RUHAGOYACU.com

Ibitego bya Sugira Ernest byatumye Vita Club inganya n’ikipe ya Congo Kinshasa mu mukino wa gicuti

Mbere y’uko bafata indege iberekeza mu gihugu cya Guinee Conakry, ikipe ya Congo Kinshasa itozwa na Florent Ibenge, yakinnye umukino wa gicuti na Vita Club isanzwe itozwa n’uyu mutoza w’ikipe y’igihugu.

Muri uyu mukino wa gicuti wabereye kuri stade des Martyrs i Kinshasa, amakipe yombi yanganyije 2-2.

Sugira Ernest yatsinze ibitego byombi ku ruhande rwa AS Vita Club mu gihe ikipe ya Congo Kinshasa yatsindiwe na Dieumerci Mbokani usanzwe ukinira ikipe ya Hull City ndetse na Neeskens Kebano wa Fulham.

Uyu akaba ari umwe mu mikino ibiri ya gicuti ikipe ya Congo Kinshasa biteganyijwe ko igomba gukina mbere yo kwerekeza muri Guinea kuwa Gatanu, aho undi mukino wari muri gahunda ari uwa Racing club de Kinshasa (RCK).

Congo Kinshasa yatangiye imyitozo kuri uyu wa Kabiri, aho bazahangana na Guinea mu mu mukino w’umunsi wa kabiri wo mu matsinda yo gushaka itike y’’igikombe cy’Isi cya 2018 kizabera mu Burusiya. Umukino uzaba ku Cyumweru tariki ya 13 Ugushyingo 2016.

Map : Ahabanza  \  Afurika  \  Ibikombe bya CAF

Ibitekerezo byatanzwe kuri iy'inkuru

  1. Alex bobo

    Kuya 11-11-2016 saa 05:35'

    byizaaa sugira keep on kbx

  2. eraste

    Kuya 10-11-2016 saa 10:49'

    sugira oyee oyee. komeza wereke amahanga ko abana burwanda bazi guconga ruhago.

  3. Eric

    Kuya 10-11-2016 saa 07:18'

    Sugira Oyeee! Na Uzabe Rutahizamu Mwiza Niwikuramo Ubwoba Bwabafana


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru