitabajwe VAR, amashusho rwoseHitabajwe VAR, amashusho rwose
Byarangiye n'ubundi Ernest Mabouka ari we usohotse kuko ari we wakoze ikosaByarangiye n’ubundi Ernest Mabouka ari we usohotse kuko ari we wakoze ikosa

Undi mukino wabaye muri iri tsinda, Chili yanganyije na Australia, bituma izamuka muri iri tsinda iri ku mwanya wa kabiri.

James Troisi yafunguye amazamu mu gice cya mbere ku ruhande rwa Australia, igitego kishyuwe na Martin Rodriguez mu gice cya kabiri cy’umukino.

U Budage bwayoboye itsinda n’amanota 7, Chile igira amanota 5, Australia yatahanye amanota abiri naho Cameroun yatashye ifite inota rimwe.

Troisi afungura amazamu ku ruhande rwa AustraliaTroisi afungura amazamu ku ruhande rwa Australia
Martin yishyuriye ChileMartin yishyuriye Chile
Chile yazamutse ari iya kabiri mu itsindaChile yazamutse ari iya kabiri mu itsinda

Nyuma y’iyi mikino isoza amatsinda yabaye mu mpera z’iki Cyumweru, Portugal izahura na Chile muri 1/2, umukino uzaba kuwa Gatatu tariki ya 28 Kamena naho u Budage buhure na Mexique kuwa Kane tariki ya 29 Kamena 2017.

Map : Ahabanza  \  Ahandi

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru