RUHAGOYACU.com

Basketball U16- U Rwanda rwahize gukura umwanya wa kane mu gikombe cya Afurika

Ishyirahamwe ry’umukino wa Baskeball mu Rwanda ritangaza ko ryizeye ko Abangavu b’u Rwanda bazitwara neza mu gikombe cya Afurika cy’abatarengeje imyaka 16, kizabera muri Mozambique mu kwezi kwa munani k’uyu mwaka.

Ibi Ferwaba ikaba yabitangaje kuri uyu munsi mu kiganiro n’abanyamakuru ku myiteguro y’amakipe y’igihugu, ndetse n’amakipe azahagararira u Rwanda mu mikino y’akarere ka gatanu izabera mu gihugu cya Uganda.

Aha, ubuyobozi bw’iri shyirahamwe bukaba bwashimangiye ko ikipe y’igihugu y’abakobwa batarengeje imyaka 16 yarangije kwemererwa kuzitabira igikombe cya Afurika cyo muri Mozambique, nubwo ku ikubitiro itari yashoboye gukura itike muri Kenya mu mikino yitabiriye mu ntangiriro za Kamena.

Abangavu b'u Rwanda bari bakuye umudari wa Feza mu mikino y'akarere ka gatanuAbangavu b’u Rwanda bari bakuye umudari wa Feza mu mikino y’akarere ka gatanu

Aba bangavu bari bashoboye gutsinda Tanzania ku manota 77 kuri 25, na Kenya ku manota 64 kuri 32 gusa umukino wa mbere bari batsinzwe na Misiri 71-34, bituma barangiza ku mwanya wa kabiri mu karere ka gatanu. Aha ariko, byaje kurangira u Rwanda rufashwe nk’ikipe ya kabiri nziza, ni ko kwemererwa kuzitabira iyi mikino ya Afro-Basket y’abakiri bato.

Aba bana bakaba barahise batangira imyiteguro, aho bongewemo umukinnyi ushobora kugarura imipira, Pivot waturutse mu gihugu cya Nigeria ndetse n’undi waturutse muri Canada ushobora gukinisha bagenzi be, Meneuse. Aba bana b’abanyarwandakazi, ngo hari icyo bazafasha mu mikino yo muri Kanama, nkuko Mugwaneza Habimana Claudette yabidutangarije.

Yagize ati:“Urebye aba bana bari ku rwego rwiza, kuko n’uburyo bakinnye muri Kenya ntabwo byari bibi”.

Twababwiye ko twe tugikina wasangaga Misiri idutsindira ku manota menshi, ariko bo ntako batagize”.

“Hari abandi bana baba hanze twongeyemo, gusa intego tuzajyana mu gikombe cya Afurika, ni ukuza byibura mu makipe ane ya mbere”.

Mugwiza Desire perezida wa FERWABA, na Mugwaneza Habimana Claudette umujyanama mu bya tekinike, bizeye ko Abangavu b'u Rwanda bazazana umwanya mwiza kuwo bakuye muri MadagascarMugwiza Desire perezida wa FERWABA, na Mugwaneza Habimana Claudette umujyanama mu bya tekinike, bizeye ko Abangavu b’u Rwanda bazazana umwanya mwiza kuwo bakuye muri Madagascar

Abangavu b’u Rwanda baherukaga mu irushanwa ry’abatarengeje imyaka 16 ryabereye i Antananarivo ho muri Madagascar, aho u Rwanda rwari rwahakuye umwanya wa cyenda mu makipe icyenda. Perezida w’ishyirahamwe ry’umukino wa Basket mu Rwanda, Mugwiza Desire, akaba yavuze ko yizera ko bazatera intambwe bakabona umwanya mwiza kurushaho.

FIBA Africa U 16 izaba ikinwa ku nshuro ya gatanu mu bagore, ikazabera ahitwa Pavilhão do Maxaquene mu mujyi wa Maputo muri Mozambique. Uretse u Rwanda, iri rushanwa rizitabirwa n’ibindi bihugu nka Algeria, Angola, Misiri, Mali, Nigeria, Zimbabwe, Tunisia na Mozambique izaba iri iwayo.

Map : Ahabanza  \  Basketball

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru