RUHAGOYACU.com

Basketball: Amakipe y’ibigugu agiye gucakiranira mu mikino ibaho gake mu mwaka

Bitewe n’urwego agezeho ahangana, amakipe ane ya mbere asigaye ahuzwa n’amarushanwa gusa, ari na rwo rwego agiye kongera guhuramo akina imikino isoza umwaka w’imikino (Play Offs) muri Basketball mu Rwanda.

Kuri uyu wa gatanu tariki ya 30 Kamena ni bwo hazatangira imikino ya ‘Play Offs’ muri Basketball, aho umukino ubimburira indi ari uwo REG BBC izakiramo Espoir BBC izanye intego nshya muri iyi mikino.

Umutoza wa Espoir BBC, Maxime Mwiseneza yatangarije The New Times ko nyuma yo kwegukana igikombe ku rwego rw’igihugu itsinze REG BBC amanota 61-58 mu mikino yo Kwibuka ku nshuro ya 23 Jenoside yakorewe Abatutsi, intego yari iyo kwegukana igikombe cya kabiri bahereye kuri iryo rushanwa ku rwego mpuzamahanga.

Espoir BBC yifitemo abakinnyi benshi mu mashuri yisumbuye iraba ihanganye na REG BBCEspoir BBC yifitemo abakinnyi benshi mu mashuri yisumbuye iraba ihanganye na REG BBC

Icyakora ntibyabahiriye kuko ku mukino wa nyuma y’irushanwa mpuzamahanga ryo Kwibuka ku nshuro ya 23 Jenoside yakorewe Abatutsi, Espoir BBC yatsinzwe na REG BBC ku mukino wa nyuma amanota 81-69.

Intego yo kwegukana ibikombe bibiri kuri Espoir BBC yo yagumyeho, ari na yo mpamvu ngo baje muri ‘Play Offs’ bashaka gutsinda imikino yose bakegukana icyo gikombe baheruka mu 2015, bityo bakazahagararira u Rwanda mu mikino y’Akarere ka gatanu nk’uko Mwiseneza yakomeje abivuga.

Ati “Kugera kuri iyo mikino ya nyuma yombi byongereye icyizere abahungu banjye, kuko mbere ntibumvaga ko banagera ku mukino wa nyuma mu irushanwa na rimwe muri ariya, buri wese yatekerezaga Patriots na REG ko ari zo zizahura, ariko twarabihinduye, maze bitwereka uburyo bamaze gukomera.”

“Twamaze guhindura icyerekezo, ubu intego yacu ni igikombe cya ‘Play Offs’, tugiye kurushaho kwitegura neza kuko turashaka kuzitabira irushanwa ry’akarere ka gatanu mu mwaka utaha.”

APR BBC y'abagabo yo ntiyabonetse mu makipe ane ya mbereAPR BBC y’abagabo yo ntiyabonetse mu makipe ane ya mbere

Espoir BBC yasoje shampiyona iri ku mwanya wa kane n’amanota 30, bituma ihita ibona itike yo kwitabira imikino ya ‘Play Offs’ ihuza amakipe ane ya mbere, aho igomba gutangirira kuri REG BBC ya mbere mu mukino uzatangira saa kumi n’ebyiri (6:00pm), mu gihe Patriots BBC ya kabiri yo izakurikiraho saa mbili (8:00pm) ikina na IPRC-Kigali yabaye iya gatatu, imikino yombi mikazabera muri Petit Stade Amahoro.

Mu bakobwa ho bazakina kuwa gatandatu tariki ya 1 Nyakanga, aho APR BBC ya mbere izahura na The Hoops Rwa guhera saa cyenda (3:00pm), n’aho IPRC-South igakina n’Ubumwe BBC guhera saa kumi n’imwe (5:00pm).

Amakipe ari muri Play Offs n'uburyo azahura ku munsi wa mbereAmakipe ari muri Play Offs n’uburyo azahura ku munsi wa mbere

Uburyo amakipe azahura ku munsi wa kabiri wa Play OffsUburyo amakipe azahura ku munsi wa kabiri wa Play Offs

Patriots BBC noneho izaba ihanganye na IPRC-KigaliPatriots BBC noneho izaba ihanganye na IPRC-Kigali

Map : Ahabanza  \  Basketball

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru