RUHAGOYACU.com

CAF CC: Imikino ya Rayon Sports na Rivers United yo muri Nigeria yashyizwe nyuma y’icyunamo

Imikino yombi igomba guhuza ikipe ya Rayon Sports na Rivers United yo muri Nigeria mu ijonjora rya kabiri rya 1/16 cya CAF confederation Cup yashyizwe nyuma y’icyumweru cy’icyunamo.

Nyuma yaho Rayon Sports itomboye iyi kipe yo muri Nigeria, amatariki y’umukino ubanza uzabera muri Nigeria agahurirana n’icyumweru u Rwanda n’inshuti z’u Rwanda tuba twibukamo Abatutsi bazize jenoside yabaye mu 1994, Rayon Sports yandikiye impuzamashyirahamwe y’umupira w’amaguru muri Afurika, CAF, isaba ko umukino ubanza wakwimurwa.

Umukino ubanza wari uteganyijwe haagti ya tariki ya 7 n’iya 9 Mata 2017 mu gihe uwo kwishyura wari kuba nyuma y’icyumweru kimwe gusa.

Nk’uko amakuru agera kuri RuhagoYacu abivuga, CAF yasubije Rayon Sports ko umukino ubanza uzabera muri Nigeria tariki ya 15 Mata 2017 mu gihe uwo kwishyura uzabera i Kigali tariki ya 22 Mata 2017.

Rivers United ikaba itarimo kwitwara neza muri shampiyona ya hariya iwabo dore ko ubu ihagaze ku mwanya wanyuma nyuma yo gutsindwa na Mountain of Fire and Miracles Ministries Football Club (MFM FC) ibitego 2-1 mu mukino w’ikirarane.

Rayon Sports yitegura kujya muri Nigeria nayo ifite umukino w’ikirarane cy’umunsi wa 18 igomba kuba yisobanuramo n’ikipe ya As de Kigali kuri uyu wa Gatandatu tariki 25 Werurwe. Rayon Sports ikaba ikomeje kuyobora urutonde rwa Shampiyona y’u Rwanda, Azam Rwanda Premier League, n’amanota mirongo ine n’atandatu (46), irusha APR FC iyikurikiye amanota atanu.

Map : Ahabanza  \  Afurika  \  Ibikombe bya CAF

Ibitekerezo byatanzwe kuri iy'inkuru

  1. aman jean

    Kuya 30-03-2017 saa 00:20'

    mbega reyon yacu kmz ubabaze gkna

  2. xavi

    Kuya 27-03-2017 saa 02:32'

    uko bimeze kose ririya dollali tugomba kurya nk aba rayon...rayon ndashaka ko uzankubitir agakip utakababariye maze nkababaza igikona kbx

  3. James

    Kuya 26-03-2017 saa 16:31'

    U Rwanda muri cecaf rwasindiye ku giceri cya 50 twe iriya kipe iviramo kubihano.niki cyatuma tutajya mu matsinda? chapiona tuyibitseho,amahoro aradutegereje. igikona ntuzashyiremo akarenge utazata ibaba nkumwaka ushize.uwagutsinze ntaho yagiye.

  4. Irankunda jean de Dieu

    Kuya 26-03-2017 saa 07:59'

    Rayon sport oyeeeeee!!!!!!
    Rayon sport we uracyeye kumyitwarire ndetse no kumyambarire ndabona uzabikora ndavuga gushumisha abaguhisemo

  5. mugisha

    Kuya 24-03-2017 saa 22:34'

    rivers ntabwo ihagaze neza imikino yayo ndayikurikirana kuri gotv rayonsport izirinde gutsindirwa hanze ibindi izabikora iriyakipe iratsindika cyane mbona rayon yaratomboye neza ntibaziteshe ayamahirwe yokujya mumatsinda.

  6. Musesenguzi

    Kuya 24-03-2017 saa 20:57'

    Ese kuki mwirengagiza nkana kuvuga ibirarane bya Rivers??
    Mugomba no kuvuga iramutse ibitsinze Umwanya yafata. Naho.ubundi muba mutujijisha cyane cyane abakinnyi. Si byiza.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru