RUHAGOYACU.com

Haruna agiye gutwara shampiyona ya 4 mu mwaka we wa nyuma muri Yanga

Ikipe ya Yanga Africans ikinamo umunyarwanda Niyonzima Haruna, akaba na kapiteni w’ikipe y’igihugu Amavubi, irabura umukino umwe wonyine ikegukana igikombe cya shampiyona yo muri Tanzania ya 2016/17.

Iyi kipe kuri uyu wa gatandatu yitwaye neza itsinda ikipe ya Mbeya City ibitego 2-1 kuri sitade nkuru y’igihugu cya Tanzania.

Igitego cya Simon Msuva umukino ugitangira ndetse n’igitego cya Aubrey Chirwa ukomoka muri Zambia, byafashije Yanga gutsinda ibitego 2, mu gihe umusore witwa Haruna Shamte yari yatsinze igitego 1 ku ruhande rwa Mbeya.

JPEG - 90.1 kb
Niyonzima kuri uyu wa gatandatu yazengereje ikipe ya Mbeya City

Iyi ntsinzi yafashije Yanga kongera gufata umwanya wa mbere n’amanota 65 ikaba inganya na Simba bahora bahanganye, ariko ikarusha iyi kipe ibitego 11 izigamye. Yanga ikaba imaze gukina imikino 28, Simba yo imaze gukina 29.

Yanga ifite umukino w’ikirarane kuri uyu wa 2 izakinamo n’ikipe ya Toto Africa kuri Uwanja wa Taifa i Dar Es Salaaam, niramuka iwutsinze ikazahita yegukana igikombe cya 2016/17.

Ni igikombe cya 4 Niyonzima Haruna azaba yegukanye mu gihe cy’imyaka 5 amaze muri Tanzania, kikaba igikombe cya 26 kuri iyi kipe ya Jangwani mu mateka yayo y’imyaka 28 imaze ishinzwe.

Niyonzima Haruna yabwiye RuhagoYacu ko uyu ari wo mwaka wa nyuma akinnye muri Tanzania, akaba agiye gushakishiriza ahandi.

Map : Ahabanza  \  Afurika  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru