RUHAGOYACU.com

Kagere na Blackberry bafashije Gor Mahia kugera kuri finale ya SportPesa

Ibitego bya rutahizamu Meddie Kagere na George Odhiambo ’Blackberry’ bifashije ikipe ya Gor Mahia kugera ku mukino wa nyuma wa SportPesa Super Cup, basezereye Nakuru All Stars y’iwabo muri Kenya ku bitego 2-0 muri 1/2.

Iri rushanwa riri kubera i Dar es Salaam muri Tanzania guhera kuwa Mbere tariki ya 5 Kamena, aho ryahuje amakipe 8 avuye muri Kenya na Tanzania.

Gor Mahia yafunguye amazamu ku munota wa 45, ku gitego cyatsinzwe na Meddie Kagere, uyu mugabo wahoze akinira ikipe y’igihugu Amavubi yuzuzaga ibitego bitatu muri iri rushanwa, ni nyuma yo gutsinda ibitego bibiri muri 1/4 ubwo bakinaga na Jang’ombe.

Mu minota ya nyuma y’umukino, George Odhiambo ’Blackberry’ yatsindiye Gor Mahia igitego cya kabiri cyashimangiye intsinzi ya K’ogalo, bibafasha kugera ku mukino wa nyuma w’iri rushanwa.
Meddie Kagere amaze gutsinda ibitego 3 mu mikino 2 ya SportPesaMeddie Kagere amaze gutsinda ibitego 3 mu mikino 2 ya SportPesa
Ku mukino wa nyuma uzaba ku Cyumweru tariki ya 11 Kamena 2017, Gor Mahia izahura na AFC Leopards nayo yo muri Kenya, iyi yageze ku mukino wa nyuma isezereye Yanga Africans yo muri Tanzania kuri penaliti 4-2, ubwo bari banganyije 0-0.

Ikipe izegukana iri rushanwa rya Sportpesa Cup ku mukino wa nyuma uzaba tariki ya 11 Kamena 2017, izahabwa miliyoni 65 z’amashilingi ya Tanzania ($30,000 angana na Frw 20,000,000 ), inakine umukino wa gicuti n’ikipe ya Everton yo mu gihugu cy’u Bwongereza.

Abakinnyi bitabajwe ku mpande zombi:

Gor Mahia XI: Odhiambo - Shakava, Wafula, Ochieng, Onyango - Otieno, Kahata, Muguna, George - Otieno, Kagere.

Abasimbura: Odhoji, Odhiambo, Simiyu, Mbugua, Nondi, Osok, Ndirangu, Oliver, Uyoga.

Nakuru AllStars XI: Lule - Wainaina, Siwa, Mukhwana, Amakanji - Nganga, Kamau, Nandwa, Kyata - Maina, Ndungu.

Abasimbura: Likoko, Ambuso, Mwangu, Robert, Jerome, Thiongo, Ochako.

Map : Ahabanza  \  Afurika  \  Amakuru ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru