RUHAGOYACU.com

Gor Mahia yatakeje umwanya wa 1 nyuma yo gutsindwa na Sofapaka ya Ssimbwa

Ikipe ya Gor Mahia yo mu cyiciro cya mbere mu gihugu cya Kenya, ikinamo abanyarwanda 3 yatakaje umwanya wa mbere ku rutonde rw’agateganyo rwa shampiyona, nyuma yo gutsindwa na Sofapaka.

Iyi kipe ikinamo abanyarwanda 3, Kagere Medie, Mugiraneza Jean Baptiste bita Migi na Tuyisenge Jacques, yatsinzwe na Sofapaka ibitego 2-0 kuri iki cyumweru.

Igitego cya mbere cyagiyemo mu gice cya mbere cy’umukino, mu gihe igitego cya 2 iyi kipe itozwa n’umugande Sam Ssimbwa yagitsinze ku munota wa 5 w’igice cya 2.

Uyu mukino abakinnyi ba Gor Mahia bawurangije ari abakinnyi 10, nyuma yaho kapiteni wabo Muhammed Musa yabonye ikarita y’umutuku ku munota wa 80.

Uku gutakaza amanota kuje nyuma yaho iyi kipe itakaje umutoza mukuru wayo Ze Maria wagiye gutoza FC Tirana yahoze ikinamo Kagere muri Albania.

Tusker kuri ubu ni yo ya mbere, ikaba irusha Gor Mahia inota 1.

Abakinnyi ba Gor Mahia babanje mu kibuga: Boniface Oluoch, Wafula Innocent, Shakava Haron, Musa Mohammed, Wendo Ernest, Muguna Kenneth, Walusimbi Geoffrey, Otieno Timothy, Kagere Meddie, Mike Simiyu

Abasimbura:
Odhiambo Fredrick, Onyango Joash, Otieno Philemon, Maloba Oliver, John Ndirangu, Baptiste Jean, Tuyisenge Jacques

Map : Ahabanza  \  Afurika  \  Ibikombe bya CAF

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru