RUHAGOYACU.com

Umutoza wa Rivers United izahura na Rayon Sports, yahagaritswe ndetse ari muri 5 bashobora kwirukanwa

Umutoza w’ikipe ya Rivers United, Stanley Eguma wamaze guhagarikwa, ari mu batoza bari mu mazi abira muri shampiyona y’icyiciro cya mbere muri Nigeria, kubera kutitwara neza mu mikino amakipe yabo akomeje gukina. Rivers United ikaba yaraye yongeye gutakaza amanota atatu, inganya na Plateau United yari iya mbere, ubusa ku busa.

Rivers United ikomeje kugorwa n’imikino yo muri iyi shampiyona, aho ku munsi wa 16 wa shampiyona bari bakiriye Plateau United banganya 0-0, bituma n’ubundi bakomeza kuza ku mwanya ubanziriza uwa nyuma muri iyi shampiyona igizwe n’amakipe 20.

Umutoza Stanley Eguma wayifashije gusoza ku mwanya wa kabiri, ashobora kwirukanwa muri iyi kipe nk’uko ibinyamakuru bitandukanye mu gihugu cya Nigeria bigenda bibigarukaho, kubera umusaruro muke akomeje kugaragaza muri iyi kipe.

Stanley Eguma akazi ke ashobora kugatakaza mu minsi iri mbere n'ubwo ubushize yabahaye umwanya wa kabiriStanley Eguma akazi ke ashobora kugatakaza mu minsi iri mbere n’ubwo ubushize yabahaye umwanya wa kabiri

Imikino ibaye ine Rivers United batabona intsinzi!Imikino ibaye ine Rivers United batabona intsinzi!

Iyi kipe yasezerewe na El Merreikh muri 1/16 cya CAF Champions Leaue, ubu ikaba izahura na Rayon Sports yo mu Rwanda muri 1/16 cy’ijonjora rya gatatu rya CAF Confederation Cup, kuri ubu iracyafite imikino itatu y’ibirarane muri shampiyona, iyi ishobora kuba yayikura munsi y’umurongo utukura n’ubwo shampiyona ikiri mbisi.

Eguma amaze gutoza imikino 13, atsindamo itatu gusa, anganya imikino 6 mu gihe iyindi ine bayikatakaje ndetse ibi byumye ahagarikwa umukino umwe nyuma yo kunganya na Plateau United kuri uyu wa Gatatu, aho yaje kuri uyu mukino akerewe!

Uretse Stanley Eguma wa Rivers UNITED, abandi batoza bivugwa ko bari mu mazi abira muri Nigeria ni: Kayode Olujohungbe wa Sunshine Stars, Yaw Preko wa FC Ifeanyiubah, Baba Ganaru wa Wikki Tourists, na Imama Amapakabo wa Enugu Rangers.

Map : Ahabanza  \  Afurika  \  Shampiyona

Ibitekerezo byatanzwe kuri iy'inkuru

  1. GIKUNDIRO SAMU

    Kuya 1-04-2017 saa 18:57'

    RAYON .NIBAZE TUBATSINDE TWIJYANIRE KASHI


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru