RUHAGOYACU.com
RuhagoYacu  |  Amateka  |  Amakipe

Rurambikana hagati ya Orlando Pirates na Kaizer Chiefs - Amavu n’amavuko ya Soweto Derby

Kuri uyu wa gatandatu, hateganyijwe umukino wa shampiyona uhuza amakipe ahora ahanganye mu gihugu cya Afurika y’Epfo, umukino umenyerewe nka Soweto derby, uzabera kuri FNB Stadium.Uyu mukino ni umwe muri mike ihuruza abafana benshi hano ku mugabane wa Afurika dore ko warebwe n’abasaga 90,000 mu mwaka ushize w’imikino wa 2013/14.

Ibigwi n’amateka y’uyu mukino:

Soweto Derby ni umukino uhuza amakipe ya Orlando Pirates hamwe na Kaizer Chiefs, yombi yo mu rusisiro rwa Soweto, umujyi wa Johannesburg mu gihugu cya Afurika y’Epfo, aho amakipe yombi yatangiye guhangana mu 1970.

Biba ari intambara mukibugaBiba ari intambara mukibuga

Imbarutso y’uku guhangana, ni uko ikipe ya Kaizer Chiefs yashinzwe n’uwahoze ari umukinnyi wa Orlando Pirates, Kaizer Motaung. Uyu, yaje kujya gukina muri shampiyona ya Leta Zunze ubumwe z’Amerika mu ikipe ya Atlanta Chiefs.Ubwo yari agarutse mu gihugu cye cy’amavuko, Kaizer Motaung yasanze hari ukutumvikana mu ikipe ya Orlando Pilates, biba ngombwa ko afata icyemezo cyo gushinga ikipe yise Kaizer XI, yahise inatangira gukina imikino ya gishuti itandukanye hamwe n’andi makipe yo muri iki gihugu mbere yo gufata izina rya Kaizer Chiefs.

Amakipe yombi amaze guhura mu mikino 58 ya shampiyona kuva mu 1985, aho Kaizer Chiefs yatsinze imikino 24, Orlando Pirates itsinda 12, banganya 22.

Kaizer Chiefs ikaba yarabashije gutsinda imikino 13 muri 27 yakiriyemo ku kibuga cyayo ikipe ya Orlando Pirates, mu gihe umukino uheruka guhuza amakipe yombi, Kaizer Chiefs yabashije gukura amanota hanze ku ntsinzi y’ibitego 2-0 yatsindiwe na Tshabalala na Mthembuyara.

Ikipe ya Kaizer Chiefs ikaba ifite ibikombe 53 mu marushanwa yose yitabiriye birimo 12 bya shampiyona, mu gihe Orlando Pirates yo yegukanye ibikombe 28 birimo 8 bya shampiyona.

Abashobora kubanza mu kibuga ku mpande zombi:

Orlando Pirates: Mhlongo, Jele, Mahamutsa, Gcaba, Matlaba, Ntshumayelo, Makola, Sarr, Makola, Manyisa(c), Erasmus.

Umutoza: Eric Tinkler


Kaizer Chiefs :
Khune, Gaxa, Mashamaite, Mathoho, Masilela, Katsande, Letsholonyane, Masango, Tshabalala, Parker, Rusike.

Umutoza: Staurt Baxter.

Map : Ahabanza  \  Amateka  \  Amakipe

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru