RUHAGOYACU.com

Ikipe y’u Rwanda mu mukino w’amagare yatangiye imyitozo muri Amerika (Amafoto)

Abasore batandatu bagize ikipe y’u Rwanda batangiye imyitozo ibafasha kumenyera ikirere cyo muri Leta zunze ubumwe za Amerika, aho bitegura gukina irushanwa “BMC Cascade Cycling Classic 2017” ribategurira irindi rikomye ryitwa “Colorado Classic Cycling 2017”.

Kuwa kane tariki ya 13 Nyakanga ni bwo abasore batanu: Uwizeye Jean Claude, Nsengimana Bosco, Ukiniwabo Rene, Gasore Hategeka na Munyaneza Didier bahagurutse i Kigali berekeza muri Leta zunze ubumwe za Amerika, aho basanzeyo Uwizeyimana Bonaventure usanzwe akina muri Canada.

Batangiye kwitoreza mu muhandaBatangiye kwitoreza mu muhanda

Si ubutembere bagiyemo, ahubwo bagiye guhagararira u Rwanda mu irushanwa rya Colorado Classic Cycling 2017 rizabera mu mujyi wa Denver mu ntara ya Colorado, rikaba riri ku rwego ruzwi nka 2.HC rikaba ari na ryo rya mbere riri kuri uru rwego ikipe y’ u Rwanda yitabiriye mu mateka, rikazaba kuva tariki ya 10 kugeza ku ya 13 Kanama 2017.

Colorado Classic ni isiganwa riri mu cyiciro cya HC (hors catégorie) mu mukino w’amagare kikaba ari cyo cyiciro kiza ku mwanya wa kabiri mu byiciro bine by’amasiganwa y’umukino w’amagare agengwa n’Ishyirahamwe ry’Umukino w’Amagare ku Isi (UCI). Hejuru y’iki cyiciro hari icyiciro kimwe gusa cya WT (world tours) ari nacyo kibarizwamo Tour de France, irushanwa rya mbere ku isi mu magare.

Icyakora mbere yo kwitabira iryo rushanwa rikomeye bazabanza gukina irindi ryitwa BMC Cascade Cycling Classic 2017 rizaba kuva kuwa 19 kugeza kuwa 23 Nyakanga 2017, rikazabera muri Leta ya Oregon.

Aba basore bari bamaze iminsi barimo kwitoreza mu Karere ka MusanzeAba basore bari bamaze iminsi barimo kwitoreza mu Karere ka Musanze

Ikipe y'u Rwanda irimo irahamya ibigwi nyuma y'aho Areruya Joseph akoze amateka akegukana Etape muri Giro d'Italia U23Ikipe y’u Rwanda irimo irahamya ibigwi nyuma y’aho Areruya Joseph akoze amateka akegukana Etape muri Giro d’Italia U23

Team Rwanda iri kumwe n'umutoza wayo na we urimo kuyikinira muri iri rushanwa, uretse ko aba arimo gutozaTeam Rwanda iri kumwe n’umutoza wayo na we urimo kuyikinira muri iri rushanwa, uretse ko aba arimo gutoza

Ikipe y'u Rwanda muri USAIkipe y’u Rwanda muri USA

Map : Ahabanza  \  Amagare

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru