RUHAGOYACU.com

Real Madrid vs Juventus: Amakuru avugwa mu makipe yombi na byinshi kuri finale ya UEFA Champions League

Guhera saa 20:45 z’umugoroba kuri uyu wa Gatandatu, kuri Millennium Stadium i Cardiff muri Wales, hateganyijwe umukino wa nyuma wa UEFA Champions League hagati ya Real Madrid na Juventus de Turin.

Real Madrid iraza gukina uyu mukino ishaka kuba ikipe ya mbere ikoze amateka yo gutwara iri rushanwa kabiri kikurikiranya kuva ryiswe UEFA Champions League mu 1993 mu gihe Juventus de Turin ishaka igikobe cya gatatu muri iri rushanwa nyuma yo gutwara icyo iheruka mu myaka 21 ishize.

AC Milan ni yo kipe iheruka kwegukana iri rushanwa rihuza amakipe yabaye aya mbere iwayo i Burayi mu 1989 no mu 1990, kabiri kikurikiranya, irushanwa rikitwa European Cup.

Real Madrid y’umutoza Zinedine Zidane barashaka igikombe cya 12 cya UEFA Champions League mu mateka yabo, icya gatanu kuva mu 1993.

Juventus ishobora kuba ikipe ya 9 iraza kuba ibashije gutwara ibikombe bitatu mu mwaka umwe igihe yabasha gutsinda Madrid, ni nyuma yo kwegukana Copa Italia na shampiyona y’abataliyani muri uyu mwaka w’imikino, mu gihe yaba ibaye ikipe ya kabiri yo mu Butaliyani ibashije kubigeraho inyuma ya Inter Milan mu mwaka w’imikino 2009/10.

Amakuru avugwa mu makipe yombi:

Ni akazi katoroshye ku mutoza Zidane wa Real Madrid aho agomba guhitamo ubanza mu kibuga hagati ya Isco wigaragaje ndetse Gareth Bale wari umaze iminsi mu mvune kuva tariki ya 23 Mata bakina na Barcelone, ariko uyu araza kuba yasubiye imbere y’abafana bo mu gihugu cye.

Hagati ya Gareth Bale na Isco umwe ntabwo abanzamoHagati ya Gareth Bale na Isco umwe ntabwo abanzamo

Dani Carvajal byitezwe ko aza kugaragara kuri uyu mukino nyuma yo kugaragara mu rutonde umutoza yajyanye kuri Principality Stadium.

Kuri Juventus, Mario Mandzukic byitezwe ko aza kuba ameze neza ndetse na Sami Khedira (wanakinnye muri Real), uraza kuba arwanira umwanya na Miralem Pjanic na Claudio Marchisio mu myanya ibiri yo mu kibuga hagati.

Myugariro w’ibumoso; Marko Pjaca na Daniele Rugani byitezwe ko badakina uyu mukino kubera ibibazo by’imvune.

Gianluigi Buffon, Giorgio Chiellini, Alex Sandro, Mario Mandzukic na Leonardo Bonucci bose bararuhukijwe ubwo Juve yasozaga Serie A ikina na Bologna kuwa Gatandatu ushize mu gihe Dani Alves atari yemerewe gukina uyu mukino.

Byinshi kuri uyu mukino no ku makipe yombi:

Uraza kuba ari umukino wa 19 hagati y’amakipe yombi, mu mikino y’iri rushanwa rikomeye i Burayi, aho kugeza ubu undi mukino wahuje amakipe menshi muri iri rushanwa ari Real Madrid imaze guhura na Bayern Munich inshuro 24.

Ku mikino yahuje amakipe yombi (Real na Juve) ntabwo bihabanye cyane kuko buri imwe yatsinze imikino 8 banganya 2, aho mu mukino uheruka kubahuriza kuri finale ari mu 1998 ubwo Real Madrid yatsindaga Juventus igitego 1-0 cya Pedrag Mijatovic.

Juventus yasezereye Madrid muri 1/2 mu 2014/15Juventus yasezereye Madrid muri 1/2 mu 2014/15

Real Madrid imaze kugera ku mukino wa nyuma muri iri rushanwa rikomeye i burayi inshuro 15, inshuro enye kurenza AC Milan iyigwa mu ntege (11). Real batwayemo ibikombe 11 mu nshuro 14 ziheruka, amateka atarakorwa n’indi kipe. Urebye batwaye igikombe muri buri mukino muri finale eshanu baheruka gukina, uretse ubwo batsindwaga na Liverpool mu 1981.

  • 1955-56: Real Madrid 4-3 Stade de Reims Champagne
  • 1956-57: Real Madrid 2-0 ACF Fiorentina
  • 1957-58: Real Madrid 3-2 AC Milan (aet)
  • 1958-59: Real Madrid 2-0 Stade de Reims Champagne
  • 1959-60: Real Madrid 7-3 Eintracht Frankfurt
  • 1961-62: SL Benfica 5-3 Real Madrid
  • 1963-64: FC Internazionale Milano 3-1 Real Madrid
  • 1965-66: Real Madrid 2-1 FK Partizan
  • 1980-81: Liverpool FC 1-0 Real Madrid
  • 1997-98: Real Madrid 1-0 Juventus
  • 1999-00: Real Madrid 3-0 Valencia CF
  • 2001-02: Real Madrid 2-1 Bayer 04 Leverkusen
  • 2013-14: Real Madrid 4-1 Club Atlético Madrid (aet)
  • 2015-16: Real Madrid 1-1 Club Atlético Madrid (aet; Real Madrid yatsinze penaliti 5-3)

Juventus yo yatsinzwe inshuro 6 mu 8 yageze ku mukino wa nyuma wa Champions League:

  • 1972-73: AFC Ajax 1-0 Juventus
  • 1982-83: Hamburger SV 1-0 Juventus
  • 1984-85: Juventus 1-0 Liverpool FC
  • 1995-96: Juventus 1-1 AFC Ajax (aet, Juventus yatsinze pen 4-2)
  • 1996-97: Borussia Dortmund 3-1 Juventus
  • 1997-98: Juventus 0-1 Real Madrid CF
  • 2002-03: Juventus 0-0 AC Milan (aet, Milan yatsinze pen 3-2)
  • 2014-15: Juventus 1-3 FC Barcelona

Juventus ni yo kipe itaratsindwa muri uyu mwaka w’imikino muri UEFA Champions League (W9 D3), ibintu byaherukaga gukorwa na Atletico Madrid mu mwaka w’imikino 2013/14.

Ubusanzwe nta kipe iratwara igikombe idatsinzwe umukino n’umwe kuva Manchester United yacyegukana mu mwaka w’imikino 2007/08.

Umutekano uraba wakajijwe nyuma yaho abantu 22 baguye i Manchester mu gitero cy'ubwiyahuziUmutekano uraba wakajijwe nyuma yaho abantu 22 baguye i Manchester mu gitero cy’ubwiyahuzi

Byibuze Real Madrid yinjije igitego muri buri mukino yakinnye (imikino 12) muri iri rushanwa, aho yinjije ibitego 32, byinshi kurusha andi makipe yose, gusa umukino itinjijwemo igitego ni Umwe ubwo batsindaga Atletico Madrid 3-0 muri 1/2.

Mu gihe Real Madrid yagiye ibanzwa igitego mu mikino 5 muri 6 yo gukuranamo uyu mwaka w’imikino, Juventus yo nta gitego cyagiye mu izamu ryayo mu mikino 5/6.

Gianluigi Buffon umuzamu wa Juve araza kuba umukinnyi wa gatatu ukuze ukinnye uyu mukino wa nyuma wa Champions League,(Imyaka 39 n’amezi 4) inyuma ya Dino Zoff (imyaka 41 n’amezi 2 mu 1983) ndetse na Edwin van der Sar (imyaka 40 n’amezi 6 mu 2011).

Dani Alvez ni we mukinnyi w’inyuma witwaye neza kuva mu 2007, aho amaze gutsinda ibitego 10 atanga imipira yavuyemo ibindi bitego igera kuri 25. Uyu araza kuba akina umukino w’100 ndetse aba umukinnyi wa 31 ubashije kugeza kuri iyi mikino muri iri rushanwa. Ni umunya-Brazil wa kabiri uraza kuba abigezeho nyuma ya Roberto Carlos.

Cristiano Ronaldo yagiye ageze ku bitego 10 mu nshuro 6 zikurikiranya akina UEFA champions League mu gihe nta wundi urarenza inshuro ebyiri inyuma ya Messi na Van Nistelrooy). Ronaldo ni we umaze gukina iminota myinshi uyu mwaka (1110).

Iyi ni finale ya 5 ya UEFA Champions League kuri Ronaldo mu gihe abandi bakinnyi bakinnye nyinshi ari: Paolo Maldini, Paco Gento (8), Alfredo Di Stéfano (7).

Abakinnyi bakina mu makipe yombi barigeze gukinana cg bagikina hamwe:


Abavuka mu bihugu bimwe bakinira:

  • Toni Kroos & Sami Khedira (Germany)
  • Marcelo, Danilo, Casemiro & Dani Alves, Alex Sandro (Brazil)
  • James Rodríguez & Juan Cuadrado (Colombia)
  • Mateo Kovacic, Luka Modric & Mario Mandžukic, Marko Pjaca (Croatia).

Abahoze mu makipe amwe:

  • Danilo, James Rodriguez & Alex Sandro (FC Porto, 2011–13)
  • Danilo & Alex Sandro (Santos FC, 2010–11)
  • Toni Kroos & Mario Mandžukic (FC Bayern München, 2012–14)
  • Mario Mandžukic & Luka Modric (GNK Dinamo Zagreb, 2007/08)
  • Karim Benzema & Miralem Pjanic (Olympique Lyonnais, 2008/09)
  • Dani Alves & Sergio Ramos (Sevilla FC, 2003–05)

* Alvaro Morata wa Real Madrd yagiye muri Juventus avuye muri Espagne mbere yo kugarurwa i Madrid mu gihe kandi umutoza Zidane na we yakiniye Juventus na Real Madrid.

Map : Ahabanza  \  Burayi  \  Ibikombe bya UEFA

Ibitekerezo byatanzwe kuri iy'inkuru

  1. GIKUNDIRO

    Kuya 3-06-2017 saa 12:54'

    BARAGWA MISWI 1-1 JUVENTUS IGITWARE KURI ZA PENARTI

  2. Janvier

    Kuya 3-06-2017 saa 09:16'

    Ndabona Madrid Ibikora


  • AMATEGEKO AGENGA IYANDIKA RY'IGITEKEREZO CYAWE:
    Andika Izina na E-mail yawe ahabugenewe. Igitekerezo cyawe kigaragara nyuma y'isuzuma rikorwa na RuhagoYacu.com. Iyo igitekerezo cyawe kitajyanye n'inkuru cyangwa gitandukiriye amahame agenga abasiporitifu kirasibwa.
    Murakoze!

Izindi nkuru