RUHAGOYACU.com

Arsenal isezerewe itsinzwe ibitego 10, Real Madrid yongera kwandagaza Napoli muri Champions League

Imikino yo kwishyura ya 1/8 mu irushanwa rya UEFA Champions League, yabaye kuri uyu wa Kabiri, isize amakipe ya Bayern Munich na Real Madrid abonye itike ya 1/4.

Mu Bwongereza, Arsenal yari yatsinzwe ibitego 5-1 mu mukino ubanza, itsinzwe na Bayern Munich ibindi bitego 5-1 mu mukino wo kwishyura.

N’ubwo Arsenal yabanje gufungura amazamu ku gitego cya Theo Walcott hakiri kare mu gice cya mbere, yaje kubona ikarita itukura ku munota wa 53 kuri Laurent Koscielny, ibi byatumye isatirwa bikomeye na Bayern Munich, bijyana n’imvura y’ibitego bitanu byatsinzwe na Robert Lewandowski kuri penaliti, Arjen Robben, Douglas Costa na Arturo Vidal watsinze ibindi bitego bibiri.

Mu wundi mukino wa 1/8 wabaye kuri uyu wa Kabiri, Napoli na yo yari yatsinzwe ibitego 3-1 na Real Madrid muri Espagne, yakiriye umukino wo kwishyura, ibanza kubona igitego cya Dries Mertens, ariko nayo iza gutsindwa ibindi bitego bitatu mu gice cya kabiri; birimo umutwe na Ramos, igitego Mertens yitsinze n’igitego cya Alvaro Morata mu nyongera.

Kuri uyu wa Gatatu, hategerejwe indi mikino ibiri ya 1/8, aho Barcelone yatsinzwe 4-0 mu mukino ubanza, iraza kwakira PSG mu gihe Borussia Dortmund yakira Benfica yayitsinze 1-0 mu mukino ubanza wabereye muri Portugal.

Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru

  1. Patrick Niyonsenga

    Kuya 8-03-2017 saa 21:21'

    Amahirwe y barcelona nasazwe peeeee!!!

  2. mangwende

    Kuya 7-03-2017 saa 23:23'

    mbona arisenal yariy’abasinzi kuko ntago baguha ikarita itukura ngutukane kandi uyoboye ikipe.

  3. ###

    Kuya 7-03-2017 saa 17:37'

    Ariko iyonyatsi ngo ni wenga iracyamara iki muri Arsenal ngewe nzongera kuyifana aruko yayivuyemo


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru