RUHAGOYACU.com

Ferwafa yisubiyeho ku rugendo rwa Perezida wa CAF mu Rwanda

Ubuyobozi bw’ishyirahamwe ry’umupira w’amaguru mu Rwanda bwatangaje ko Perezida mushya wa CAF Ahmad Ahmad atakifatanyije n’abanyarwanda mu cyunamo, gusa ko hari gahunda ko azagera mu Rwanda mu minsi 100 yo kwibuka Jenoside yakorewe Abatutsi.

Ibi bikaba bitandukanye n’ibyari byatangajwe mbere ko Ahmad Ahmad agomba kuba ari mu Rwanda mbere y’itariki ya 7 Mata akazifatanya n’abenegihugu mu cyunamo.

Mu nama y’inteko rusange yabereye mu karere ka Rubavu taliki ya 25 Werurwe 2017, Perezida w’ishyirahamwe ry’umupira w’amaguru mu Rwanda (FERWAFA), Nzamwita Vincent De Gaulle, yavuze ko amataliki nyakuri Ahmad azagerera mu Rwanda ataramenyekana ariko ari hagati ya taliki ya 5, iya 6 cyangwa iya 7 Mata.

Perezida wa Ferwafa yari yemeje ko u Rwanda ari cyo gihugu cya mbere Perezida wa CAF azasuraPerezida wa Ferwafa yari yemeje ko u Rwanda ari cyo gihugu cya mbere Perezida wa CAF azasura

Ibi byari byashimangiwe n’umuvugizi wa Ferwafa Ruboneza Prosper na we wari wemeje ko Perezida Ahmad Ahmad azaba ri mu Rwanda mu cyunamo(hagati y’amatariki ya 7-13 Mata).

Ruboneza yari yagize ati: (Itariki) ntabwo iramenyekana neza, ariko ndumva agomba kwifatanya n’abanyarwanda mu cyunamo azaba ahari, icya mbere ubwo ni ukwifatanya n’abanyarwanda”.

Nkuko bigaragara kuri gahunda ya perezida Ahmad Ahmad, kuri uyu wa gatanu tariki ya 7 Mata ubwo abanyarwanda bazaba bibuka ku nshuro ya 23 Jenoside yakorewe Abatutsi, Perezida Ahmad azaba we ari muri Afurika y’amajyepfo mu nama ya COSAFA aho azava yerekeza mu Misiri mu nama ya komite nyobozi ya CAF.

Ahmad Ahamad yaraye yakiriwe na Perezida wa MadagascarAhmad Ahamad yaraye yakiriwe na Perezida wa Madagascar

Ubwo twamenyaga gahunda y’uyu muyobozi, twegereye Ferwafa tubabaza niba ibyo Perezida De Gaulle yari yatangaje atari byo, maze umuvugizi w’uru rwego atubwira ko icy’ingenzi ari uko Ahmad Ahmad azagera mu Rwanda.

Ruboneza yagize ati: “Ntabwo tuzi neza igihe azazira, gusa nubwo atazaza mu cyunamo turabizi ko azifatanya n’abanyarwanda mu minsi 100 yo kwibuka. Azaza muri iyi minsi 100 turabyizeye nubwo tutahamya umunsi”.

Ahmad Ahmad w’imyaka 57, yatorewe kuyobora CAF taliki ya 17 Werurwe 2017, asimbuye Issa Hayatou wari umaze imyaka 29 kuri uwo mwanya.

Map : Ahabanza  \  Afurika  \  Amakuru ashyushye

Ibitekerezo byatanzwe kuri iy'inkuru

  1. Nzabarirwa

    Kuya 23-04-2017 saa 12:47'

    NAKUMIRO PE

  2. knc

    Kuya 8-04-2017 saa 22:03'

    Ariko Niba hari ahantu habera ikinamico zo mu rwego rwohejuru,ni muri iriya nzu ya FERWAFA kwerikweri !!!!7


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru