RUHAGOYACU.com

Bayern Munich yirukanye umutoza nyuma yo kwandagazwa na PSG muri Champions League

Ikipe ya Bayern Munich yo mu Budage, yarangije kwirukana uwari umutoza wayo; Carlo Ancelotti kubera umusaruro udashimishije ukomeje kurangwa muri iyi kipe y’ubukombe mu gihugu cy’u Budage.

Inama y’ubuyobozi ya Bayern Munich yateranye kuri uyu wa Kane nyuma yaho iyi kipe itsinzwe na Paris Saint Germain ibitego 3-0 kuri uyu wa Gatatu muri UEFA Champions League yiga ku hazaza h’uyu mutoza.

Carlo Ancelotti w’imyaka 58 yasimbuye Gaurdiola mu ntangiriro z’umwaka w’imikino 2016-17, afasha iyi kipe kwegukana igikombe cya shampiyona no kugera muri 1/4 cya UEFA Champions League, aho bakuwemo na Real Madrid yacyegukanye mu myaka ibiri ishize.

Carlo Ancelotti yirukanywe nyuma yo kugera muri Bayern Munich muri Nyakanga 2016Carlo Ancelotti yirukanywe nyuma yo kugera muri Bayern Munich muri Nyakanga 2016

Uyu mutoza kandi, yanafashije Bayern kugera ku mukino wa nyuma w’igikombe cy’igihugu ’DFB Pokal’ batsindwa na Baorussia Dortmund ibitego 3-2.

Mu mwuga we nk’umutoza, Ancelotti amaze gutwara ibikombe bitatu bya UEFA Champions League n’ibikombe bya shampiyona mu bihugu yatojemo birimo Ubutaliyani, Espagne, Ubwongereza n’Ubudage.

Bayern Munich ikomeje kugorwa n'intangiriro z'uyu mwaka w'imikinoBayern Munich ikomeje kugorwa n’intangiriro z’uyu mwaka w’imikino

Willy Sagnol ni we ubaye ahawe inshingano zo gutoza iyi kipe by’agateganyo, aho azatoza umukino iyi kipe ya gatatu muri shampiyona, izahuramo na Hertha Berlin kuwa Gatandatu.

Bayern Muncih imaze gutsinda imikino ine, inganya umukino umwe, itsindwa undi, aho irushwa amanota atatu na Borussia Dortmund ya mbere.

Imikino yaraye ibaye kuwa Gatatu muri UEFA Champions League

Itsinda A

Basel 5-0 Benfica

CSKA Moscow 1-4 Manchester United

Itsinda B

Anderlecht 0-3 Celtic

Paris Saint Germain 3-0 Bayern Munich

Itsinda C

Qarabag FK 1-2 Roma

Atletico Madrid 1-2 Chelsea

Itsinda D

Juventus 2-0 Olympiacos

Sporting CP 0-1 Barcelona

Imikino yabaye kuwa Kabiri

Itsinda E

Sevilla 3-0 Maribor

Spartak Moscow 1-1 Liverpool

Itsinda F

Manchester City 2-0 Shakhtar Donetsk

SSC Napoli 3-1 Feyenoord

Itsinda G

Besiktas 2-0 RasenBallsport Leipzig

Monaco 0-3 FC Porto

Itsinda H

APOEL Nicosia 0-3 Tottenham Hotspur

Borussia Dortmund 1-3 Real Madrid

Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru