RUHAGOYACU.com

McKinstry watozaga Amavubi na Loscito watoje Rayon Sports bimwe akazi muri Ghana, gahabwa Frank Nuttal

Umunya-Ecquose, Frank Nuttal watoje amakipe arimo Gor Mahia yo muri Kenya, ni we wagizwe umutoza mukuru w’ikipe ya Hearts of Oak yo muri Ghana, akazi yari ahanganiye n’abarimo Jonathan McKintry na Francois Losciuto.

Heart of Oak bakaba barasoje shampiyona ishize muri Ghana bari ku mwanya wa gatatu n’amanota 48, amanota atatu inyuma ya We All Stars yatwaye shampiyona, ndetse bifuza umusimbura w’umunya-Portugal Sergio Traguil birukanye muri Kanama 2016.

Kuri uyu wa Kane, ubuyobozi bw’iyi kipe bukaba bwemeje bidasubirwaho ko Frank Nuttal ari we wagizwe umutoza mushya w’iyi kipe mu gihe kingana n’imyaka ibiri iri imbere.

Frank Nuttal ukomoka muri Ecquose, yatoje Gor Mahia mu gihe cy’amezi 18 gusa muri iyi kipe, akaba yarahesheje ikipe ya Gor Mahia igikombe cya shampiyona ya Kenya mu mwaka wa 2015, bagitwara badastinzwe. Yagejeje kandi iyi kipe ku mukino wa nyuma wa Cecafa Kagame Cup yabereye muri Tanzania, batsindwa na Azam FC ndetse begukana n’igikombe cy’irushanwa rya Top 8.

Frank Nuttal, umutoza mushya wa Hearts of Oak yo muri GhanaFrank Nuttal, umutoza mushya wa Hearts of Oak yo muri Ghana

Ubwo uyu mutoza yari muri iyi kipe yo muri Kenya, akaba aribwo abanyarwanda barimo; Kagere Meddie, Abuba Sibomana na Jacques Tuyisenge bageze muri Gor Mahia.

Frank Nuttal wari umaze iminsi nta kipe afite, akaba yari ahanganiye aka kazi n’abatoza barimo; Johnny McKinstry w’imyaka 31, wanatoje ikipe y’igihugu ya Sierra Leone mbere yo kuza mu Mavubi, agasezererwa tariki ya 14 Kanama 2016.

McKinstry yari mu bashakaga aka kaziMcKinstry yari mu bashakaga aka kazi
Kimwe na Losciuto watoje Rayon Sports ya hano mu RwandaKimwe na Losciuto watoje Rayon Sports ya hano mu Rwanda

Undi bari bahanganiye uyu mwanya ni; Jean-Francois Loscuito watoje Rayon Sports, ndetse yari yungirije Sunday Oliseh mu ikipe y’igihugu ya Nigeria, yanatoje kandi muri Angola, Burkina Faso na Togo.

Map : Ahabanza  \  Afurika  \  Amakuru ashyushye

Ibitekerezo byatanzwe kuri iy'inkuru

  1. Bing

    Kuya 17-02-2017 saa 05:24'

    McKinstry watozaga Amavubi na Loscito watoje Rayon Sports bimwe akazi muri Ghana, gahabwa Frank Nuttal...

    Nonese mubyukuri bakabimye bagaha uyu Frank Nuttal kdi ari McKinstry na Loscito watoje Rayon Sports aribo bari kuba aribo bagahabwa? plz plz umutwe w’inkuru yanyu rwose ntibijyanye.... Erega gutara inkuru no kuyigeza kubasomyi nabyo bisaba ubuhanga n’ubushishozi


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru