RUHAGOYACU.com

Cristiano Ronaldo yegukanye Ballon d’Or ya gatanu ahigitse Messi

Rutahizamu w’ikipe ya Real Madrid n’ikipe y’igihugu ya Portugal; Cristiano Ronaldo yegukanye Ballon d’Or ku nshuro ya gatanu, ni nyuma yo guhabwa igihembo cy’uyu mwaka na France Football nk’umukinnyi wa mbere ku Isi ku nshuro ya kabiri yikurikiranya.

Iyi ntsinzi itumye uyu mugabo w’imyaka 32 anganya Ballon d’Or eshanu na Lionel Messi w’imyaka 30 ukinira Barcelone na Argentine, uyu we aheruka kwegukana igihembo nk’iki mu 2015.

Cristiano Ronaldo yegukanye Ballon d'Or ya 2017Cristiano Ronaldo yegukanye Ballon d’Or ya 2017

Ronaldo yabaye uwa mbere, Messi aba uwa kabiri mu gihe Neymar wahoze muri Barcelone kuri ubu ukinira Paris Saint-Germain yaje ku mwanya wa gatatu.

Ronaldo abigezeho nyuma yo guhesha ikipe ya Real Madrid igikombe cya UEFA Champions League no gutwara shampiyona ya La Liga baherukaga mu 2012, ndetse igihembo cy’uyu mwaka kiyongera ku bindi yatwaye mu 2008, 2013, 2014 na 2016 mu gihe Messi we yabyihariye kuva mu 2009.

Ronaldo yahigitse Messi banganyije Ballon d'Or eshanuRonaldo yahigitse Messi banganyije Ballon d’Or eshanu

Ubwo yahabwaga uyu mupira wa zahabu kuri Tour d’Eiffel mu Bufaransa, Ronaldo yavuze ko ari cyo kintu aba ashaka buri mwaka.

Ronaldo yakomeje ashimira bagenzi be bakinana muri Real Madrid ndetse n’abandi bose bamufashije kugera ku rwego ariho.

Mu mwaka ushize w’imikino, ubwo bari bamaze kwegukana igikombe cya Euro 2016 na Portugal, Ronaldo yatsinze ibitego 42 muri Real Madrid, begukana igikombe cya shampiyona ku nshuro ya 33 ndetse na UEFA Champions League ku nshuro ya 12.

Maman wa Ronaldo; Dolores Aveiro n'umuhungu we Cristiano Jr. kuri Tour d'Eiffer bahereweho igihemboMaman wa Ronaldo; Dolores Aveiro n’umuhungu we Cristiano Jr. kuri Tour d’Eiffer bahereweho igihembo
Cristiano Ronaldo yujuje Ballon d'Or eshanuCristiano Ronaldo yujuje Ballon d’Or eshanu

France Football itanga Ballon d’Or kuva mu 1956 nubwo hari imyaka itandatu bayihuje n’ibihembo bya FIFA kugera muri Nzeli 2016, aho uyu mwaka hatoye abanyamakuru 173 baturutse imihanda yose ku Isi.

Abakinnyi 30 bahatanira Ballon d’Or

1. Cristiano Ronaldo - Real Madrid

2. Lionel Messi - Barcelona

3. Neymar - Paris Saint-Germain

4. Gianluigi Buffon - Juventus

5. Luka Modric - Real Madrid

6. Sergio Ramos - Real Madrid

7. Kylian Mbappe - Paris Saint-Germain

8. N’Golo Kante - Chelsea

9. Robert Lewandowski - Bayern Munich

10. Harry Kane - Tottenham

11. Edinson Cavani - Paris Saint-Germain

12. Isco - Real Madrid

13. Luis Suarez - Barcelona

14. Kevin De Bruyne - Manchester City

15. Paulo Dybala - Juventus

16. Marcelo - Real Madrid

17. Toni Kroos - Real Madrid

18. Antoine Griezmann - Atletico Madrid

19. Eden Hazard - Chelsea

20. David De Gea - Manchester United

21. Leonardo Bonucci - Juventus

21= Pierre-Emerick Aubameyang - Borussia Dortmund

23. Sadio Mane - Liverpool

24. Radamel Falcao - Monaco

25. Karim Benzema - Real Madrid

26. Jan Oblak - Atletico Madrid

27. Mats Hummels - Bayern Munich

28. Edin Dzeko - Roma

29. Dries Mertens - Napolo

29= Philippe Coutinho - Liverpool

Map : Ahabanza  \  Ahandi

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru