RUHAGOYACU.com

Vita Club 4-0 RCK: D. Birori (Etekiama) yafashije Vita Club gusoza amatsinda ku isonga

Rutahizamu w’ikipe ya Vita Club, Taggy Etekiama Agiti uzwi nka Birori Daddy yaraye afashije ikipe ye gusoza imikino yo mu matsinda ya shampiyona ya Congo Kinshasa ku isonga, ni nyuma yo gutsinda ibitego bibiri muri 4-0 batsinze Racing Club de Kinshasa.

Muri uyu mukino w’umunsi wa 18 wa shampiyona, unasoza iyo mu matsinda, Vita Club ibifashijwemo na Etekiama watsinze ibitego bibiri ku munota wa 28 n’uwa 81, yatsinze ibitego 4-0, aho ibindi bitego byatsinzwe na Munganga ku munota wa 50 na Oumar Sidibé (67’).

Ibi, byafashije Vita Club inakinamo umunyarwanda Sugira Ernest kuyobora agace k’uburengerazuba ’amanota 43, baza imbere ya DCMP ifite amanota 41 mu gihe Renaissance ifite amanota 32 ku mwanya wa gatatu.

Muri zone yo hagati n’amajepfo, TP Mazembe yasoje iyoboye n’amanota 45, imbere ya Sanga Balende na 42 ndetse na Don Bosco na 37, ni nyuma yo gutsinda FC Lupopo ibitego 2-1 birimo igitego cya Tresor Mputu ku munota wa 51 n’icya Rainford Kalaba ku munota wa 53.

Muri zone y’u Burasirazuba, hategerejwe ikipe izava hagati ya Bukavu Dawa na Dauphins Noirs kugira ngo izamukane na Muungano mu majonjora.

Kugeza ubu amakipe yamaze kugera mu majonjora nyuma y’imikino y’amatsinda ni:

  • 1.Muungano
  • 2. TP Mazembe
  • 3.Sanga Balende
  • 4.Don Bosco
  • 5.VITA Club
  • 6.DCMP
  • 7.Renaissance
Map : Ahabanza  \  Afurika  \  Shampiyona

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru