RUHAGOYACU.com

Jean Michaël Seri ukinira Nice yatowe nk’umunyafurika w’umwaka mu Bufaransa

Umunya-Cote d’Ivoire ukinira ikipe ya OGC Nice, Jean Michaël Seri ni we wegukanye igikombe kitiriwe Marc-Vivien Foe ubwo kuri iki cyumweru yatorwaga nk’umukinnyi w’umunyafurika warushije abandi muri shampiyona y’Ubufaransa.

Abanyamakuru 66 batoranyijwe na RFI mu gutora umukinnyi ukomoka kuri uyu mugabane wahize abandi muri Ligue 1, baje gutora uyu mukinnyi wo hagati ukinnira Nice, aho muri uyu mwaka amaze gutsinda ibitego bitandatu ndetse anatanga imipira 10 yavuyemo ibindi(assists).

Iki gihembo umwaka ushize cyari cyatwawe n’umunya Marooc wo muri Lille Sofiane Boufal, Seri uyu mwaka akaba acyegukanye aje imbere y’umunya Algerie Ryad Boudebouz ndetse n’umunya Cameroon Benjamin Moukandjo.

Prix Marc-Vivien Foé ni igihembo kitiriwe uyu munyacameroon Marc-Vivien Foé waguye mu kibuga mu gikombe mpuzamigabane, aho kuva mu mwaka wa 2009 gihabwa umukinnyi w’umunyafurika wahize abandi muri shampiyona y’Abafaransa.
Uko abakinnyi bakurikiranye kuri iki cyumweru

  1. Jean Michäel Seri (Nice/Côte d’Ivoire) 255 pts
  2. Ryad Boudebouz (Montpellier/Algérie) 126 pts
  3. Benjamin Moukandjo (Lorient/Cameroun) 97 pts
  4. Younès Belhanda (Nice/Maroc) 42 pts
  5. Steve Mounié (Montpellier/Bénin) 24 pts
  6. Cheick N’Doye (Angers/Sénégal) 17 pts
  7. François Kamano (Bordeaux/Guinée) 10 pts
  8. Steeve Yago (Toulouse/Burkina Faso) 4 pts
  9. Serge Aurier (PSG/ Cote d’Ivoire) 1 pt.
Map : Ahabanza  \  Afurika  \  Amakuru ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru