RUHAGOYACU.com

CHAN 2018: Sudani y’Epfo yahagamye Uganda, Tanzania n’Amavubi kuri uyu wa Gatandatu

Ikipe y’igihugu ya Sudani y’Epfo yatunguranye inganya na Uganda Cranes mu mukino ubanza w’ijonjora rya kabiri mu gushaka itike y’igikombe cy’Afurika cy’abakinnyi bakina imbere mu bihugu byayo, CHAN 2018.

Iri rushanwa rizabera mu gihugu cya Kenya, kuva tariki ya 11 Mutarama kugeza kuya 2 Gashyantare 2018.

Muri uyu mukino wabereye kuri Juba Stadium, muri Sudani y’Epfo, kuri uyu wa Gatanu, amakipe y’ibihugu byombi (Bright Stars za Sudani y’Epfo na Uganda Cranes) yananiranwe, umukino urangira banganyije ubusa ku busa (0-0).

Uganda Cranes itozwa na Milutin Micho ifite akazi ko gushakira itike yo gukomeza mu ijonjora rya gatatu, mu rugo, ubwo bazaba bakira umukino wo kwishyura uzaba mu mpera z’icyumweru gitaha i Lugogo, kuri StarTimes Stadium.

Uganda Cranes babonye amahirwe atandukanye, arimo igitego cy’umutwe cyatsinzwe na Derrick Nsibambi, umusifuzi avuga ko habayeho kurarira mu gihe kandi iyi kipe yahushije na penaliti yo mu gice cya kabiri kuri kapiteni wayo Geoffrey Sserunkuma ku ikosa ryakozwe n’umuzamu Daniel Khemis kuri Milton Kariisa, ubwo yamuteraga umugeri mu gatuza.

Ikipe izakomeza hagati y’ibihugu byombi, izahura n’izaba yakomeje hagati y’u Rwanda na Tanzania mu ijonjora rya gatatu, utsinda abone itike imujyana muri CHAN 2018 muri Kenya.

Tanzania irakira u Rwanda mu mukino ubanza urabera kuri CCM Kirumba i Mwanza kuri uyu wa Gatandatu saa 15:00, umukino murakurikirana ’LIVE’ kuri RuhagoYacu.com

Umukino wo kwishyura uzabera kuri Stade ya Kigali kuwa Gatandatu utaha.


Gahunda ya Week-end

- Zone yo hagati n’u Burasirazuba

Kuwa Gatanu

  • Soudan du Sud 0-0 Ouganda

Kuwa Gatandatu

  • Tanzanie – Rwanda
  • Djibouti – Ethiopie

- Zone y’Uburengerazuba A

Kuwa Gatandatu

  • Sierra Leone – Sénégal
  • Guinée Bissau – Guinée
  • Gambie – Mali

Ku Cyumweru

  • Liberia – Mauritanie

- Zone y’Uburengerazuba B

Ku Cyumweru

  • Togo – Bénin

- Zone y’Amajyepfo

Kuwa Gatandatu

  • Comores – Lesotho
  • Botswana – Afrique du Sud

Ku Cyumweru

  • Madagascar – Mozambique
  • Maurice – Angola
  • Namibie – Zimbabwe
Map : Ahabanza  \  Afurika  \  Ibikombe bya CAF

Ibitekerezo byatanzwe kuri iy'inkuru

  1. viator

    Kuya 19-07-2017 saa 09:32'

    ubrundi buzakina sunday na sudani, umukino wasubitswe kubera ibihano byari byafatiwe sudani nyuma FIFA ikaja kubikuraho kuko sudani yari yahagaritse president wa federation yayo fifa ihagarika sudan mumikino yayo yose mpuzamahanga gutyo abayobozi ba sudani bahita barekura uwo atwara federation yaho, urukino rusubikwa guto

  2. David

    Kuya 16-07-2017 saa 23:54'

    Congo RDC ko itarimo ? nu Burundi ? ubizi yansobanurira. thanks


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru