RUHAGOYACU.com

Umupira wa Sugira, wavuyemo igitego cyafashije Vita Club kwitwara neza muri Gambia

Mu mukino ubanza wa 1/16 cya CAF Champions League, AS Vita Club ikinamo umunyarwanda, Sugira Ernest, yanganyirije muri Gambia n’ikipe yaho ya Ports Authority igitego 1-1.

Sugira Ernest yagiriwe icyizere cyo kubanza mu kibuga n’umutoza Florent Ibenge kimwe n’abandi bakinnyi barimo; Dauda, Obama, Bangala, Ngonda, Baometo, Munganga, Traoré, Félix, Atouba na Emomo .

N’ubwo Vita Club yabonye uburyo butandukanye muri uyu mukino, haba mu gice cya mbere ndetse no mu gice cya kabiri, yatsinzwe igitego, cyaje kwishyurwa na Francis Obama mu minota ya nyuma y’umukino, ku mupira yahawe na Sugira Ernest, birangira banganyije 1-1.

Teddy Etekiama (Birori Dady) yinjije mu kibuga mu minota 10 ya nyuma y’umukino, asimbuye Felix.

Vita Club ikaba irahaguruka muri Gambia kuri uyu wa Mbere, yerekeza i Dakar muri Senegal, aho baraba bakorera n’umwiherero, bazagruke i Kinshasa kuwa Gatatu, gutegura umukino wo kwishyura uzabahuza n’iyi kipe ya Gambia Ports Authority mu mpera z’iki cyumweru.

Map : Ahabanza  \  Afurika  \  Ibikombe bya CAF

Ibitekerezo byatanzwe kuri iy'inkuru

  1. NSHUTI

    Kuya 13-03-2017 saa 02:07'

    YANGA IZABI KORA. 2.2 MAZE IKOMEZE


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru