RUHAGOYACU.com RUHAGOYACU kuri Youtube RUHAGOYACU kuri Twitter RUHAGOYACU kuri Facebook
Amakuru ashyushye Yanditswe kuya 30-04-2017 saa 21:34'  -  AFC Tubize ya Salomon yarangije ku mwanya wa 5, irifuza Sibomana Patrick wa APR FC  |  Yanditswe kuya 28-04-2017 saa 25:35'  -  Ferwafa yemereye Gicumbi Fc kwakirira Rayon Sports Fc i Kigali  |  Yanditswe kuya 28-04-2017 saa 24:47'  -  Kiyovu Sports irahakana ko nta mafaranga yahawe yo kurwana no kutamanuka  |  Yanditswe kuya 28-04-2017 saa 20:30'  -  Stade nyinshi mu turere, kimwe mu bigenza abavuye mu ishyirahamwe rya Maroc  |  Yanditswe kuya 28-04-2017 saa 16:39'  -  " Intego imwe mfite uyu mwaka ni uguhesha APR FC igikombe cy’Amahoro" Onesme Twizerimana
Ubuhamya bwa Kapiteni w’ikipe y’igihugu warokotse Jenoside n’intambara yo gukuraho Kadhafi
Print Comments: 1 Share on Facebook Share on Twitter Text Size

Muri ibi bihe u Rwanda rwibuka Jenoside yakorewe abatutsi mu mwaka wa 1994, Ruhagoyacu.com yagiranye ikiganiro kirambuye na kapiteni w’ikipe y’Igihugu y’umukino w’amaboko wa Volleyball, Mukunzi Christophe, warokotse Jenoside nyuma akaza no kurusimbuka ubwo yakinaga muri Libya, hakaduka intambara yo gukuraho Mouammar Khadafi wayoboraga icyo gihugu.

Mukunzi Christophe yabashije kurokoka Jenoside hamwe n’abavandimwe be batatu ndetse na nyina umubyara, ariko papa we ntiyabashije kurusimbuka, kuko Jenoside yamuhitanye bituma mama wabo asigarana umukoro ukomeye wo kurera abana yasigaranye.

Mukunzi aganira n'umunyamakuru wa RuhagoyacuMukunzi aganira n’umunyamakuru wa Ruhagoyacu
Mukunzi n'umufasha weMukunzi n’umufasha we
Mu rugo...Mu rugo...

Mukunzi Christophe yavutse taliki ya 8 Gashyantare 1989, avukira mu cyahoze ari Kibuye, ubu ni mu karere ka Karongi, bivuze ko Jenoside yabaye afite imyaka itanu.
Nyuma ya JenoSide, yagannye inzira y’ishuri mu buryo bugoranye, dore ko ngo byagoye nyina kubarera wenyine, ariko afatanya n’imiryango birashoboka.

Kapiteni w’ikipe y’igihugu y’umukino wa Volleyball avuga ko kurokoka Jenoside ari ikintu gikomeye, ariko Jenoside yamugizeho ingaruka zikomeye yabonye irangiye zirimo kugorwa n’amashuri ndetse no kubura umubyeyi.

ati "ingaruka Jenoside yangizeho, icya mbere navuga ku myigire n’ubuzima busanzwe, kuko twize tugoranye ku mukecuru, kuko twari abana bane agomba kudufata en charge (kutwitaho) , ntabwo byari byoroshye, nawe ubuzima bwari bumugoye cyane, kugirango aturere turinde dukura kugera ubwo tungana uku, kubera ibibazo twabaga mu miryango itandukanye, kubera ubushobozi butari bwiza" Kapiteni w’ikipe y’igihugu ya Volleyball ukina nk’uwabigize umwuga muri Bulgaria n’ubwo amasezerano ye yarangiye.

Amashuri yisumbuye yayize muri Groupe Scolaire Birambo, akomereza ku Ruyenzi mu kigo kigisha ubwubatsi, ariko aha hose atarabasha kubyaza amafaranga umukino wa Volleyball yakinaga byatumaga n’umuryango we umusaba ko yava mu by’imikino, akiga akazagera aho yigeza.

Mukunzi yavuye mu makipe y’ibigo mu mwaka wa 2006, yinjira muri Kigali Volleyball Club (KVC), naho yatangiye akora imyitozo, ariko aza gufata ikarita ya mbere ya Shampiyona muri 2007.

Kapiteni w'ikipe y'igihugu yagiye akina mu bihugu bitandukanyeKapiteni w’ikipe y’igihugu yagiye akina mu bihugu bitandukanye
Mukunzi yakwishimiye ko se umubyara abona uburyo amaze kwandikisha izina mu Rwanda no mu mahangaMukunzi yakwishimiye ko se umubyara abona uburyo amaze kwandikisha izina mu Rwanda no mu mahanga

Mu mwaka wa 2010 yitabiriye igikombe cy’Afurika cy’abatarengeje imyaka 20 (U20) cyabereye muri Libya, ari nabwo ikipe yo muri Libya yamubengutse ajya gukina shampiyona yo muri Libya ari kumwe na Dusabimana Vincent bakunze kwita "Gasongo".

Kugeza yerekeza muri Libya umuryango we ngo wari ukimusaba kureka ibyo gukina, ahubwo akiga ngo azagire icyo afasha Mama we wari ukomeje kugorwa no kubashakira ejo hazaza heza.

Intambara yo muri Libya yatumye yongera gutekereza Genocide, "Noneho birarangiye"

Mukunzi akigera muri Libya, hahise hatera intambara yo guhirika ubutegetsi bwa Mouammar Kadhafi, yabanjirijwe n’imitwe itandukanye yitwaje intwaro n’ imyigaragambyo mbere y’uko ibindi bihugu byivanga muri iyi ntambara, byatumye ahakina amezi ane gusa agaruka mu Rwanda bigoranye.

Ati" nubwo Jenoside yabaye nkiri umwana, ariko muri Libya bibaye nari nzi ko birangiye..., nkavuga nti ubu ngubu birarangiye kuko nari mukuru nzi n’ubwenge mbona ibintu byose, byari biteye ubwoba, ariko kubw’amahirwe n’Imana, turongera dutaha amahoro, twaritegeye turataha. ntabwo twari dutuye kure y’ikibuga cy’indege, kuva mu nzu twabagamo twashatse taxi voiture tuyitega saa kumi za mu gitondo , kuko umushoferi yaratubwiye ati mu ma saa kumi nibwo abarwanyi baba bananiwe bagiye kuruhuka gakeya, nibwo yadutwaye ubundi atugeza ku kibuga cy’indege ubundi tubona gutaha", Mukunzi.

Ibikoresho aba ari kumwe na byo hoseIbikoresho aba ari kumwe na byo hose
Mukunzi kapiteni w'ikipe y'igihugu ya VolleyballMukunzi kapiteni w’ikipe y’igihugu ya Volleyball
Ni umunyarwandaNi umunyarwanda

Nyuma yo kuva muri Libya yakomereje mu bindi bihugu bitandukanye nka Algeria, Quatar, Turukiya na Bulgaria.

Mukunzi yishimira ibyo yagezeho nyuma ya Genocide, akababazwa na papa we utakiriho ngo abibone.

Mukunzi avuga ko umukino wa Volleyball umaze kumugeza kuri byinshi agereranije n’aho yavuye, kuko wamwubatse mu mikoro ndetse no kwibagirwa ibibazo yatewe na Jenoside.

Ati" ku bwanjye Volleyball yamfashije ibintu byinshi, kwiyubaka nyuma ya Jenoside, kumenyana n’abantu, Sports isigaye itunze abantu benshi cyane, nk’umuntu wagize ibibazo, ntabwo ishobora gutuma wigunga cyangwa ngo uheranwe n’agahinda, burya iyo ukoze Sports uraruhuka ugasa nk’uvuye mu bihe bibi umuntu aba yaranyuzemo kubera ko ugenda ubona inzira nziza" Kapiteni w’ikipe y’igihugu ya Volleyball wasizwe na se umubyara afite imyaka itanu gusa, ubu akaba ari umugabo w’imyaka 28 ufite n’umugore.

Ibikorwa byose yagezeho, iyo atekereje ko umubyeyi we adahari ngo nawe abyishimire, bimutera agahinda, ariko na none bikamutera ishema ryo gukora cyane ngo aho ari yishimire uwo umuhungu we yabaye we.

Ati: “mpamya ko umubyeyi ariwe muntu wa mbere ushobora kwishimira ikintu ugezeho .....ijana ku ijana iyo umusaza wacu aba akiriho, ndumva yari kwishimira yuko ari kubona umuhungu we ari umukinnyi wabigize umwuga, cyangwa ari kapiteni w’ikipe y’Igihugu, birakubabaza ariko na none buriya nkuko tuvuga ngo ababyeyi bacu aho bari bishimira abo twabaye bo, nanjye iyo mpagaze aha ngaha, byanze bikunze mvuga ngo ndi kapiteni w’ikipe y’Igihugu cyangwa ndi umuknnyi wabigize umwuga, biranshimisha nkumva nanjye hari ishema muhesha, nubwo wenda yagiye atabizi, ariko ni uko nta kundi umuntu agomba kubiharanira, kugirango ashimishe uwo akomokaho”Mukunzi.

Kapiteni w'ikipe y'igihugu asanga Volleyball hari kinini yamufashije mu buzima bwa nyuma ya JenosideKapiteni w’ikipe y’igihugu asanga Volleyball hari kinini yamufashije mu buzima bwa nyuma ya Jenoside
Nyuma yo kurokoka Jenoside yakorewe Abatutsi, Mukunzi yanarokotse intambara ya LibyaNyuma yo kurokoka Jenoside yakorewe Abatutsi, Mukunzi yanarokotse intambara ya Libya

Mukunzi Christophe avuga ko ikindi Volleyball yamufashije ari ukumukura mu bitekerezo byamuganisha ahabi na bagenzi be, dore ko ngo aho yanyuze hose basekaga, byabaho ko banashawana mu kibuga, bahita biyunga , kandi buri wese akubaha undi.

kuva yatangira gukina Volleyball ntiyigeze abona ingengabitekerezo muri bagenzi be, cyangwa ngo bishishanye.

Mukunzi Christope afite imyaka 28 nubwo Jenoside yabaye afite imyaka 5 gusa.
Yashakanye na Muhizi Giramata Nice, avuga ko yamufashije cyane gucunga neza urugo, kuko mbere yo gushaka yasesaguraga umutungo, yaba akina i Burayi cyangwa ari mu biruhuko mu Rwanda.

Munyensanga Jean Bosco Kuya 9-04-2017 saa 15:46'

kwihesha agaciro nibyo byambere muvandi kandi uzajye ukunda no gusenga


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe
    Igitekerezo cyawe kigaragara nyuma y'isuzuma rikorwa na RuhagoYacu.com
    Iyo igitekerezo cyawe kitajyanye nâ€â„¢inkuru cyangwa gitandukiriye amahame agenga abasiporitifu kirasibwa.
    Murakoze!

Urutonde rwa shampiyona y’icyiciro cya mbere 2016 - 2017.
Shampiyona igeze ku munsi wa 25
  N∘   Ikipe Imikino Ibitego Amanota
01Rayon Sports233558
02Apr FC251851
03Police FC251848
04As Kigali251447
05Bugesera FC25939
06Musanze FC25138
07Espoir FC25434
08Etincelles FC25-631
09Mukura VS24-829
10Kirehe FC25-428
11Sunrise FC25-527
12Amagaju FC25-826
13Kiyovu sports25-1325
14Marines FC25-1423
15Gicumbi FC24-1521
16Pepiniere FC25-2612
  N∘   Ikipe Imikino Ibitego Amanota
Urutonde rurambuye


Urutonde rwa batsinze ibitego byinshi

Nimero Amazina Ibitego
01USENGIMANA Danny16
02Wayi Yeka13
03MICO Justin12
Nimero Amazina Ibitego
Urutonde rurambuye rwa ba rutahizamu


Imikino iteganyijwe gukinwa

Kigali Regional Stadium
Friday, 26 May 2017 15:30
flag RAYON - vs - MUKURA flag
Gicumbi Stadium
Tuesday, 02 May 2017 15:30
flag GICUMBI - vs - RAYON flag
Nyagatare Stadium
Sunday, 30 April 2017 15:30
flag SUNRISE 1 - 2 KIYOVU flag
 
Huye Stadium
Sunday, 30 April 2017 15:30
flag MUKURA 2 - 1 BUGESERA flag
 Christophe N. (1)
 Kevin H. (1)
  Farouk R. (1)
Kicukiro Stadium
Sunday, 30 April 2017 15:30
flag POLICE 1 - 1 APR flag
 Danny U. (1)
  Imran N. (1)
Kirehe Stadium
Sunday, 30 April 2017 15:30
flag KIREHE 1 - 2 MARINES flag
  Amri K. (1)
 Bertin D. (1)
Gicumbi Stadium
Saturday, 29 April 2017 15:30
flag GICUMBI 1 - 0 AMAGAJU flag
 Obed H. (1)
 
Kigali Regional Stadium
Saturday, 29 April 2017 15:30
flag AS KIGALI 2 - 1 PEPINIERE flag
 Janvier C. (2)
  Vincent H. (1)