RUHAGOYACU.com

U Rwanda mu itsinda ry’ibigugu muri Afrobasket 2017

U Rwanda rwisanze mu itsinda C hamwe n’amakipe y’ibigugu nka Tunisia na Cameroun mu mikino ya nyuma y’igikombe cya Afurika muri Basketball (AFROBASKET) izabera muri Tunisia na Senegal icyarimwe muri Nzeri uyu mwaka.

Tombola yakozwe mu mugoroba w’iki cyumweru tariki ya 16 Nyakanga yashyize u Rwanda mu itsinda rya gatatu (C) mu irushanwa ryimuwe ubugira gatatu mu mezi atanu ashize, bitewe n’uko ibihugu byagombaga kuryakira byagezaga hagati bikaryihakana.

Ikipe y'u Rwanda ntiyari yashoboye guhita yibonera itike ariko yitwaye neza mu zatsinzeIkipe y’u Rwanda ntiyari yashoboye guhita yibonera itike ariko yitwaye neza mu zatsinze

Ku ikubitiro ryagombaga kubera muri Congo Brazzaville kuva kuwa 19 kugeza kuwa 30 Kanama, ariko ubuyozi bw’icyo gihugu buza gutangaza ko butiteguye kuryakira ku mpamvu z’ubukungu butifashe neza.

Byabaye ngombwa ko ubuyobozi bw’Ishyirahamwe ry’Imikino ya Basketball muri Afurika buryimurira muri Angola ariko icyo gihugu na cyo cyanga kuryakira ku mpamvu z’uko biteguraga amatora rusange ateganyijwe muri Kanama uyu mwaka.

Mu ntangiriro z’ukwezi kwa Nyakanga 2017 ni bwo Ishyirahamwe ry’imikino ya Basketball muri Afurika ryatangaje ko imikino ya Afrobasket izakirwa na Tunisia ifatanyije na Senegal, aho buri gihugu kizaberamo imikino mu y’ijonjora mu matsinda abiri.

U Rwanda na Guinea bari mu itsinda rimwe, ibi bihugu byombi bikaba byarabonye itike yo gukina iyi mikino nk’amakipe yitwaye neza mu yatsinzwe (Best loosers) muri zone baherereyemo, dore ko u Rwanda rwari rwatsinzwe na Uganda muri ½ muri Zone V, imikino yabereye mu Misiri rukabasha kwegukana umwanya wa 3.

Ariko ngo ikipe izamukiye ku giceri akenshi bajye bayitega kuko igera kureAriko ngo ikipe izamukiye ku giceri akenshi bajye bayitega kuko igera kure

U Rwanda ruri mu itsinda C hamwe na Tunisia, Cameroun na Guinea, iri tsinda rikazakinira i Tunis hamwe n’irya D, aho amakipe azaba abiri ya mbere muri buri tsinda ari yo azahura muri ¼ cy’irangiza. U Rwanda ruzatangira rukina na Guinea kuwa 8 Nzeri.

Amakipe azaba yabashije kuza ku myanya ibiri ya mbere muri buri tsinda azahurira muri Tunisia, ahazabera imikino ya nyuma, ni ukuvuga ¼ , ½ ndetse n’Umukino wa nyuma kimwe n’uwo guhatanira umwanya wa gatatu.

Iri rushanwa rizitabirwa n’amakipe 16 ari yo: Angola, Cameroon, Repubulika ya Centrafrica, Cote d’Ivoire, Repubulika iharanira Demokarasi ya Congo (DRC), Misiri, Guinea, Mali, Morocco, Mozambique, Nigeria, Rwanda, Senegal, Afurika y’epfo, Tunisia na Uganda.

Ayo makipe agabanyije mu matsinda mu buryo bukirikira:

Map : Ahabanza  \  Basketball

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru