RUHAGOYACU.com
RuhagoYacu  |  Amateka  |  Rwanda

Amategeko agenga umukino wa Kung Fu

RWANDA KUNG-FU/ WUSHU FEDERATION

AMATEGEKO RUSANGE AGENGA IRUSHANWA/KURWANA, UBURYO BWO KURWANA N’IBIGENDERWAHO MU GUTSINDA.

INGINGO GUHERA KUYA 17 Y’AMATEGEKO YA IKF(International Kung Fu Federation)

- INGINGO YA 17: UBURYO BWO KURWANA

Uburyo bwo gusatira no kwirwanaho bwa SANSHOU(Bukurikije amategeko) bugomba gukoreshwa mu kurwana.

INGINGO YA 18: UBURYO BUBUJIJWE

  • 18.1. Gukubitisha umutwe, inkokora cg ivi cg se gukubita uwo muhanganye mufatanye
  • 18.2. Gutura umuntu hasi n’agatsinsino(ukamukubise ku mutwe), gukoresha ibigufu byinshi cg kumukubitira hasi yaguye.
  • 18.3. Gukubita umutwe w’uwo mukina uburyo ubwo ari bwo bwose igihe yamaze kugwa hasi.

  • INGINGO YA 19. AHANTU HABUJIJWE

  • Ku mutwe inyuma, ijosi no hagati y’amaguru.
  • INGINGO YA 20. IBIGENDERWAHO MU GUTSINDA

  • 20.1. Umukinnyi ahabwa amanota 2.
  • 20.1.1. Iyo uwo bakina agiye hanze y’ikibuga(kubera kurushwa imbaraga)
  • 20.1.2. Iyo agumye guhagarara igihe yatuye uwo bakina hasi.
  • 20.1.3. Iyo akubise ku mutwe cg ku gihimba cy’uwo bakina akoresheje umugeri( leg technique) .
  • 20.1.4. Iyo atuye uwo bakina hasi abishaka kandi amuteze yaba umutego w’imbere cg uw’inyuma hanyuma agakurikizaho n’igiipfunsi(akimukozaho gusa).
  • 20.1.5. Iyo uwo bakina ahanwe kubera gusatirana ibigufu
  • 20.1.6. Iyo uwo bakina ahawe gasopo.
  • 20.2. Umukinnyi abarirwa inota 1.
  • 20.2.1. Iyo akubise uwo bakina ku mutwe cg ku gihimba akoresheje igipfunsi(fist tecnique)
  • 20.2.2. Iyo akubise uwo bakina ku kibero cye akoresheje technique y’akaguru(umugeri)
  • 20.2.3. Iyo aguye hasi nyuma y’uwo bakina
  • 20.2.4. Iyo atuye uwo bakina abishaka ariko ntabashe kongeraho igipfunsi.
  • 20.2.5. Iyo uwo bakina atabashije gusatira nyuma y’amasegonda 8 kandi yari abitegetswe.
  • 20.2.6. Iyo uwo bakina ananiwe guhaguruka nyuma y’amasegonda 3 atuwe hasi.
  • 20.2.7. Iyo uwo bakina yihanangirijwe.
  • 20.3. nta nota rihabwa umukinnyi.
  • 20.3.1. Iyo techniques akoresheje zidasobanutse ku buryo bugaragara.
  • 20.3.2. Iyo impande zombie(abakinnyi) bagwiriye inyuma cg mu kibuga icyarimwe.
  • 20.3.3. Iyo uwo mukina akwituyeho abishaka nka technique yo kurwana.
  • 20.3.4. Iyo umukinnyi akubise kandi bafatanye.

  • INGINGO YA 21. AMAKOSA N’IBIHANO

  • 21.1. AMAKOSA

  • 21.1.1. Umukinnyi akora ikosa rya technique;
  • 1) Iyo ashoreye uwo bakina cg akiruka amuhunga
  • 2)Iyo azamuye akaboko ke asaba guhagarika igice cy’umukino bitari ngombwa.
  • 3) Iyo atinza umukino abishaka.
  • 4) Iyo agaragaje ikinyabupfur gicye ku musifuzi cg ntiyubahe ibyemezo byabo.
  • 5) Iyo atambaye ibirinda amenyo cg akabikuramo cg se agakuramo uturindantoki twe(gants)
  • 6) Iyo atitaye kuri protocol.
  • 21.1.2. Umukinni akora ikosa ryo ku giti cye.
  • 1) Iyo asatiriye mugenzi we bahanganye mbere yo guhabwa uruhushya rwo gutangira cg nyuma y’uko babahagarika.
  • 2)Iyo akubise mugenzi we ahantu habujijwe.
  • 3) Iyo akubise mugenzi we bahanganye mu buryo butemewe.

  • 21.2. IBIHANO

  • 21.2.1. Kwihanangirizwa bibaho iyo habayeho ikosa ry technique
  • 21.2.2. Gasopo ihabwa iyo habayeho ikosa ry’umukinnyi ku giti cye.
  • 21.2.3. Umukinnyi ukoze amakosa yo ku giti cye 3 akurwa mu marushanwa.
  • 21.2.4. Umukinnyi ukiniye mugenzi we abishaka akamukomeretsa akurwa mu marushanwa yose kandi amanita ye akamburwa agaciro.

Map : Ahabanza  \  Amateka  \  Rwanda

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru