RUHAGOYACU.com

CAF: Rayon Sports izamenya uwo bazahura kuri uyu wa kabiri, Zanaco mu gakangara kamwe na CAPS United

Ikipe ya Rayon Sports ihagarariye u Rwanda mu irushanwa rya CAF Confederation Cup, iramenya ikipe bazesurana mu ijonjora rishyira amatsinda kuri uyu wa Kabiri muri tombola.

Impuzamashyirahamwe y’umupira w’amaguru muri Afurika, CAF, itangaza ko tombola y’imikino yo gukuranamo ya CAF Confederation Cup iraba kuri uyu wa Kabiri i Cairo mu Misiri, aho ikorera, guhera saa 11:00 za Kigali.

Iyi tombola iritabirwa n’amakipe yakomeje muri 1/16 cya cy’iri rushanwa ndetse n’ayandi yasezerewe muri 1/16 cya CAF Champions League, aho aratomborana kugira ngo azakomeza, azagere mu matsinda ya CAF Confederation Cup.

Imikino ibanza izaba hagati ya tariki ya 7 n’iya 9 ukwezi gutaha mu gihe iyo kwishyura izaba mu cyumweru kizakurikiraho, hagati ya tariki ya 14 n’iya 16 Mata 2017.

Amakipe yakomeje muri Confederation Cup ni: MC Alger, JS Kabylie (Algeria), Recreativo do Libolo (Angola), ASEC Mimosas (Cote d’Ivoire), El Masry, Smouha (Egypt), MAS Fes, Ittihad Tangier (Morocco), Rayon Sports (Rwanda), Hilal El Obeid (Sudan), Mbabane Swallows (Swaziland), Platinum Stars, Supersport United (South Africa), Club Africain, CS Sfaxien (Tunisia), Zesco United (Zambia).

Ayasezerewe muri Champions League ni: RC Kadiogo (Burkina Faso), AC Leopards (Congo), AS Tanda (Cote d’Ivoire), TP Mazembe (DR Congo), Gambia Ports Authority (Gambia), Horoya (Guinea), CNaPS (Madagascar), AS Port Louis (Mauritius), FUS Rabat, Wydad Athletic Club (Morocco), Ferroviario Beira (Mozambique), Rivers United, Rangers (Nigeria), Bidvest (South Africa), Young Africans (Tanzania), KCCA (Uganda).

Muri Champions League amakipe yageze mu matsinda akaba yagabanyijwe mu dukangara mbere yo kujya muri tombola y’amatsinda, aho agabanyije ku buryo bukurikira:

Agakangara 1 : Etoile Sportive du Sahel (Tunisie), Al Ahly (Egypte), Zamalek (Egypte), Mamelodi Sundowns (Afrique du Sud).

Agakangara 2 : Espérance Sportive de Tunis (Tunisie), Wydad Casablanca (Maroc), Al Hilal Omdurman (Soudan), USM Alger (Algérie).

Agakangara 3 : El Merreickh (Soudan), Coton Sport Garoua (Cameroun), Al Ahly Tripoli (Libye), AS Vita Club (RD Congo).

Agakangara 4: Zanaco (Zambie), CAPS United FC (Zimbabwe), Saint George (Ethiopie), Ferroviario (Mozambique).

Amakipe abiri yo mu gihugu kimwe ntashobora kujya mu itsinda rimwe.

Map : Ahabanza  \  Afurika  \  Ibikombe bya CAF

Ibitekerezo byatanzwe kuri iy'inkuru

  1. BIZIMANA THEONESTE

    Kuya 22-03-2017 saa 20:50'

    Uuuhuhuuu!!!!! sha icyonzi ni 1 ,kano gakip nako karahondaguwe kari muri kiriize nk’iyigikona kuki tutarakavuza ubuhiri? rayon sports oyee!!

  2. nkundabatware

    Kuya 21-03-2017 saa 08:08'

    REYON IZAHURA NIZO MURI CONGO

  3. -####-

    Kuya 20-03-2017 saa 20:32'

    aba rayon mureke kugira ubwoba icyangombwa abakinnyi bagomba kwigirira ikizere kuko mu kibuga hajyamo abakinnyi 11 kuri buri ruhande

  4. alain

    Kuya 20-03-2017 saa 17:58'

    njye ndumva uwaduha MAZEMBE byaba ari ubukwe mbese byaba ari sawa

  5. sadou

    Kuya 20-03-2017 saa 17:26'

    Jye ndabona Imana ikwiye kuturinda ama Équipe duturanye azi neza Championnat yacu nka YOUNG, KCCA, kongeraho MAZEMBE n’iriya y’abarabu ayo 4 uwayadukiza andi azaze dukine utsinze ajyende utsinzwe asigare ikindi abarayon mukwiye kumenya ni uko aya nayo yasezerewe kuko adashoboye iyaba ashoboye yari gutsinda ntaze hano so izaza tuzawukina

  6. -####-

    Kuya 20-03-2017 saa 15:32'

    None amakipe 16 no gute akina 1/16?

    Yakabaye ari 1/8.

  7. Musesenguzi

    Kuya 20-03-2017 saa 15:18'

    Ntabwoba.
    Iyo ariyo yose tuzakina.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru