RUHAGOYACU.com

Perezida wa CAF azifatanya n’abanyarwanda mu cyunamo

Umuyobozi mushya w’ishyirahamwe ry’umupira w’amaguru muri Afurika (CAF), Ahmad Ahmad, azifatanya n’abanyarwanda kwibuka Jenoside yakorewe Abatutsi ku nshuro ya 23.

Mu nama y’inteko rusange yabereye mu karere ka Rubavu taliki ya 25 Werurwe 2017, Perezida w’ishyirahamwe ry’umupira w’amaguru mu Rwanda (FERWAFA), Nzamwita Vincent De Gaulle, yavuze ko amataliki nyakuri Ahmad azagerera mu Rwanda ataramenyekana ariko ari hagati ya taliki ya 5, iya 6 cyangwa iya 7 Mata.

Ahmad Ahmad ari bube ari i Kigali mu minsi mikeAhmad Ahmad ari bube ari i Kigali mu minsi mike

Ruboneza Prosper uvugira FERWAFA, nawe avuga ko kugeza ubu italiki nyayo itaramenyekana ariko ikizwi ari uko azifatanya n’abanyarwanda mu cyunamo taliki ya 7.
Ati” (Itariki) ntabwo iramenyekana neza, ariko ndumva agomba kwifatanya n’abanyarwanda mu cyunamo azaba ahari, icya mbere ubwo ni ukwifatanya n’abanyarwanda” Ruboneza.

Uyu muvugizi avuga ko ibindi uyu muyobozi azakora mu Rwanda bitaramenyekana, icyo bazi ari icyo kwifatanya n’Abanyarwanda kwibuka Jenoside yakorewe Abatutsi.

Nzamwita Vincent De Gaulle yasabye abitabiriye inteko rusange kuzamwakira, nk’uko bakiriye umuyobozi w’ishyirahamwe ry’umupira w’amaguru ku isi (FIFA) Gianni Infantino.

Perezida wa Ferwafa yasabye abanyarwanda kuzakirana urugwiro Ahmad AhmadPerezida wa Ferwafa yasabye abanyarwanda kuzakirana urugwiro Ahmad Ahmad

Ahmad Ahmad w’imyaka 57, yatorewe kuyobora CAF taliki ya 17 Werurwe 2017, asimbuye Issa Hayatou wari umaze imyaka 29 kuri uwo mwanya.

U Rwanda nicyo gihugu cya mbere azaba asuye kuva yatangira imirimo ye ku mugaragaro ku cyumweru taliki ya 26 Werurwe 2017, ubwo yanakiraga ubwegure bw’uwahoze ari umunyamabanga wa CAF, Hicham El Amrani.

Map : Ahabanza  \  Afurika  \  Amakuru ashyushye

Ibitekerezo byatanzwe kuri iy'inkuru

  1. Kalisa

    Kuya 29-03-2017 saa 05:27'

    Mukosore kuko uyu mugabo igihugu cya mbere yasuye ni Maroc, bityo ntabwo u Rwanda ari igihugu cya mbere azaba asuye kuva atowe!

  2. musoni samson

    Kuya 28-03-2017 saa 17:00'

    ARIKO DEGAULE ARASETSA RWOSE UZIKO YANASETSA UVUYE GUHAMBA NYINA? NGO ABANYARWANDA BAZAMWAKIRE NEZA NKUKO BAKIRIYE INFANTINO? NONE C AHMAD AHMAD HAR’IKIBAZO DUFITANAYE? AHUBWO DEGAULE AZABE ARIWE UMWAKIRA NEZA WE UMUFITEHO CYANATUMYE ATAMUTORA AKITORERA WA MUSAZA WAGARAGAZAGA KO YINANIRIWE? YEGO RIMWE NA RIMWE BIRAGORA KWAKIRANA URUGWIRO UMUNTU KANDUBIZI KO WAMUHEMUKIYE ARIKO NTAKUNDI.NAHO RERO TWEBWE NK’ABANYARWANDA DÉGAULE YIBITWINJIZAMO KUKO NTABWO TWARI TWAMUTUMYE GUTORA HAYATU IKINDI NTITWAMWAKIRA NABI TUTARANAMUBONA MUGIHE NABATWICIYE ABACU TUGIYE KWIBUKA KUNSHURO YA 23 DUTURANYE , KUBITAHO KO AZABA ANAJE NGO TWIFATANYE KWIBUKA AYO MAHANO YAGWIRIRIYE URW’AGASABO.AHUBWO NAGIRA NTI AHAMAD AHMAD ARAKAZA NEZA MURW’IMISOZI 1000.

  3. muneza samason

    Kuya 28-03-2017 saa 16:48'

    ariko degaule arasetsa pe! ! ngo abanyarwanda bazamwakire nkuko bakiriye infatino nonec twebwe haricyo dupfa nawe kuburyo tutamwakira? maze nabatwiciye bakaduhekura turaturanye nkanswe uwo mwere uzana unaje kwifatanya n’abanyarwanda mukwibuka ababo? ahubwo degaule ubwe azabe ariwe umwakira neza kuko ariwe umufiteho ikibazo cyane ko atanamutoye none arashaka kubitwinjizamo nkaho twamutumye gutora uriya musaza wari winaniriwe? gusa degaule aziyumanganye nubwo rimwe na rimwe bigora kwakirana umuntu urugwiro mugihe uba ufite ikimwaro cy’uko utamutoye nubwo ari ibisanzwe.ahubwo Ahmad Ahmad arakaza neza mu rw’imisozi 1000.

  4. eto

    Kuya 28-03-2017 saa 15:22'

    Ese nta munyarwanda ashobora gushiyira muri komite ya CAF ?

  5. kagabo

    Kuya 28-03-2017 saa 15:20'

    Ko impanvu yo kwimura umukino wa Amagaju na Rayon Sport ukajya le 05/04 ishobora kuba ari iyi ra!!! Ubu ntibagirango le chef Ahmad azirebere match yo murwanda? Turabyishimiye, mubyukuri Gikundiro itanga ibyishimo, na Ahmad akeneye kubibonekamo. Ngewe ndabona azazira rimwe nuyu mukino akawureba


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru