RUHAGOYACU.com

Indi nkuru mbi kuri Congo Kinshasa, Bompunga yiyongereye kuri Bolasie mu batazakina igikombe cya Afurika

Nyuma yo kumenyeshwa ko nta mahirwe ahari yuko Yannick Bolasie afite yo gukina igikombe cya Afurika cya 2017 kizabera muri Gabon kubera imvune yagiriye mu mukino wa shampiyona y’Abongereza wahuje Everton na Manchester United, Congo Kinshasa izakina iri rushanwa kandi idafite Padou Bompunga ukinira Vita Club.

Yannick Bolasie yavunitse ku Cyumweru ubwo yari akorewe ikosa na Anthony Martial mu mukino ikipe ye ya Everton yanganyijemo na Manchester United igitego 1-1 ndetse ku munsi w’ejo hashize, byemejwe ko uyu mugabo wavuye mu ikipe ya Crystal Palace atazakina igikombe cya Afurika kizabera muri Gabon mu kwezi gutaha.

Yannick Bolasie (11) ntazakinira RDC muri CAN 2017Yannick Bolasie (11) ntazakinira RDC muri CAN 2017

Indi nkuru itari nziza ku batuye Congo Kinshasa, ni uko kandi bazaba badafite Padou Bompunga usanzwe ukinira ikipe ya Vita Club, uyu akaba yaravunikiye mu mukino w’umunsi wa 13 wa shampiyona ya Congo Kinshasa, aho batsinze Renaissance 2-1.

Bompunga Botuli yavunitse ku munota wa 29 w’umukino, asimburwa na Makwekwe ndetse kuri uyu wa Kabiri, Patrick Banishayi, umunyamabanga wa Vita Club yatangarije Radio Okapi ko uyu mukinnyi azamara amezi abiri adakandagira mu kibuga.

Padou Bompunga Botuli ahanganye na Sugira Ernest muri CHAN 2016Padou Bompunga Botuli ahanganye na Sugira Ernest muri CHAN 2016
Bompunga ava muri bus ya RDC ubwo bakiniraga CHAN (amatsinda) i HuyeBompunga ava muri bus ya RDC ubwo bakiniraga CHAN (amatsinda) i Huye

Congo Kinshasa iri mu matsinda yo gushaka itike y’igikombe cy’Isi cya 2018 kizabera mu Burusiya, iherereye mu itsinda rya gatatu ry’igikombe cya Afurika cya 2017 hamwe na Côte d’Ivoire, Maroc na Togo.

Igikombe cya Afurika cya 2017 kizabera muri Gabon guhera tariki ya 14 Mutarama kugeza ku ya 5 Gashyantare 2017.

Map : Ahabanza  \  Afurika  \  Ibikombe bya CAF

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru