RUHAGOYACU.com

Ronaldinho yasezeye kuri ruhago nyuma y’imyaka 13 yegukanye Ballon d’Or

Rutahizamu w’umunya-Brazil wamenyekanye cyane mu makipe ya FC Barcelone, Milan AC na Paris Saint-Germain yo mu Bufaransa; Ronaldinho yamaze gusezera ku mupira w’amaguru nk’uko byatangajwe n’umushakira akaryo, akaba na murumuna we.

Ronaldinho w’imyaka 37 asezeye ku mupira w’amaguru kandi nyuma yaho kuva mu 2015 nta mukino n’umwe yakinnye.

Uyu mukinnyi yari mu ikipe y’igihugu ya Brazil yegukanye igikombe cy’Isi cya 2002, akaba kandi yaratwaranye na FC Barcelone igikombe cya UEFA Champions League mu 2006, ni nyuma y’umwaka umwe yegukanye Ballon d’Or ya 2005.

Ronaldinho yari mu ikipe ya Brazil yegukanye igikombe cy'Isi mu 2002Ronaldinho yari mu ikipe ya Brazil yegukanye igikombe cy’Isi mu 2002
Uyu mukinnyi wagaragaje ubuhanga budasanzwe muri ruhago, yatsindiye Brazil ibitego 33 mu mikino 97Uyu mukinnyi wagaragaje ubuhanga budasanzwe muri ruhago, yatsindiye Brazil ibitego 33 mu mikino 97

Murumuna we akaba n’umu-agent we; Roberto Assis yemeje ko Ronaldinho yasezeye ku mupira w’amaguru kuri uyu wa Kabiri, anatangaza ko bateganya gukora ibirori bitandukanye bizaba birimo uruganda rwa Nike mu minsi iri imbere muri Brazil, i Burayi, no muri Asia mu rwego rwo guha agaciro uyu mukinnyi wabaye ikirangirire ndetse uri mu bagaragaje impano idasanzwe mu kibuga m gihe yakinnye.

Ronaldinho yatangiye gukina umupira w’amaguru mu ikipe ya Gremio yo muri Brazil mbere yo kwerekeza muri Paris St-Germain mu 2001. Nyuma yo kumara imyaka itanu mu ikipe ya FC Barcelone akayihesha ibikombe bibiri bya shampiyona, yerekeje muri Milan AC ayifasha kwegukana Serie A mu 2010-11.

Yahavuye yerekeza mu ikipe ya Flamengo yo muri Brazil mu 2011, ayivamo ajya muri Atletico Mineiro, Queretaro muri Mexique ndetse no mu ikipe ya Fluminense yakinagamo kugeza mu 2015.



Map : Ahabanza  \  Ahandi

Ibitekerezo byatanzwe kuri iy'inkuru

  1. seba

    Kuya 17-01-2018 saa 06:15'

    uyu mugabo yarawuteye kweri yaya tuzamukumbura


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru