RUHAGOYACU.com

Gor Mahia ya Migi, Tuyisenge na Kagere yatsinze ikipe ya Chemelil Sugar

Gor Mahia yatsinze ikipe ya Chemelil Sugar kuri uyu wa kabiri mu mukino w’umunsi wa 10 wa shampiyona, ihita ifata umwanya wa mbere ku rutonde rw’agateganyo muri shampiyona y’icyiciro cya mbere muri Kenya.

Iyi kipe ni umukino wa 2 itsinze yikurikiranya nyuma yo gutsinda AFC Leopards ku wa gatandatu w’icyumweru gishize muri Derby y’igihugu cya Kenya.

Ibitego 2 iyi kipe ya Gor Mahia yatsinze byabonetse byose mu gice cya mbere cy’umukino bitsinzwe na Timothy Otieno na Keneth Muguna.

JPEG - 168 kb
Keneth Muguna, yatsinze igitego kuri uyu wa kabiri

Uyu mukino wabaye kandi uwa 2 utabonekamo abakinnyi 2 b’abanyarwanda Mugiraneza Jean Baptiste na Tuyisenge Jacques, bafite ibibazo by’imvune, mu gihe undi munyarwanda Kagere Meddie yari mu kibuga, akaba yanatangiye umukino.

Mu gice cya mbere Meddie yabonye amahirwe yo kuba yatsinda igitego, ariko umuzamu akomeza kumubera ibamba, kimwe n’umusore Walusimbi w’umugande, umuzamu Adira yakuyemo uburyo bwinshi bwabo.

Kagere yari mu kibuga kuri uyu wa gatatu, ahanganye n'abakinnyi ba ChemelilKagere yari mu kibuga kuri uyu wa gatatu, ahanganye n’abakinnyi ba Chemelil

Iyi kipe ya Chemelil Sugar yarushwaga cyane na Gor Mahia, yateye mu izamu rya Boniface Oluoch inshuro 2 zonyine.

Iyi ntsinzi yatumye Gor Mahia igeza amanota 22, ica kuri Posta Rangers ya mbere iyirusha ibitego izigamye. Iyi kipe ya Posta Rangers ikaba yaranganyije kuri uyu wa kabiri.

Imikino yose yabaye ku munsi wa 10:

  • Bandari 2 – 1 Nzoia United
  • Homeboyz 1 – 0 Western Stima
  • Nakumatt 2 – 1 Thika United
  • Zoo Kericho 0 – 2 Tusker
  • SoNy Sugar 1 – 0 Leopards
  • Muhoroni Youth 1 – 1 Posta Rangers
  • Sofapaka 0 – 1 Ulinzi Stars
  • Gor Mahia 2 – 0 Chemelil
JPEG - 76.2 kb
Urutonde rwa shampiyona mu gihugu cya Kenya, nyuma y’umunsi wa 10

Mu mpera z’iki cyumweru, Gor Mahia irasura ikipe ya Nzoia ku wa gatandatu, ku munsi wa 11 wa shampiyona.

Map : Ahabanza  \  Afurika  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru