RUHAGOYACU.com

Zambia yanyagiye Tanzania ihita iyisezerera muri COSAFA

Ikipe y’igihugu ya Zambia Chipolopolo yanyagiye ikipe ya Tanzania, ihita iyisezerera mu irushanwa rihuza ibihugu byo muri Africa y’amajyepfo (COSAFA) rikomeje kubera muri Africa y’Epfo.

Uyu mukino wa 1/2 kirangiza wabaye kuri uyu wa gatatu, wagoye cyane abasore ba Salum Wanyanga, ibatsinda ibitego 4-2, byatumye iyi kipe ihita isezererwa muri iri rushanwa.

Tanzania yatumiwe muri COSAFA nyuma yaho ikipe y’ibirwa bya Comores itabashije kuboneka.

Taifa Stars ya Tanzania yatunguye ikipe ya Africa y’Epfo muri 1/4 kirangiza iyitsinda igitego 1-0, ariko kuri uyu wa gatatu ntacyo yabashije gukora imbere ya Zambia.

JPEG - 74.4 kb
Elias Maguri wa Tanzania ahanganiye umupira na Issac Shamujompa wa Zambia

JPEG - 48.5 kb
Kapiteni wa Tanzania Himid Mao ntiyabashije gufasha ikipe ye, kurenga 1/2
JPEG - 44.5 kb
Myugariro Erasto Nyoni yari yafunguye amazamu ku ruhande rwa Tanzania

Erasto Nyoni yafunguye amazamu ku ruhande rwa Tanzania, gusa ntibyatinda ikipe ya Zambia iza kwishyura itsindiwe na Brian Mwila, mbere gato yuko Justin Shonga atsinda igitego cya 2.

Bavuye kuruhuka Jack Chirwa yatsinze igitego cya 3, Justin Shonga aza gutsinda igitego cya 4. Simon Msuva ni we watsinze igitego cya 2 ku ruhande rwa Tanzania, mu minota ya nyuma.

Mu wundi mukino wa 1/2 ikipe ya Zimbabwe yasezereye ikipe ya Lesotho bigoranye, iyitsinda ibitego 4-3 harimo ibitego 3 byatsinzwe na Knox Mutizwa.

JPEG - 48.7 kb
Chapiwa wa Zimbabwe yagoye cyane ikipe ya Lesotho

Umukino wa nyuma uteganyijwe kuri iki cyumweru. Uzabanzirizwa n’umukino w’umwanya wa 3 uzahuza ikipe ya Tanzania na Lesotho kuri Royal Bafokeng Sports Palace.

Ikipe y’u Rwanda ifitanye umukino n’iyi kipe ya Tanzania tariki ya 15 Nyakanga kuri CCM Kirumba i Mwanza, mu gushaka tike y’igikombe cy’Africa ku bakinnyi bakina imbere mu gihugu.

Map : Ahabanza  \  Afurika  \  Amakuru ashyushye

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru