RUHAGOYACU.com

Wawa Pascal, umwe mu bami ba CECAFA Kagame Cup yasubiye muri El Merreikh

Umunya-Cote d’Ivoire, Serge Pascal Wawa Sfondo wakiniraga ikipe ya Azam FC yo muri Tanzania yamaze gusubira mu gihugu cya Sudani, mu ikipe ya El Merreikh.

Wawa Pascal w’imyaka 30, yasoje amasezerano yari afitanye n’ikipe ya Azam FC, aho yasubiye muri Sudani nk’umukinnyi wigenga, ahabwa amasezerano y’imyaka ibiri kuri uyu wa Mbere tariki ya 14 Ugushyingo 2016.

Serge Wawa yasubiye muri SudaniSerge Wawa yasubiye muri Sudani

Uyu mugabo wigeze gukinira ikipe ya ASEC Mimosas y’iwabo, yageze muri Azam FC mu 2014, ndetse yari mu bakinnyi batwaranye n’iyi kipe yo muri Tanzania Cecafa Kagame Cup iheruka ya 2015, batsinze Gor Mahia ibitego 2-0 ku mukino wa nyuma.

Wawa muri CECAFA hamwe na Azam FCWawa muri CECAFA hamwe na Azam FC

Nyuma y’igenda ry’umutoza Stewart Hall, umutoza mushya wa Azam FC, umunya-Espagne Zeben Hernandez akaba atarumvikanye n’uyu mukinnyi, byatumye ahitamo kuva mu ikipe ya Azam FC.

Serge Wawa Pascal, azwi cyane mu Rwanda kubera uburyo yishimiraga ibitego muri Cecafa Kagame Cup ya 2014 yabereye mu Rwanda, akayitwarana na El Merreikh batsinze APR FC igitego 1-0 ku mukino wa nyuma.

Wawa ahanganye na Laudit MavugoWawa ahanganye na Laudit Mavugo
Serge Wawa ari mu babujije APR FC gutwara CECAFA iheruka kubera i KigaliSerge Wawa ari mu babujije APR FC gutwara CECAFA iheruka kubera i Kigali
Ntiyanoroheye ikipe ya Police FCNtiyanoroheye ikipe ya Police FC
Yewe na Azam FC yahise imuguraYewe na Azam FC yahise imugura
Kimwe n'abagandeKimwe n’abagande

Map : Ahabanza  \  Afurika  \  Amakuru ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru