RUHAGOYACU.com

Arsenal 1-5 Bayern (2-10): Kwandagazwa kwa Arsenal, Wenger yabigeretse ku musifuzi

Arsenal, The Gunners, yaraye isezerewe na Bayern Munich ku bitego 10-2, muri 1/8 cya UEFA champions League, ni nyuma yo gutsindwa ibitego 5-1 inshuro ebyiri mu byumweru bitatu.

Arsenal yari yatsinzwe ibitego 5-1 mu mukino ubanza wabereye mu Budage, yasabwaga gukora ibishoboka byose, ikabyishyura kugira ngo ibashe gukomeza muri ¼, ndetse yatangiye neza kuko yabanje kuyobora umukino ku gitego cya Theo Walcott ku munota wa 20, ndetse ni cyo rukumbi cyabonetse mu gice cya mbere cy’umukino.

Arsenal yari yatangiye neza, ndetse igitego cya Walcott kibahesha kuyobora igice cya mbere cy'umukinoArsenal yari yatangiye neza, ndetse igitego cya Walcott kibahesha kuyobora igice cya mbere cy’umukino

Ibyari icyizere cyaherekezwaga n’amatsiko avanze n’ibyishimo byarangiye bihindutse umubabaro kuko ku munota wa 53 w’umukino, umusifuzi Anastasios Sidiropoulos yahaye ikarita itukura myugariro Laurent Koscielny wakoreye ikosa kuri Robert Lewandowski, iyi kipe yo mu majyaruguru y’u Bwongereza, basigara ari abakinnyi 10 ndetse ubwo gutsindwa bitangirira aho,kugeza umukino urangiye ku bitego 5-1.

Aganira na BT Sport nyuma y’umukino, Arsene Wenger, umufaransa utoza ikipe ya Arsenal yagize byinshi awuvugaho;

“Ndatekereza hari byinshi bitandukanye umuntu yashingiraho, asobanura impamvu dusezerewe.”

“Twakinnye umukino twifuzaga gukina, gusa mu kuri twagize amahirwe make muri iri joro cyane ku byemezo by’umusifuzi n’ubu bigoranye kubyumva kuko twari imbere n’igitego 1-0, ndetse Walcott yakoreweho penaliti igaragara, iyabo yo yari offside (bari baraririye). Lewandowski yari yaraririye.”

“Ntabwo yari penaliti, barangije banaduha ikarita itukura.”

“Birumvikana ko byadushegeshe, bitwicira umukino ndetse nyuma y’ibyo byatugoye kugira ngo tuwusoze. Muri rusange biragoye kwiyumvisha ibibaye.”

“Nongere mbivuge, ikipe yanjye yakoresheje imbaraga zose iri joro, kandi bakinnye neza rwose.”

Ese ikarita itukura ya Laurent Koscielny ni yo ntandaro y’ibyabaye?

Koscielny yahawe umutuku nyuma yo gukorera ikosa kuri LewandowskiKoscielny yahawe umutuku nyuma yo gukorera ikosa kuri Lewandowski

“Yego, birumvikana rwose. Usigaye ari abakinnyi 10 mu kibuga, urasabwa gutsinda ibitego 4, icyo gihe abakinnyi bahita bumva mu mitwe yabo ko bidashoboka, namwe murabizi. Kandi ikibabaje kinateye agahinda ni uko yari yaraririye, Lewandowski, ndetse ntiyari penaliti.”

“Yari gutanga ikarita y’umuhondo, aho kuba umutuku, ni icyemezo kidakwiye na gato.”

“Ubaye uzi akamaro k’imikino, warangiza ukareba uburyo byagenze, n’ukuri ndumva mbabaye, nsabye imbabazi abantu baje, bakanishyura amafaranga menshi ngo barebe iyi mikino.”

Birakubabaje kongera gusezererwa muri 1/8?

"Birumvikana, ariko numvaga dushobora gukomeza, kandi ntawamenya uko Bayern yari kwitwara iyo turamuka tubonye igitego cya kabiri. Gusa, iherezo riba iri kandi kubyakira biragoye. Birumvikana ko birangiye nabi, n’ubwo bitajyanye n’uburyo twakinnye iri joro.”- Arsene Wenger.

Wenger yababajwe no gutsindwa kandi ikipe ye yakinnye nezaWenger yababajwe no gutsindwa kandi ikipe ye yakinnye neza

Iyi, ni inshuro ya karindwi yikurikiranyA ikipe ya Arsenal inaniwe kurenga 1/8 cya UEFA Champions League ndetse gusezererwa ku bitego 10-2 ni amateka mashya iyi kipe ishyizeho ku makipe yo mu Bwongereza muri iri rushanwa ry’i Burayi mu gihe kandi Arsenal yaherukaga kwinjizwa ibitego bitanu iwayo, ku mukino wa League Cup batsinzwemo na Chelsea ibitego 5-0 mu 1998.

Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru

  1. Munyemana

    Kuya 8-03-2017 saa 02:28'

    Arsenal yatashye cyera biriya Wenger namatakirangoyi najye kwishakira big 4


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru