RUHAGOYACU.com

Espoir yangize igitambo ngo itsinde inyambura amafaranga none nabuze 80 000 yo kwivuza-Zabuloni

Uwahoze ari umunyezamu w’ikipe y’igihugu Amavubi, ndetse akanakinira amakipe nka Rayon Sports na Espoir Ngendahayo Zabuloni, ngo kuri ubu ari mu kangaratete ko kubura amafaranga yo kwivuza amarozi yahawe n’ikipe ya Espoir FC nkuko abitangaza.

Zabuloni, yari umwe mu bakinnyi bakiniraga ikipe ya Espoir ubwo yazamukaga mu cyiciro cya mbere hari mu mwaka wa shampiyona wa 2011-2012, gusa akaza kurwara umwaka wa shampiyona urangiye.

Nubwo icyateye ubu burwayi kitagiye kivugwaho rumwe, uyu musore atangaza ko yarozwe n’ikipe ya Espoir yose ibinyujije mu munyezamu basimburanaga muri iyi kipe.

“Nahamya ntashidikanya ko ikipe ya Espoir yose yangambaniye ikangira igitambo”, Zabuloni atangariza itangazamakuru.

“Bantanzeho igitambo ngo batsinde kuko bari bagiye kumanuka. Bashatse kunyica gusa ngira amahirwe ndarokoka. Bashutse umunyezamu aba ari we undogera mu myenda twatizanyaga”.

Nubwo Espoir yatanze igitambo kuri uyu musore, ntibyayibujije kurangiza shampiyona iri ku mwanya wanyuma, gusa bikarangira igaruwe mu cyiciro cya mbere mu mwaka wakurikiye nyuma y’iseyuka rya Nyanza.

Uyu musore, avuga ko yarwaye, maze ingingo ze zigahinamirana. Uyu ngo yaje kujya ku muganga yahawe n’umwe mu bakinnyi b’abanyarwanda bakina hanze, akaba ari we wamuhishuriye iri banga nyuma yo kugerageza mu baganga basanzwe bikanga.

Zabuloni wavugaga ashize amanga, yatangaje ko iyo shampiyona yahagaze aba ari muzima, ariko yatangira agahinduka umusazi. Iyi ndwara ikaba ngo ari ibikimukurikirana yakuye muri Espoir.

“Nagerageje kwivuza gusa mbura ubushobozi. Muganga yansabye ibihumbi 80 by’amafaranga y’u Rwanda ariko ntabwo nayabona. Ikimbabaza ni uko nabuze amafaranga kandi Espoir indimo umwenda w’ibihumbi 360 by’umusahara w’amezi ane”.

Ikibazo cy’umwenda Espoir ibereyemo uyu mukinnyi ngo cyagejejwe muri Ferwafa nkuko yakomeje abitangaza. Uyu mukinnyi akaba atangaza ko yatanze ibyangombwa bishoboka ngo yishyurwe, ariko bikaba bitarakunze kubera ko akenshi ngo yasuzurwaga.

Ngendahayo Zabuloni, wakiniye Rayon Sports y’abakiri bato, ndetse n’Amagaju, kuri ubu akaba yibera iwabo ahitwa i Rubengera, ni mu karere ka Karongi mu ntara y’Uburengerazuba. Uyu, akaba ategereje ibihumbi 80, ngo abe yakwivuza ayo marozi avuga ko yakuye muri Espoir.


Espoir yangize igitambo ngo itsinde inyambura amafaranga none nabuze 80 000 yo kwivuza-Zabuloni
Map : Ahabanza  \  Amajwi  \  Interview

Ibitekerezo byatanzwe kuri iy'inkuru

  1. zabron

    Kuya 19-10-2015 saa 10:19'

    mumvuze kabsa ndabinginze wenda apres nzabishyura ngewe nagiye indera nta rumogi ntanubwo nduzi abavuga urumogi i ndera bararubuze

  2. SEBA

    Kuya 5-10-2015 saa 16:10'

    Ese ferwafa ibivugahiki koyarumukinnyi w’igihugu

  3. Rukangira

    Kuya 9-09-2015 saa 23:47'

    Mbega agahinda!!!

    Abakiri bato, nabagiraga inama yo kwirinda urumogi. ni rwo rumugize kuriya, ari na yo mpamvu yirukanywe muri Rayons Sports

  4. Uwimpaye

    Kuya 9-09-2015 saa 13:11'

    Ok nkatwe bafana nkatwe gikundiro ntidukwiye kubivuga kumunwa tugomba kubikora Mumaguru mashya nukuri.

  5. alexandre

    Kuya 9-09-2015 saa 01:36'

    bashaka impamvu, byaramucanze forme zaramushiranye,ahubwo ashakishirize ahandi.

  6. Chelsea i Rubengera

    Kuya 8-09-2015 saa 02:57'

    Arababaje uyumusore! gusa iyo mubonye agahinda karanyica nkurikije uko narimuzi mbere mubihe byashize namubona kuri ubungubu biteye agahinda! ikifuzo cyange ndumva nkabafans bagikundiro twakwishakamo igisubizo kuri Zabulon tumutera inkunga kd ndimo murabo bambere.

  7. Dudu

    Kuya 8-09-2015 saa 02:33'

    Uyumwana ntiyakinaga muri rayon yabato yakinaga muri rayon sport nkuru yewe no mu mavubi makuru yari gardien wagatatu kuri ndoli na bakame jyewe ndabisomye birambabaza ibya espoir tubiveho nkaba rayon twiteranye tuvuze umwana wacu rwose

  8. karekezi

    Kuya 8-09-2015 saa 00:57'

    aya mafaranga nk’abafana ba Rayon tuyishakemo umwana avurwe, ntanze igitekerezo ko twakwifatanye turi nk abantu 10 tuyashaka.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru