RUHAGOYACU.com

Ibyo wamenya ku mukino uhuza Real Madrid na Paris Saint-Germain n’abashobora kubanzamo

Ku kibuga cya Santiago Bernabeu mu gihugu cya Espagne, ikipe ya Real Madrid irakira Paris Saint-Germain mu mukino ubanza wa 1/8 cya UEFA Chamions League uteganyijwe kuri uyu wa Gatatu saa 21:45.

Umutoza w’ikipe ya Real Madrid; Zindedine Zidane yatangaje ko adatekereza ku hazaza h’akazi ke muri iyi kipe, kuko areba ku mikino bafite gusa.

Mu mwaka ushize w’imikino, Real Madrid yabaye ikipe ya mbere yegukanye UEFA Champions League ku nshuro ebyiri izikurikiranya, inegukana kandi shampiyona ya Espagne baherukaga mu 2012.

Kuri ubu, iyi kipe irarushwa amanota 17 na FC Barcelone ya mbere muri shampiyona ndetse yamaze gusezererwa mu gikombe cy’Umwami n’ubwo umukino baheruka gukina muri shampiyona mu mpera z’icyumweru gishize bawutsinze ku bitego 5-2 bakina n’ikipe ya Real Sociedad.

“Ubu ntabwo ntekereza ku hazaza hanjye. Ndatekereza gusa ku mukino dufite, ni cyo kintu dufite imbere yacu kandi dufiteho ububasha bwo kugira uko twabigenza. Ikituraje ishinga ni ugutegura umukino, tukareba uko bigenda.”- Zidane mu kiganiro n’abanyamakuru kuri uyu wa Kabiri.

Zidane ngo arajwe ishinga n'umukino wa PSG nubwo Real Madrid imaze iminsi ititwara neza muri EspagneZidane ngo arajwe ishinga n’umukino wa PSG nubwo Real Madrid imaze iminsi ititwara neza muri Espagne

Marcelo, myugariro w’inyuma ibumoso mu ikipe ya Real Madrid, yavuze ko Zidane ari umutoza mwiza ndetse ari gukora ibishoboka byose ngo ikipe igaruke mu bihe byiza.

Ku ruhande rw’ikipe ya Paris Saint-Germain bagiye guhura, ni yo kipe ihenze ya kabiri inyuma ya Manchester City nk’uko biheruka gutangazwa na CIES Football Observatory, iyi kandi irabarizwamo Neymar waguzwe miliyoni 200 z’amapawundi.

“Nibyo turi kuvuga ku bakinnyi babiri b’ibihangange, ariko ejo [uyu munsi] ni Real Madrid-PSG, ntabwo bizaba ari Neymar vs Cristiano.”

“Ntabwo dushaka kubona ihangana ry’aba bombi, ahubwo ihangana hagati ya Real Madrid na PSG."- Zidane.

Ibyo wamenya hagati y’amakipe yombi:

Mu mikino itandatu yahuje aya makipe, buri imwe yatsinze imikino ibiri, banganya indi ibiri.

Batozwa na Zidane, Real Madrid yatsinze imikino 10 muri 14 yo gukuranamo muri UEFA Champions League, ndetse itandatu bakiniye mu rugo yose barayitsinze.

Real Madrid iri gukina iri rushanwa ku nshuro ya 21 yikurikiranya, iyi akaba ariyo kipe yabigezeho mu mateka yaryo.

PSG ku kibuga bakiniraho kuri uyu wa Gatatu muri EspagnePSG ku kibuga bakiniraho kuri uyu wa Gatatu muri Espagne

Real Madrid yageze muri ½ buri mwaka, mu myaka irindwi iheruka muri Champions League

Mu myaka itanu iheruka, PSG ntirarenga muri ¼.

Mu mateka yayo, kure PSG yageze ni muri ½ mu 1994-95 ubwo basezererwaga na Milan AC.

PSG yatsinzwe imikino ine muri itandatu iheruka gukinira hanze muri UEFA Champions League.

PSG niyo kipe imaze gutsinda ibitego byinshi muri Champions League y’uyu mwaka, na 25.

Cristiano Ronaldo yatsinze ibitego 19 mu mikino 11 aheruka gukina muri iri rushanwa, harimo no muri buri mukino muri uyu mwaka w’imikino.
Naramuka akinnye uyu munsi, Gareth Bale araza kuba yuzuza imikino 50 muri iri rushanwa.

Abakinnyi bashobora kubanzamo ku mpande zombi:

Real Madrid: Navas; Nacho, Varane, Ramos, Marcelo; Kroos, Casemiro, Modric; Bale, Benzema, Ronaldo.

Paris St Germain : Areola; Alves, Marquinhos, Silva, Kurzawa; Veratti, Lo Celso, Rabiot; Mbappe, Cavani, Neymar.

Umusifuzi: Gianluca Rocchi (Italy)

Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru