RUHAGOYACU.com

Startimes na Ferwaba basinyanye amasezerano ya miliyoni 75

Ishyirahamwe ry’umukino w’amaboko wa Basketball mu Rwanda,FERWABA ryasinyanye amasezerano y’imyaka itatu na sosiyete ya Startimes yahawe uburenganzira bwo kwitirirwa shmpiyona ndetse no kwerekana imikino yayo, na yo ikazatanga miliyoni 75 z’amafaranga y’u Rwanda mu gihe cy’imyaka itatu.

Aya masezerano yashyizweho umukono na Mugwiza Desire Perezida wa FERWABA hamwe n’umuyobozi wa Startimes mu Rwanda, avuga ko iyi sosiyete izajya itanga miliyoni 25 ku mwaka(25 000 000Frw) zigafasha mu bikorwa bitandukanye by’umukino wa Basketball mu gihugu.

STARTIMES igiye kujya yerekana imikino ya shampiyona ya BasketballSTARTIMES igiye kujya yerekana imikino ya shampiyona ya Basketball

Aya mafaranga, akaba arimo miliyoni 14(14 000 000Frw) zizajya zihabwa amakipe 14 azitabira shampiyona aho buri imwe izahabwa miliyoni, hakabamo miliyoni eshanu (5 000 000Frw), zizahabwa amakipe ya mbere n’aya kabiri mu bagabo n’abagore(1 500 000frw kuza mbere na 1 000 000frw kuya kabiri).

Ayandi mafaranga asigaye harimo miliyoni eshatu n’igice (3 500 000Frw) azahabwa abasifuzi n’ibijyanye na bo mu gihe andi asigaye miliyoni ebyiri n’igice (2 500 000frw) azashyirwa mu buyobozi.

Perezida wa FERWABA Mugwiza Desire, yashimiye Startimes, atangaza ko yizera ko iyi ntangiriro yo kuza kw’abafatanyabikorwa mu ishyirahamwe ayobora.

Yagize ati: “turizera ko iri ari itangiriro ryo kubona abafatanyabikorwa benshi. Twari tumaze igihe tugerageza ariko bidakunda. Iyi nkunga tubonye izaba kimwe mu bizatuma umukino wacu uzamura urwego”.

Aya masezerano na Startimes, asobanuye ko iyi sosiyete ari yo igiye gutera inkunga shampiyona y’icyiciro cya mbere mu bagabo no mu bagore, imikino ya Pre- season ndetse na Play Offs. Ibi bikaba byahise bituma shampiyona y’icyiciro cya mbere ihita ifata izina rya Startimes National League.

Gusinyana na FERWABA bivuze ko Startimes ari yo ifite uburenganzira bwo kwerekana imikino ya shampiyona ya Basketball mu Rwanda, aho iyi itangaza ko izerekana “live” byibura igera kuri 30 igaca kuri televiziyo izatoranywa.

Aya masezerano akazamara imyaka itatu 2017-2020 gusa FERWABA ikaba igifunguye imiryango ku bandi bafatanyabikorwa bose bifuza gukorana na yo.

Map : Ahabanza  \  Basketball

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru