RUHAGOYACU.com

Ajax vs Manchester United: Amakuru avugwa mu makipe yombi mbere ya finale ya Europa League

Kuri uyu wa Gatatu guhera saa 20:45 kuri Friends Arena, i Stockholm muri Sweden, Ajax yo mu Buholandi na Manchester United yo mu Bwongereza zirahurira mu mukino wa nyuma w’irushanwa rya UEFA Europa League y’uyu mwaka wa 2017.

Uyu mukino ukaba utanga umwanya wo gukina UEFA Champions League ikurikira ku ikipe iba yabashije kwegukana irushanwa rya Europa League.

Ishyirahamwe ry’umupira w’amaguru ku mugabane w’u Burayi, UEFA, ryatangaje ko uyu mukino uza kuba wakajijweho umutekano nyuma yaho mu mujyi wa Manchester habaye igitero cy’ubwiyahuzi kuri uyu wa Mbere, kikaza guhitana abagera kuri 22, aho aba bazakwibukwa mbere y’uyu mukino hafatwa umunota umwe wo kubibuka nk’uko byakozwe n’amakipe yombi ndetse na Manchester City mu myitozo bakoze.

Umutoza w’ikipe ya Manchester United; Jose Mourinho akaba yasubitse ikiganiro yagombaga kugirana n’itangazamakuru kuri uyu wa Kabiri mbere y’umukino, bitewe n’impamvu zirimo iki gitero cyabaye i Manchester, kuri Manchester Arena ahaberaga igitaramo cya Ariane Grande kuwa Mbere nimugoroba.

Manchester United bafashe umwanya w'umunota 1 bibuka abazize igitero cy'i ManchesterManchester United bafashe umwanya w’umunota 1 bibuka abazize igitero cy’i Manchester

Ni umukino wa gatanu uraza kuba ugiye guhuza amakipe yombi mu mikino y’i Burayi, mu gihe Manchester United ihabwa amahirwe yo kwegukana irushanwa ry’uyu mwaka, ifite akazi katoroshye ko kuza kuba ikina na Ajax ikoresha abakinnyi bakiri bato cyane.

Ajax iraza kuba ikoresha abakinnyi bafashe umwanya wo kuruhuka, bitegura uyu mukino, kuva tariki ya 14 z’uku kwezi kwa gatanu, ubwo batsindaga Willem II ibitego 3-1 ku munsi wa nyuma wa Eredivisie, shampiyona y’u Buholandi basoje bari ku mwanya wa kabiri inyuma ya Feyernood.

Manchester United yagiye ihura n’ibibazo by’imvune no guhagarikwa kw’abakinnyi muri uyu mwaka w’imikino, iraza kubakira ku ntsinzi ya 2-0 yabonye ku munsi wa nyuma wa shampiyona y’u Bwongereza, ubwo yatsinda Crystal Palace ku Cyumweru gishize.

Ikipe itwara Europa League ibona umwanya wa UEFA Champions League kuva mu mwaka ushizeIkipe itwara Europa League ibona umwanya wa UEFA Champions League kuva mu mwaka ushize

Amakuru avugwa mu makipe yombi mbere y’umukino

Manchester United baruhukije abakinnyi barimo Daley Blind, Marcus Rashford na Ander Herrera witwaye neza kurusha abandi muri uyu mwaka w’imikino, ku mukino batsinzemo Crystal Palace, byitezwe ko iraza kuba igarura ikipe imenyereye mu kibuga.

Abakinnyi badahari ku ruhande rw’iyi kipe yo mu Bwongereza barimo ba myugariro; Marcos Rojo wavunikiye ku mukino wa Andrelecht, na Eric Bailly ufite ikarita itukura nyuma yo gusohorwa mu kibuga ku mukino wo kwishyura wa ½ bahura na Celta Vigo.

Rutahizamu Zlatan Ibrahimovic aracyari hanze mu gihe kirekire nyuma yo kuvunika mu minsi ishize, ndetse araza gusiba uyu mukino urabera mu gihugu cye cy’amavuko.

Aba bariyongeraho; Luke Shaw na Ashley Young nabo batarakira neza n’ubwo berekeje muri Sweden.

Ajax byitezwe ko ikoresha ikipe y’amateka; y’abakinnyi bato ku mikino ya nyuma y’amarushanwa ya UEFA aho kugeza ubu bafite impuzandengo y’imyaka 22.

Bertrand Traore ni umwe mu bakinnyi bato iyi kipe ya Ajax igenderahoBertrand Traore ni umwe mu bakinnyi bato iyi kipe ya Ajax igenderaho

Justin Kluivert (umuhungu wa Patrick Kluivert) n’intizanyo ya Chelsea Bertrand Traore ni bamwe mu bakinnyi bakomeye bitezwe gutangira ku mpande z’iyi kipe. Ajax kandi iraza kuba ifite rutahizamu wayo ukiri muto; Kasper Dolberg w’imyaka 19 umaze kubatsindira ibitego 23 muri uyu mwaka w’imikino, birimo 6 bya Europa League.

Nick Viergever yahawe ikarita itukura ku mukino wa 1/2 wabahuje na Lyon bityo ntaza gukina uyu mukino mu gihe Lasse Schone ari we mukinnyi urengeje imyaka 25 ushobora kuza muri 11 b’iyi kipe baza kubanza mu kibuga.

Ibindi wamenya kuri uyu mukino:

  • Ajax iheruka gukina umukino wa nyuma mu irushanwa ry’i Burayi mu 1996.
  • Uyu mukino uraza kuba ari uwa 64 kuri Manchester United muri uyu mwaka w’imikino mu marushanwa yose mu gihe uraza kuba ari uwa 56 kuri Ajax.
  • Manchester United ifite UEFA Champions League 3 (1968, 1999 na 2008) na European Winners Cup 1 yo mu 1991 ntiratwara Europa League mu mateka yayo.
  • Ajax iri mu makipe ane arimo Chelsea, Bayern Munich na Juventus, yabashije kwegukana ibi bikombe uko ari bitatu by’i Burayi.

Buri kipe yahawe amatike 9,500 naho andi 50,000 agenerwa abandi basigayeBuri kipe yahawe amatike 9,500 naho andi 50,000 agenerwa abandi basigaye

  • Ni inshuro ya gatatu abaholandi bahuriye ku mukino wa nyuma n’Abongereza mu marushanwa y’i Burayi; Mu 1974 Tottenham yatsinzwe na Feyernood 4-2 mu mikino yombi, naho Ipswich yatozwaga na Sir Bobby Charlton, itsinda AZ Alkmaar 5-4 mu mikino yombi mu 1981.
  • Imikino 2 ya nyuma y’iri rushanwa niyo hitabajwe penaliti, indi 10 batsinze mu minota 90, naho iyindi 4 batsinda hitabajwe iminota 30 y’inyongera.
  • Mu mikino 2 ya nyuma ya Europa League iheruka, habonetse ibitego 9.
  • Jose Mourinho yatsinze imikino yose uko ari 6 yamuhuje na Ajax nk’umutoza, iheruka yose akaba yari muri Real Madrid.

Abakinnyi bashobora kubanzamo ku mpande zombi:

Ajax XI: Onana, Veltman, Sanchez, De Ligt, Riedewald, Van De Beek, Schone, Klaassen, Kluivert, Traore, Dolberg.

Manchester United XI: Romero, Valencia, Jones, Blind, Darmian, Pogba, Carrick, Herrera, Lingard, Rashford, Mkhitaryan.

Amakipe aheruka kwegukana iri rushanwa

  • 1971–72 Tottenham Hotspur
  • 1972–73 Liverpool
  • 1973–74 Feyenoord
  • 1974–75 Borussia Mönchengladbach
  • 1975–76 Liverpool
  • 1976–77 Juventus
  • 1977–78 PSV Eindhoven
  • 1978–79 Borussia Mönchengladbach
  • 1979–80 Eintracht Frankfurt
  • 1980–81 Ipswich Town
  • 1981–82 IFK Göteborg
  • 1982–83 Anderlecht
  • 1983–84 Tottenham Hotspur
  • 1984–85 Real Madrid
  • 1985–86 Real Madrid
  • 1986–87 IFK Göteborg
  • 1987–88 Bayer Leverkusen
  • 1988–89 Napoli
  • 1989–90 Juventus
  • 1990–91 Internazionale
  • 1991–92 Ajax
  • 1992–93 Juventus
  • 1993–94 Internazionale
  • 1994–95 Parma
  • 1995–96 Bayern Munich
  • 1996–97 Schalke 04
  • 1997–98 Internazionale
  • 1998–99 Parma
  • 1999–2000 Galatasaray
  • 2000–01 Liverpool
  • 2001–02 Feyenoord
  • 2002–03 Porto
  • 2003–04 Valencia
  • 2004–05 CSKA Moscow
  • 2005–06 Sevilla
  • 2006–07 Sevilla
  • 2007–08 Zenit Saint Petersburg
  • 2008–09 Shakhtar Donetsk

(Kuva ryiswe Europa League)

  • 2009–10 Atlético Madrid
  • 2010–11 Porto
  • 2011–12 Atlético Madrid
  • 2012–13 Chelsea
  • 2013–14 Sevilla
  • 2014–15 Sevilla
  • 2015–16 Sevilla
Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru

  1. Serge leandre platinumz

    Kuya 24-05-2017 saa 07:52'

    Numukino uraza kuba ukomeye cyane byo ku rwego rwo hejuru manchester united irabizi ko amahirwe yo gukina uefa champions league yumwaka utaha ariho asigaye kuko itaje muri big 4 ,yego ajax nikipe ikomeye ifite abasore bakomeye nka traore,nabandi benshi bakoresha imbaraga cyane bataruha arko nabo nta matulity na exprience bafite ugereranyije naba ander herera ,carick,dal brind ,ikindi kandi mulinho ashaka gukora amateka yo kwegukana igikombe cya 3 nyuma ya comminity shield, english football league cup aribuze kuba ashaka no gutwara europa league kugirango yereke abafana ba man u ko arumutoza ushoboye wazabageza kubyo sa alex furgason yakoreye old traford ,ikindi kandi afite squad ikomeye cyane ntacyo batamuhaye ,aramutse atagitwaye nta excuse yatanga so man u iratsinda 3 -1 cya ajax nubwo kur final utapfa kwizera uko umukino uragenda gusa ikiri kubafana,abakinnyi,abayobozi nabatoza nugutwara europa yabo ya 1 umwaka utaha bakitabira champions league hashize imyaka 3 batagaragaramo!


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru