RUHAGOYACU.com

Cristiano Ronaldo na Real Madrid banditse amateka, begukana UEFA Champions League

Ku nshuro ya mbere kuva European Cup yiswe UEFA Champions League itwawe ni ikipe imwe ku nshuro ebyiri zikurikiranya: Real Madrid yo muri Espagne itsinze Juventus ibitego 4-1 ku mukino wa nyuma waberaga i Cardiff muri Wales.

Wari umunsi w’amateka kuri Cristiano Ronaldo watsinze ibitego bibiri muri uyu mukino, akuzuza ibitego 600 kuva atangiye gukina ruhago mu gihe kandi yabaye umukinnyi wa mbere ubashije gutsinda mu mikino itatu ya nyuma y’iri rushanwa.

Ronaldo yatsinze ibitego 2 mu mukino, ubwo yuzuzaga ibitego 600 muri kariyeri yeRonaldo yatsinze ibitego 2 mu mukino, ubwo yuzuzaga ibitego 600 muri kariyeri ye
Yabaye umukinnyi wa mbere utsinze kuri finale za UCL 3Yabaye umukinnyi wa mbere utsinze kuri finale za UCL 3

Juventus de Turin ni yo yinjiye mu mukino neza, aho kuri Millennium Stadium, imyitwarire yo mu minota ya mbere yahaga amahirwe ikipe ya Juventus mu gihe Real Madrid yo yarokorwaga n’iyo mu ijuru binyuze kuri Keylor Navas wari mu izamu ryayo.

Ku mupira wa Dani Carvajal, Cristiano Ronaldo yafunguye amazamu ku munota wa 20 ubwo Leonardo Bonucci yahinduraga icyerekezo cy’umupira, ariko nyuma y’iminota irindwi gusa, Mario Mandzukic yishyura igitego ku mupira yagaramye.

Maro Mandzukic yishyuriye JuventusMaro Mandzukic yishyuriye Juventus

Real Madrid yatangiye neza mu gice cya kabiri, yiharira umukino, ndetse igabanye amakosa yo gutakaza imipira myinshi mu kibuga hagati, ibi byaje gutanga umusaruro ku munota wa 61 ku ishoti rikomeye Casemiro yatereye muri metero nka 20, ugakora kuri Sami Khedira mbere yo kujya mu izamu.

Habura iminota 25 ngo umukino urangire, Cristiano Ronaldo yatsinze ikindi gitego cya Real Madrid ku burangare bwa ba myugariro ba Juventus, iyi yaje no gusigara ari abakinnyi 10 mu kibuga ubwo Juan Cuadrado winjiye asimbuye Barzhagli,yazaga kubona ikarita ya kabiri y’umuhondo ku munota wa 84 akoreye ikosa kuri Ramos.

Marco Asensio na we winjiye asimbuye ku ruhande rwa Real Madrid, yashimagiye intsinzi no gutwara "La Duodecima" igikombe cya 12 cya UEFA Champions League, atsinda agashinguracumu ku munota wa 90 w’umukino,hari ku mupira wa Marcelo.

Buffon yari gukora amateka yo kwegukana iri rushanwa akuze kurusha abandiBuffon yari gukora amateka yo kwegukana iri rushanwa akuze kurusha abandi
Real Madrid begukanye La Duodecima 'icya 12 rwose'Real Madrid begukanye La Duodecima ’icya 12 rwose’

Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru

  1. wichriphe Niyurukundo

    Kuya 4-06-2017 saa 17:51'

    réal madridyaraye ibikuyeko peee ! reka barcelone fc ! ihagwe swareze vyavyinyo nkuruzazari rwabuze ubuzeng azoz yanikira ok

  2. MBAKENGE

    Kuya 4-06-2017 saa 14:27'

    JEWE NDANEZEREZWE NINTSINZI YA REAL MADRIDI IREREKANYEKO ARUMUGWI UKOMEYE ABA BARCELONA NIBAWUKURIRE INKOFERO.

  3. Ukuri Kuraryana

    Kuya 4-06-2017 saa 10:04'

    Twavuga Iki??? Yewe Namateka. Zidane Numuhanga Mugusoma Umukino Babeshyera Guadiora. Mugice Cya 2 Uburyo Isco Yahinduriwe Imikinire Byatumye Juve Ifunguka Inyuma Maze Si Ukuyihohotera Karahava. Dutegereje Super Cup Ya Spain.

  4. igikombe

    Kuya 4-06-2017 saa 09:16'

    icalidif

  5. Jean pierre

    Kuya 4-06-2017 saa 05:23'

    iyinsinzi nyituye abantu bakunda barca mwese kuko juventus yarabasezereye none ndayibahaniye kabsa 4goallll

  6. Ronaldo

    Kuya 4-06-2017 saa 00:45'

    Reali ikoze amateka ibitegobinekurifinarijuventus barayisuzuguyekabisa
    gusa Ronaldo ararenze
    iyibarondoroyuyumwakaniye arayikwiye ureke abatamwemeraRonaldonuwambe

  7. cyrille

    Kuya 4-06-2017 saa 00:24'

    uyumwaka nuwanjye Rayon na Reyal biranejeje

  8. Ngendahayo Jamarie

    Kuya 4-06-2017 saa 00:12'

    Ndabaramukije Emwe Jewe Kubwanje Ndabonako Real Yari Gutsindwa Nkuko Twebwe Aba Barca Twatsinzwe.


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru