RUHAGOYACU.com

Real Madrid vs Atletico Madrid: Amakuru avugwa mu makipe yombi mbere ya 1/2 cya UEFA Champions League

Ikipe ya Real Madrid ifite igikombe giheruka mu irushanwa rya UEFA Champions League irakira Atletico Madrid y’iwabo muri Espagne, muri 1/2 cy’iri rushanwa rikomeye ku mugabane w’u Burayi, umukino ubanza ukomeye urabera Santiago Bernabue kuri uyu wa Kabiri saa 20:45.

Real Madrid ifite iri rushanwa inshuro 11, yakuyemo Bayern Munich ku bitego 6-3 mu mikino ya 1/4, ishobora kuba ikipe ya mbere itwaye iri rushanwa ku nshuro zikurikiranya mu mateka yaryo.

Aya makipe y’i Madrid yahuriye ku mukino wa nyuma w’iri rushanwa inshuro ebyiri mu myaka itatu iheruka, ibikombe byombi bitwarwa na Real Madrid.

Zidane yatangaje ko Real Madrid irakina yirengagije hari umukino wo kwishyuraZidane yatangaje ko Real Madrid irakina yirengagije hari umukino wo kwishyura

Atletico Madrid ikaba kandi yaranakinnye umukino wa nyuma mu 1974, itsindwa na Bayern Munich kugeza magingo aya, baracyategereje kwegukana iri rushanwa.

Mu 2014, Real Madrid yatsinze Atletico Madrid ibitego 4-1 hitabajwe iminota 30 y’inyongera, ni nyama yaho Sergio Ramos yari yishyuye ku munota wa 93, naho mu 2016; Real Madrid yegukanye na none iri rushanwa itsinze Atletico Madrid kuri penaliti 5-3 nyuma yo kunganya 1-1.

Atletico Madrid iri kumwe na Diego Simeone, ikunda kugora bikomeye ikipe ya Real Madrid, aho yayitsinze inshuro 2 muri Copa del Rey, itsinda imikino 4 mu 8 ya shampiyona yabahuje, ariko nanone aho si i Burayi!

Atletico Madrid yakoreye imyitozo ku kibuga cya Real MadridAtletico Madrid yakoreye imyitozo ku kibuga cya Real Madrid
Sergio Ramos yababaje Atletico Madrid mu 2014Sergio Ramos yababaje Atletico Madrid mu 2014

Ku ruhande rwa Real Madrid baraza kuba bagaruye Raphael Varane umaze igihe atagaragara muri iyi mikino, Pepe ntawe uhari mu gihe Isco waruhukijwe bakina na Valence ashobora kuza gutangira uyu mukino cyangwa se James Rodriguez mu mwanya wa Gareth Bale wavunikiye muri El Clasico.

Kuri Atletico Madrid; Jose Gimenez yavunikiye mu mukino batsinzemo 5-0 Las Palmas kuwa Gatandatu, yiyongera kuri Sime Vrsaljko na Juanfran badahari. Ibi bishobora gutuma umutoza Diego Simeone azana Stefan Savic na Lucas Hernandez, Savic agakinana na Godin n’ubwo bidakunze kubaho ku mikino nk’iyi ikomeye. Yannick Carrasco yari afite ikibazo cy’urutugu ariko yakoze imyitozo yose ku cyumweru.

Real Madrid irashaka UEFA CL ya 12, iya 2 yikurikiranya!Real Madrid irashaka UEFA CL ya 12, iya 2 yikurikiranya!

Ibindi ku mukino

  • Uyu ni umwaka wa kane w’imikino, amakipe yombi ahuriye muri iri rushanwa. Atletico Madrid itegereje kubona intsinzi (D2 L2).
  • Real Madrid iri gukina 1/2 ku nshuro ya 7 yikurikiranya. Aya nayo ni amateka bihariye muri iri rushanwa.
  • Atlético Madrid yatsinzwe umukino umwe mu mikino 10 bakinnye uyu mwaka w’imikino muri Champions League (W7 D2).
  • Kuva 2010/11, Real Madrid yatsinze imikino 35 muri 41 ya Champions League bakiniye Santiago Bernabeu (D4 L2). Batsindwa ibiri na Barcelona muri Mata 2011 (0-2) hamwe na Schalke muri Werurwe 2015 (3-4).
  • Real Madrid ntirabura igitego mu mikino 35 ya Champions League yakiniye mu rugo, akaba ariyo kipe imaze imikino ingana gutya nibura yinjiza igitego ku kibuga cyayo muri iri rushanwa. Barcelona niyo kipe iheruka kuva Bernabeu batayibonyemo igitego (2-0 muri Mata 2011).
  • Real Madrid na Juventus ni yo makipe asigaye mu irushanwa ataratsindwa na rimwe uyu mwaka (W7 D3). Byongeye kandi Real Madrid batsinzwe rimwe mu mikino 12 yo gukuranamo iheruka (W8 D3), batsindwa na Wolfsburg 2-0 muri Mata 2016.
  • Real Madrid yatsinze imikino ine yose imaze gukina muri ibi byiciro byo gukuranamo uyu mwaka, n’ubwo hose yabanzwaga ibitego. Atletico Madrid yo yinjije ibitego 13 mu mikino 10 ndetse ni yo ifite bike mu makipe asigaye muri rushanwa.
  • Byibuze Real Madrid yatsinze ibitego bibiri mu mukino, mu mikino 10 iheruka gukina uyu mwaka, ariko nayo ikinjizwa igitego.

Griezmann na Godin ni muri bamwe bategerejweho byinshi ku ruhande rwa Atletico MadridGriezmann na Godin ni muri bamwe bategerejweho byinshi ku ruhande rwa Atletico Madrid

  • Atlético Madrid na Real Madrid niyo makipe afite imikino myinshi atinjijwemo igitego kuva mu 2013, aho Atletico ifite imikino 27 naho Real Madrid yo ni imikino 22.
  • Mu cyiciro giheruka, Cristiano Ronaldo yabaye umukinnyi wa mbere wabashije kugeza ku bitego 100 muri iyi kipe, ibintu bitarakorwa n’undi mukinnyi uwo ari we wese. Mu mikino yo gukuranamo nk’iyi barimo; uyu mukinnyi amaze kuhatsinda ibitego 49 mu mikino 65.
  • Antoine Griezmann yagize uruhare rwa 50% mu bitego bya Atletico Madrid muri iri rushanwa; guhera mu mwaka ushize w’imikino,atsinda 12, ariko anatanga imipira itatu yavuyemo ibindi bitego kuri bagenzi be.

Cristiano Ronaldo akunze gutsinda iyi kipe muri UEFA Champions League, n'ubwo kuri final ishize yari penalitiCristiano Ronaldo akunze gutsinda iyi kipe muri UEFA Champions League, n’ubwo kuri final ishize yari penaliti
Diego Simeone araza gusabwa guhindura amateka adafite bamwe mu bakinnyiDiego Simeone araza gusabwa guhindura amateka adafite bamwe mu bakinnyi

Mu wundi mukino uzaba muri 1/2 kuri uyu wa Gatatu, AS Monaco yo mu Bufaransa izahura na Juventus de Turin yo mu Butaliyani.

Iyi kipe yo mu Butaliyani ifite igikombe cyo mu 1985 no mu 1996 mu gihe mu 2015 batsinzwe na Barcelone 3-1 ku mukino wa nyuma, ariko ni yo baheruka gusezerera ku bitego 3-0 muri 1/4.

AS Monaco ikaba yarageze ku mukino wa nyuma inshuro imwe; mu 2004 ubwo batsindwaga na Porto ya Jose Mourihno. Iyi kipe ikaba igeze muri 1/2 nyuma yo gusezerera Manchester City na Borussia Dortmund mu byiciro bibiri biheruka.

Imikino yo kwishyura izaba mu cyumweru gitaha naho umukino wa nyuma uzabera i Cardiff kuri Millennium Stadium tariki ya 3 Kamena uyu mwaka.

Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru