RUHAGOYACU.com

CAN 2019: Hamwe n’umutoza mushya, Abakinnyi 16 ba Centrafrique batangiye kwitegura Amavubi

Kimwe n’Amavubi yatangiye umwiherero kuri uyu wa Mbere, ikipe y’igihugu ya Centrafrique ’Les Fauves du bas-Oubangui’ yatangiye umwihererero kuri uyu wa mbere, bitegura umukino w’umunsi wa mbere mu matsinda yo gushaka itike y’igikombe cya Afurika cya 2019 kizabera muri Cameroun.

Centrafrique n’u Rwanda ni ibihugu byombi biri mu itsinda rimwe rya 8 ryo gushaka itike y’iki gikombe kizabera muri Cameroun, aho andi makipe ari muri iri tsinda ari Côte d’Ivoire na Guinée Conakry.

Iyi kipe yatangiye umwiherero w’umukino ubanza izakirira i Bangui tariki ya 11 Kamena 2017, hamwe n’abakinnyi 16 bakina imbere mu gihugu kuri stade Barthélémy Boganda, ariko byitezwe ko kuri uyu wa kabiri imyitozo yitabirwa n’abakinnyi 18, ubwo haza kuba hiyongereyemo Zimbori Nicaise na Kéthévoama Foxi.

Abandi bakinnyi bakina hanze bategerejwe mu ikipe y’igihugu ya Centrafrique muri iki cyumweru.

Centrafrique iheruka gukina imikino 2 ya gicuti muri Maroc mu kwezi kwa gatatuCentrafrique iheruka gukina imikino 2 ya gicuti muri Maroc mu kwezi kwa gatatu

Muri aba bakinnyi umutoza ari gukorana nabo, azakuramo 10, abongere kuri 13 yamaze guhitamo mbere, aho urutonde ntakuka byitezwe ko ruzamenyekana mu mpera z’iki cyumweru.

Umusuwisi Raoul Savoy akaba yarongeye guhabwa ikipe y’igihugu ya Centrafrique mu kwezi gushize kugira ngo abafashe kwitwara neza muri iri tsinda, aho nta masezerano yigeze agirana n’ishyirahamwe rya ruhago muri Centrafrique (FCF). Uyu mugabo akaba yaranatoje iki gihugu mu 2015.

Raoul Savoy akaba ari gukorana n’umuyobozi wa tekinike Jean Jacques Ombi hamwe na Hervé Loungoundji wari usanganwe iyi kipe y’igihugu.

Raoul Savoy yongeye kugaruka mu ikipe ya CentrafriqueRaoul Savoy yongeye kugaruka mu ikipe ya Centrafrique

Map : Ahabanza  \  Afurika  \  Ibikombe bya CAF

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru