RUHAGOYACU.com

Abanyarwanda bongeye kubura mu gihe Abarundi n’abanya Kenya bari mu bazasifura igikombe mpuzamigabane

Ishyirahamwe ry’umupira w’amaguru ku isi ryarangije gushyira hanze amatsinda icyenda y’abasifuzi ndetse n’abungiriza b’abasifuzi bazaba bashinzwe kureba Video mu gikombe mpuzamigabane kizabera mu Burusiya uyu mwaka.

Iyi FIFA Confederation Cup ni ryo rushanwa rizaba rifite agashya mu misifurire kuko hazifashishwa amashusho ya Video ku nshuro ya mbere ashobora guhindura ibyemezo by’umusifuzi. Iyi izaba ari inshuro ya mbere hakoreshwa iri koranabuhanga, aho bizaba bigeragezwa ngo hareba ko byazakoreshwa no mu yandi marushanwa.

Aha, aba basifuzi bazaba bashinzwe kureba amashusho, bazajya babikora ku byemezo bishobora guhindura umukino, harimo ibitego, penalty, ikarita z’umutuku ndetse n’ayandi makosa akomeye. Igihari ariko nkuko FIFA ibyemeza, umusifuzi ni we uzakomeza gufata icyemezo cya mbere n’icyanyuma ku mukino.

Kugeza ubu abasifuzi 36 baturutse ku migabane itandukanye, ni bo bazaba bagiriwe icyizere harimo batatu baturutse muri Afurika. Aba bakaba barangajwe imbere n’umusifuzi wo hagati Bakary Gassama akazaba yungirijwe na Jean-Claude Birumushahu (Burundi) na Range Marwa wo muri Kenya.

Abasifuzi bazasifura Confederation CupAbasifuzi bazasifura Confederation Cup

Iri rushanwa, rizahuza ibihugu umunani birimo Uburusiya buzaryakira, Ubudage, Cameroon, Portugal, ndetse na Australia, Mexique, Chile na New Zealand. Aba bakazakinahagati y’amatariki ya 17 Kamena na 2 Nyakanga bitegura igikombe cy’isi cya 2018.

Iyi ikaba ari inshuro ya kabiri abanyarwanda mu bazasifura irushanwa rikomeye nyuma yo kudagaragara mu gikombe cy’ abatarengeje imyaka 17 kizabera muri Gabon uyu mwaka. Hakizimana Louis, yari mu basifuzi basifuye igikombe cya Afurika cy’abatarengeje imyaka 20 gusa agatotsi mu mubano wa Ferwafa na CAF byatumye habura umusifuzi uzagaragara mu irushanwa ryo muri Gabon.

Map : Ahabanza  \  Afurika  \  Amakuru ashyushye

Ibitekerezo byatanzwe kuri iy'inkuru

  1. Venuste Niyotwagir

    Kuya 28-04-2017 saa 16:57'

    Mureke kubeshya abanyarwanda ubu twese ducanye kumaso ntibyaturutse kumubano mubi wa CAF na ferwafa ahubwo ibyo basifura hano murwanda ntawutabibona rwose niryari abatoza baba batikunkumura kuntebe yabasimbura babura uko babigenza bagatera amacupa imigeri iyo ferwafa muvuga ugasanga nayo yabahagaritse mwibanga BATWIBESHYAGAHO KERA CHAMPION ITARACA KU MATEREVISION NAHUBU NABO BARAKURIKIRA IBIBERA MURWANDA ibinyamakuru byiburayi sibyo byanditse ko murwanda dukoresha amarozi mukibuga nonese babikuyehe?

  2. Musesenguzi

    Kuya 28-04-2017 saa 15:16'

    Sebayazana muramuzi!


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru