RUHAGOYACU.com

GorMahia yegukanye igikombe cya shampiyona ya 2017 ibifashijwemo n’abasore b’abanyarwanda

Ikipe ya GorMahia yo mu gihugu cya Kenya, yegukanye igikombe cya shampiyona ya 2017 nyuma yo gutsinda ikipe ya Ulinzi Stars kuri uyu wa gatandatu, mu mukino wa shampiyona rukumbi wabaye mu mpera z’iki cyumweru muri Kenya.

Kagere Meddie yatsinze igitego cyagaragaye muri uyu mukino ku munota wa 14 ku mupira mwiza yahawe na Francis Kahata, gihesha iyi kipe igikombe cya 16 mu mateka yayo.

SOFAPAKA iri ku mwanya wa 2, irarushwa amanota 18 na GorMahia ya mbere, mu gihe hasigaye imikino 5 gusa shampiyona ikarangira, byunvikana ko idashobora gufata iyi kipe y’aba basore b’abanyarwanda.

JPEG - 78.3 kb
Kagere na Tuyisenge batsinze ibitego 23 kugeza kuri ubu, mu bitego 40 GorMahia yatsinze

Kagere Meddie na Tuyisenge Jacques bafashije cyane iyi kipe ya Gor Mahia kuko bombi batsinze ibitego 23 kugeza kuri ubu, mu bitego 41 iyi kipe yatsinze kugeza ubu. Mugiraneza Jean Baptiste akaba yaratsinze igitego nawe. Bivuga ko aba bakinnyi b’abanyarwanda batsinze 60% by’ibitego bifashije iyi kipe gutwara igikombe.

JPEG - 94.1 kb
Abafana ba Gor Mahia baje ari benshi, banitwaje igikombe

Kuri uyu wa gatandatu ubwo bahuraga n’ikipe ya Ulinzi Stars FC, Meddie Kagere na Tuyisenge Jacques babanje mu kibuga, naho Mugiraneza aza mu kibuga asimbuye. Umukinnyi Nizigiyimana Mackenzie nawe wakinnye hano mu Rwanda, akaba atagaragaye kuri uyu mukino.

Amakuru ava mu gihugu cya Kenya, avuga ko iyi kipe ishobora kuzashyikirizwa igikombe cyayo yegukanye mu byumweru 2 biri imbere, ubwo izahura na Western Stima.

Gor Mahia yegukanye igikombe cya 16 mu mateka ya shampiyona y’icyiciro cya mbere mu gihugu cya Kenya, akaba ariyo kipe imaze kwegukana ibikombe byinshi kurusha izindi.

JPEG - 431.4 kb
Migi yegukanye igikombe cya 1 muri iyi kipe mu mwaka we wa mbere muri Gor Mahia

Iki ni igikombe cya mbere cya shampiyona kuri Tuyisenge Jacques na Kagere Meddie, kikaba igikombe cya 2 kuri Kagere Meddie na Mackenzie muri iyi kipe.

Map : Ahabanza  \  Afurika  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru