RUHAGOYACU.com

Medie Kagere yongeye gufasha Gor Mahia kubona amanota 3

Umukinnyi w’umunyarwanda ukinira ikipe ya Gor Mahia mu cyiciro cya mbere mu gihugu cya Kenya Meddie Kagere, yongeye gufasha ikipe ye kubona amanota 3 ku mukino w’umunsi wa 11 wa shampiyona bahuragamo na Nzoia.

Igitego 1 uyu musore yatsinze ku munota wa 14 w’umukino nyuma yo kuroba abakina inyuma b’ikipe ya Nzoia, akisanga ari kumwe n’umuzamu Moustapha Oduor, yahise acishaho umupira, abonera iyi kipe igitego, kiyifashije gucyura amanota 3.

Ni igitego cya 2 uyu musore utagihamagarwa mu Mavubi, kubera impanvu zitunvikana atsinze, mu mikino 3 itatu iheruka.

JPEG - 106.9 kb
Kagere akomeje kwitwara neza muri Kenya

Kagere Medie kuri ubu, ni we mukinnyi w’umunyarwanda uri kwitwara neza cyane, kimwe na Niyonzima Haruna, ukinira ikipe ya Yanga Africans yo muri Tanzania.

Ni umukino wa 3 ikipe ya Gor Mahia itsinze yikurikiranya, ndetse ikabasha no kurangiza umuzamu wabo Boniface Oluoch adahindukijwe.

Iyi kipe ya Nzoia itozwa na Bernard Mwalala, wigeze kwifuzwa cyane n’amakipe yo mu Rwanda, APR FC na Rayon Sports yakiniye umukino umwe w’igikombe cy’Amahoro agahita aburirwa irengero.

Umunyarwanda Mugiraneza Jean Baptiste uvuye mu nvune yari ku ntebe y’abasimbura, mu gihe Tuyisenge Jacques, atarakira invune.

Gor Mahia ikomeje kuyobora urutonde rwa shampiyona n’amanota 25, ikaba irusha ikipe ya Posta Rangers ya 2 amanota 2. Iyi kipe yanganyije na Nakumatt FC 0-0.

PNG - 17.2 kb
Imikino yabaye mu mpera z’iki cyumweru
PNG - 32.3 kb
Gor Mahia yafashe umwanya wa mbere yonyine, Nzoia yisanga ku mwanya wa 11

Abakinnyi ba Gor Mahia bakinnye: Boniface Oluoch, Karim Nizigiyimana, (59’ Innocent Wafula) Harun Shakava, Musa Mohammed, Ernest Wendo, Wellington Ochieng, Kenneth Muguna, Godfrey Walusimbi, George Odhiambo, (68’ Oliver Maloba) Meddie Kagere, Timothy Otieno (69’ Joash Onyango).

Abari ku ntebe batigeze basimbura: Shaban Odhoji,, Jean Baptiste Mugiraneza, Francis Kahata, Amos Nondi

Map : Ahabanza  \  Afurika  \  Amakuru ashyushye

Ibitekerezo byatanzwe kuri iy'inkuru

  1. jjj

    Kuya 15-05-2017 saa 06:43'

    Meddi kagere ntekereza ari umugande ntabwo ari umunyarwanda

  2. Musesenguzi

    Kuya 14-05-2017 saa 18:35'

    Reka nongere mbibabwire:

    Ibuye abubatsi ba FerwaDeGaule banze niryo ryikomereje imfuruka z’umupira w’amaguru muri Gor Mahia Kenya.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru